Senbi, jeksenbi kúnderi, ıaǵnı, 2-3 qazanda tańǵy saǵat 9-dan keshki 18:00-ge deıin elordada Qaraǵandy oblysy taýar óndirýshileriniń aýyl sharýashylyǵy jármeńkesiótedi.
– Oblys taýar óndirýshileri elordaǵa 600 tonnaǵa jýyq ónim ákeldi. Baǵalar qoljetimdi, et ónimderi, kókónis pen kartop úlken suranysqa ıe. Elordada osymen 9-shy jármeńke ótip jatyr. Óńirlerdiń aýyl sharýashylyǵy jármeńkeleriniń maýsymy 21 tamyzda bastaldy. Jármeńkelerde 2,7 myń tonnaǵa jýyq ónim satyldy, respýblıkanyń túrli óńirlerinen 380-ge jýyq kásipker qatysýda. Munda saýda bóliminen bastap baǵa saıasatyn saqtaý mánine deıin, sanıtarlyq-epıdemıologıalyq baqylaý qyzmetterimen veterınarlyq, fıto-sanıtarlyq baǵyttar boıynsha qujattardy salystyrý bóliginde barlyq qalalyq qyzmetter turaqty túrde monıtorıń júrgizýdi, – deıdi Nur-Sultan qalasynyń Investısıalar jáne kásipkerlikti damytý basqarmasynyń saýda jáne qyzmet kórsetý salasyn damytý bóliminiń basshysy Rýslan Ydyrysov.
Onyń aıtýynsha, jármeńke bastalardan bir apta buryn elordanyń ınvestısıalar jáne kásipkerlikti damytý basqarmasynyń qyzmetkerleri óńirlermen ónim baǵasy máselesin pysyqtaıdy. Ár óńirdiń baǵasy bar ulttyq statısıka búrosynyń saıtynda apta saıyn shyǵatyn elordanyń kóterme saýda naryqtaryna jáne statısıkalyq derekterge baǵdarlanady. Munyń bári aldyn-ala daıyndalýda, aımaq usynylǵan baǵalarymen keledi.
– Qaraǵandy oblysynyń 9 aýdany men 4 qalasynan 126-dan astam fermerlik, sharýa qojalyqtary men qaıta óńdeý kásiporyndary óz ónimderin ákeldi. Jalpy kólemi 600 tonnadan astam 750 mln teńgege jýyq ónim, onyń ishinde et, kókónis, kartop, sút ónimderi, shujyq ónimderi satylady jáne eki qus fabrıkasynyń ónimderi elordalyqtarǵa usynylyp otyr. Árıne, elorda turǵyndarynyń bizdiń et pen kókóniske degen suranysy joǵary. Bizde baǵalar naryqtyq baǵadan áldeqaıda tómen, óıtkeni biz jaqynbyz, logıstıka basqa oblystarmen salystyrǵanda arzanǵa shyqty, – dep habarlady Qaraǵandy oblysy Aýyl sharýashylyǵy basqarmasynyń bólim basshysy Jasulan Tarpanov.
Jármeńkeniń baǵasy shynymen de qoljetimdi. Mysaly, kartop pen sábizdi 100 teńgege, pıazdy – 90 teńgege, qıardy – 250 teńgege, jylqy etin – 2200 teńgege, sıyr etin – 2000 teńgege, qoı etin – 1800 teńgege satyp alýǵa bolady.
Qaraǵandydan shyqqan otbasylyq jup Azamat pen Aıtolqyn Seıitqazınder týǵan óńirinen kelgen taýar óndirýshiler jármeńkesin ótkizip almaýǵa tyrysatyndaryn aıtty.
– Ata-analarymyzdyń úıinde, ıaǵnı Qaraǵandyda qonaqta bolǵan kezde árdaıym jergilikti qus fabrıkasynyń ónimderin, aıran, súzbe, qaımaǵyn alyp kelemiz. Búgin biz azyq-túlik satyp alýǵa keldik. Birinshiden, bul, árıne, et, kókónister, mundaı baǵany tipti elordalyq bazarlardan taba almaısyz. Mine, bos kelip, azyq-túlik tolǵan arbamen qaıtyp baramyz, - deıdi elordalyqtar.
Aıta ketý kerek, jármeńkede barlyq sanıtarlyq normalar saqtalýda. Aýmaqta qozǵalys baǵyty kórsetilgen belgiler, áleýmettik qashyqtyqty saqtaý týraly eskertpeler bar, týrnıketterde qol gıgıenasyna arnalǵan sanıtaızerler ornatylǵan. Sondaı-aq, kelýshilerge karantındik sharalardy, sonyń ishinde maska rejımin saqtaýdy eske salatyn bannerler bar.
Elordada bıyl áleýmettik mańyzy bar azyq-túlik ónimderiniń baǵasyn turaqtandyrý maqsatynda kókónister men jemisterdiń pisý merzimin eskere otyryp, 14 jármeńke ótkizý josparlanǵan. Aýyl sharýashylyǵy óńirlik jármeńkeleriniń maýsymy Nur-Sultanda 31 qazanǵa deıin jalǵasady. 21 tamyzdan bastap elordadaǵy jármeńkelerde Túrkistan, Batys Qazaqstan, Shyǵys Qazaqstan, Qyzylorda, Almaty, Atyraý, Jambyl jáne Aqtóbe oblystarynyń aýylsharýashylyq taýar óndirýshileri óz ónimderin usyndy.
