ونىڭ ايتۋىنشا، كەشە بارلىق ايماقتا «Nur Otan»-نان 587 كانديدات تىركەلگەن. ۇمىتكەرلەردىڭ 35%-تەن استامى – جاڭا تۇلعالار، ونىڭ ىشىندە ءبىلىم بەرۋ سالاسىنىڭ وكىلدەرى، كاسىپكەرلەر، فەرمەرلەر بار. ولاردىڭ كوپشىلىگى – تاياۋدا وتكەن پارتياىشىلىك پرايمەريزدىڭ قاتىسۋشىلارى، باستاۋىش پارتيا ۇيىمدارىنىڭ ءتوراعالارى. كانديداتتاردىڭ ورتاشا جاسى – 46 جاس. ايەلدەر – 11%، 35 جاسقا دەيىنگى جاستار – 14%.
– وزدەرىڭىزگە ءمالىم، ەل پرەزيدەنتى قاسىم-جومارت كەمەل ۇلى توقايەۆتىڭ باستاماسى بويىنشا 25 شىلدەدە تۇڭعىش رەت اۋداندىق ماڭىزى بار قالالاردىڭ، اۋىلدار مەن كەنتتەردىڭ جانە اۋىلدىق وكرۋگتەردىڭ اكىمدەرىن تىكەلەي سايلاۋ وتەدى. مەملەكەت باسشىسى اتاپ وتكەندەي، «الداعى سايلاۋ – ساياسي جۇيەمىزدىڭ كەمەلىنە كەلگەنىنىڭ بەلگىسى عانا ەمەس، سونىمەن بىرگە قوعامىمىزدىڭ دەموكراتيالىق دامۋ جولىنا نىق قادام باسقانىن بىلدىرەدى». «Nur Otan»-نىڭ مىندەتى – تەك سايلاۋدا جەڭىسكە جەتۋ عانا ەمەس، اۋىلداردىڭ دامۋىنا جۇيەلى جاعداي جاساۋ، ازاماتتاردىڭ ناقتى ماسەلەلەرىن شەشۋ. پارتيا ءوز كانديداتتارىن ۇسىنا وتىرىپ، ءبىرىنشى بۋىن اكىمدەردىڭ ەل پرەزيدەنتى ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسى اياسىندا حالىقپەن ءوزارا ارەكەتتەستىگىنىڭ جاڭا مادەنيەتىن قالىپتاستىرا وتىرىپ، زاماناۋي تاسىلدەردى ەندىرۋدە، – دەدى باۋىرجان بايبەك.
پارتيا ءتوراعاسىنىڭ ءبىرىنشى ورىنباسارى كەلتىرگەن مالىمەتتەرگە سۇيەنسەك، بۇل ءۇشىن پارتيا ءوز كانديداتتارىن جاڭا جاعدايدا، ادامدارمەن تىكەلەي «قويان-قولتىق» جۇمىس ىستەۋگە باعىتتاپ، ءتيىمدى كەرى بايلانىس ورناتۋعا وقىتۋدا. جەرگىلىكتى جەرلەردەگى بارلىق كانديدات پەن شتاب مۇشەلەرى ساياسي مەنەدجمەنت مەكتەبىنىڭ بازاسىندا سەميناردان ءوتىپ، قاجەتتى ۇيىمدىق، ادىستەمەلىك جانە باسقا دا قولداۋمەن قامتاماسىز ەتىلگەن. ولاردىڭ ءارقايسىسىندا اۋماقتىڭ مۇمكىندىگىن ەسكەرە وتىرىپ، پارتيا قولداۋىمەن قامتاماسىز ەتىلگەن ناقتى سايلاۋالدى باعدارلاماسى تۇجىرىمدالعان.
