بۇل رەتتە نۇرلان قونىسبايەۆ 31 ارنانىڭ “ايتا بەرسىن” باعدارلاماسىنا بەرگەن سۇحباتىندا توپتىڭ نە سەبەپتى تاراپ تىنعانىن ءتۇسىندىردى، دەپ جازادى Stan.kz.
– ءار نارسەنىڭ ءوز ۋاقىتى بار عوي. 25 جىل ءبىر شيرەك دەيمىز. بىرگە ءجۇرىپ، بىرگە ءان شىرقادىق، قازاقستاننىڭ كوپ قالاسىن، اۋىلىن، دالاسىن بىرگە ارالادىق. ءوزىنىڭ ۋاقىتى سولاي بولعان شىعار. مەكتەپتى دە 11 جىل وقىپ، قۇجاتىڭدى الىپ، ءارى قاراي ءبىلىمىڭدى جالعاستىراسىڭ. سول سياقتى… 25 جىل بىرگە ايتقاننان كەيىن: «دوسىم، بولەك كەتەمىن» – دەگەندىكتەن بولەك كەتتىك، وسىنداي كەلىسىمگە كەلدىك. ءبىراق سالەمىمىز، اماندىعىمىز ءتۇزۋ، – دەيدى نۇرلان قونىسبايەۆ.
بۇعان دەيىن مۇقاسان ارىپتەسىنىڭ قايدا جانە نەمەن اينالىسىپ جۇرگەنىن بىلمەيتىنىن ايتقان. كۇندەردىڭ كۇنىندە نۇرلاننىڭ توسىنسىيمەن ورالۋى مۇمكىن ەكەنىن دە مەڭزەگەن. ونىڭ ايتقانى ءدوپ كەلدى. اراعا تۋرا ءتورت اي سالىپ، نۇرلان قونىسبايەۆ “شانشار” ءازىل-ىسقاق تەاترىنىڭ كەشىندە ساحناعا شىقتى. العاش رەت جالعىز ءوزى ءان سالدى.
ءبىر وكىنىشتىسى، شيرەك عاسىردا جينالعان اندەردىڭ ءبارى مۇقاساننىڭ قورجىنىندا قالعان. سەبەبى ەكىنشى داۋىس ورىنداۋشىسى ءۇشىن ايتىلعان اندەردىڭ بارلىعى جەكە ورىنداۋىنا مۇلدەم كەلمەيدى ەكەن.
– دۋەت بولعاندا ەكى داۋىستا ايتاتىن ەدىك. وسى ۋاقىتقا دەيىن وزىمە جەكە ءان جازباپپىن. 1-2 ءاندى 1 شۋماقتان ايتقان كەزىمىز بولعان. بولىنگەننەن كەيىن 5-6 ءان جازۋعا تۋرا كەلدى. انا تۋرالى ءان جازدىم، حالىق اندەرىنەن الدىم، ەسكى رەترو دەيدى، جانىما جاقىن، قۇلاققا قونىمدى، وزىمە كەلەتىن، حالىقتىڭ كوڭىلىنەن شىعاتىن اندەردى اقىرىنداپ جازىپ جاتىرمىن، – دەپ ءتۇسىندىردى نۇرلان.