– «Nur Otan» ماقساتى ايقىن، ناقتى ىستەر پارتياسى رەتىندە كۇندەلىكتى جۇمىسىندا ساياسي جاڭاشىلدىق، جۇيەلىلىك جانە ساباقتاستىق سەكىلدى قاعيداتتاردى باسشىلىققا الادى. ەلباسى، پارتيا ليدەرى نۇرسۇلتان نازاربايەۆ «Nur Otan» قىزمەتىنىڭ نەگىزى ەتىپ العان ناق وسى تاسىلدەر پارتيامىزدىڭ سايلاۋلاردا جەڭىسكە جەتۋىن، ونىڭ ۇزاق مەرزىمدى ساياسي كوشباسشىلىعىن قامتاماسىز ەتىپ كەلەدى. وسىلايشا، «Nur Otan» بۇل سايلاۋعا بارىنشا دايىندىقپەن كەلىپ وتىر. قوعامدىق ساياسات ينستيتۋتىنىڭ الەۋمەتتىك زەرتتەۋىنە، پارتيانىڭ قوعامدىق قابىلداۋ بولمەلەرىنىڭ دەرەكتەرىن تالداۋعا جانە جەرگىلىكتى جەرلەردەگى قوعامدىق-ساياسي احۋال مونيتورينگىنە سايكەس ءبىز سايلاۋ وكرۋگتەرىنىڭ 80%-تەن استامىندا جەڭىسكە قول جەتكىزۋدى ماقسات ەتىپ وتىرمىز، – دەپ اتاپ ءوتتى ول.
سونداي-اق، باۋىرجان بايبەك ءوز جازباسىندا «Nur Otan» پارلامەنتتىك سايلاۋلاردان كەيىن بىردەن سايلاۋالدى ۋادەلەرىن ىسكە اسىرۋعا بەلسەندى تۇردە كىرىسكەنىنە ەرەكشە توقتالدى.
سايلاۋدان كەيىنگى مىندەتتەرگە وراي بۇكىل قاجەتتى پارتيالىق ينفراقۇرىلىم جاڭاشا قايتا قۇرىلىمدانعانى ايتىلدى. جاۋاپتى دەپۋتاتتار مەن باسشىلار بەكىتىلگەن 217 جول كارتاسى ىسكە اسىرىلۋدا. سايلاۋالدى ۋادەلەردى مونيتورينگتەۋ جانە جەرگىلىكتى جەرلەردە وزەكتى ماسەلەلەردى اشىپ ايتۋ ءۇشىن 12 مىڭنان استام بەلسەندى ازاماتتىڭ قاتىسۋىمەن 1،7 مىڭنان استام قوعامدىق كەڭەستىڭ وڭىرلىك جەلىسى قۇرىلدى.
«وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسى قازىرگى كەزدە رەسپۋبليكالىق دەڭگەيدە 7%-كە، وڭىرلىك دەڭگەيدە 5%-كە ورىندالدى. قوعامدىق كەڭەستەر مەملەكەتتىك ورگاندار ءۇشىن 250-دەن استام ناقتى ۇسىنىمدار تۇجىرىمدادى، ونىڭ ىشىندە بيزنەسكە كەدەرگىلەردى جويۋ، مەملەكەتتىك ساتىپ الۋ جۇيەسىن جەتىلدىرۋ، الەۋمەتتىك الەۋمەتتىك ماڭىزدى ازىق-تۇلىك تاۋارلارىنىڭ باعاسىن ۇستاپ تۇرۋ بويىنشا شارالار قابىلداۋ جانە باسقالارى بار. وڭىرلىك دەڭگەيدە 3،3 مىڭنان استام وزەكتى الەۋمەتتىك ماسەلە قارالدى. كوتەرىلىپ وتىرعان ماسەلەلەردىڭ بارلىعى پارتيالىق باقىلاۋعا الىنادى.
تەك جىل باسىنان بەرى پارتيانىڭ قوعامدىق قابىلداۋ بولمەلەرىندە دەپۋتاتتار، «Nur Otan» پارتياسىنىڭ مۇشەلەرى – مەملەكەتتىك ورگانداردىڭ باسشىلارى 14 مىڭنان استام قابىلداۋ وتكىزىپ، 74 مىڭ قازاقستاندىقتى قابىلدادى. وتىنىشتەردىڭ 96%ء-ى بويىنشا وڭ شەشىمگە قول جەتكىزىلدى، كونسۋلتاتيۆتىك، قۇقىقتىق جانە باسقا دا كومەك كورسەتىلدى. قالعان 4%ء-ى ورىندالۋدا.
ماجىلىستەگى «Nur Otan» فراكسياسىنىڭ باستاماسىمەن سايلاۋالدى مىندەتتەمەلەردى ىسكە اسىرۋ جونىندەگى جول كارتاسىنا سايكەس 12 زاڭنامالىق جانە قۇقىقتىق اكتى، ونىڭ ىشىندە 9 زاڭ قابىلداندى. ولاردىڭ قاتارىندا ەكولوگيالىق كودەكس، ينكليۋزيۆتىك ءبىلىم بەرۋ، الەۋمەتتىك كاسىپكەرلىكتى دامىتۋ، ازاماتتاردىڭ قۇقىقتارىن قورعاۋدى كۇشەيتۋ جانە باسقالارى بويىنشا وزگەرىستەر بار.
جاستار الدىنداعى سايلاۋالدى ۋادەلەردى ورىنداۋ جايى ەرەكشە باقىلاۋدا. ماسەلەن، 2025 جىلعا دەيىنگى «جاستار – وتانعا!» باعدارلاماسىن ىسكە اسىرۋ بويىنشا 217 جول كارتاسى اياسىندا 35 جاسقا دەيىنگى 4،5 ميلليوننان استام جاس قازاقستاندىقتى قامتي وتىرىپ، 3،5 مىڭ ينديكاتورعا قول جەتكىزۋ كوزدەلگەن. نەگىزگى ماسەلەلەر قاتارىندا ءبىلىم بەرۋ ساپاسىن كوتەرۋ، جۇمىسقا ورنالاستىرۋ، قولجەتىمدى باسپانا، ازاماتتىق بەلسەندىلىكتى كەڭەيتۋ، تۇلعالىق دامۋ جانە بوس ۋاقىت ماسەلەلەرى بار.
ەلباسىنىڭ «سەنىم. ديالوگ. بولاشاققا نىق قادام» اتتى پارتيانى جۇيەلى قايتا جاڭعىرتۋ باعدارلاماسى اياسىندا ايماقتىق وكىلدى پارتيا ورگاندارىنىڭ باسشىلىعى 40%-كە جاڭاردى. پارتيا ورتالىق اپپاراتىنىڭ قۇرىلىمى شتات سانى 10%-كە قىسقارتىلا وتىرىپ، وڭتايلاندىرىلدى. جاڭا ستاندارتتار مەن قوعام سۇرانىسى ەسكەرىلە وتىرىپ، سىبايلاس جەمقورلىققا قارسى كۇرەس ودان ءارى كۇشەيتىلۋدە. جارعى مەن ەتيكا كودەكسىنە سايكەس پارتيا قاتارىن «تازارتۋ» جالعاستىرىلۋدا.
قوعامدىق باقىلاۋدى كۇشەيتۋ، جەرگىلىكتى جەردە ەنجارلىقتى جەڭۋ، دەپۋتاتتاردىڭ اشىقتىعىن قامتاماسىز ەتۋ ءۇشىن بيىلدان باستاپ العاش رەت بارلىق دەڭگەيدەگى ءماسليحاتتارداعى «Nur Otan» فراكسيالارى مۇشەلەرىنىڭ جاريا رەيتينگى ەنگىزىلدى. 1 قىركۇيەكتەن باستاپ ازاماتتار ءۇشىن اشىق قولجەتىمدى ارنايى ينتەرنەت-پلاتفورمانى ىسكە قوسۋ جوسپارلانىپ وتىر. وندا حالىق قالاۋلىلارىنىڭ قىزمەتى مەن باستامالارى تۋرالى اقپاراتتار، ولارعا تىكەلەي جۇگىنۋ مۇمكىندىگى قامتىلعان.
– تاۋەلسىزدىك اياسىنداعى 30 جىل ىشىندە ەلىمىز ءارتۇرلى قيىندىقتار مەن سىناقتاردى باستان كەشىردى. ايتسە دە، ءبىز ولاردى ءاردايىم ەڭسەرىپ، بىرلىگىمىز ارتىپ، قۋاتتى بولا تۇستىك. قازىرگىدەي سىن-قاتەرلەر جاعدايىندا «Nur Otan»-نىڭ ولاردى ەڭسەرۋ بويىنشا ناقتى باعدارلامالارى مەن قۇرالدارى، پارتيالاستارى مەن قوعام بەلسەندىلەرى، ساياسي ەرىك-جىگەرى مەن شەشىمتال ءىس-قيمىلى بار. قازاقستاندىقتاردىڭ قولداۋىمەن «Nur Otan» پارتياسى ءارى قاراي دا ەل باسشىلىعى مەجەلەگەن بارلىق جوسپاردىڭ ىسكە اسىرىلۋىن قامتاماسىز ەتۋدى جالعاستىرا بەرەدى، – دەپ تۇيىندەدى باۋىرجان بايبەك.
