Bul rette Nurlan Qonysbaev 31 arnanyń “Aita bersin” baǵdarlamasyna bergen suhbatynda toptyń ne sebepti tarap tynǵanyn túsindirdi, dep jazady Stan.kz.
– Ár nárseniń óz ýaqyty bar ǵoi. 25 jyl bir shirek deimiz. Birge júrip, birge án shyrqadyq, Qazaqstannyń kóp qalasyn, aýylyn, dalasyn birge araladyq. Óziniń ýaqyty solai bolǵan shyǵar. Mektepti de 11 jyl oqyp, qujatyńdy alyp, ári qarai bilimińdi jalǵastyrasyń. Sol siiaqty… 25 jyl birge aitqannan keiin: «Dosym, bólek ketemin» – degendikten bólek kettik, osyndai kelisimge keldik. Biraq sálemimiz, amandyǵymyz túzý, – deidi Nurlan Qonysbaev.
Buǵan deiin Muqasan áriptesiniń qaida jáne nemen ainalysyp júrgenin bilmeitinin aitqan. Kúnderdiń kúninde Nurlannyń tosynsyimen oralýy múmkin ekenin de meńzegen. Onyń aitqany dóp keldi. Araǵa týra tórt ai salyp, Nurlan Qonysbaev “Shanshar” ázil-ysqaq teatrynyń keshinde sahnaǵa shyqty. Alǵash ret jalǵyz ózi án saldy.
Bir ókinishtisi, shirek ǵasyrda jinalǵan ánderdiń bári Muqasannyń qorjynynda qalǵan. Sebebi ekinshi daýys oryndaýshysy úshin aitylǵan ánderdiń barlyǵy jeke oryndaýyna múldem kelmeidi eken.
– Dýet bolǵanda eki daýysta aitatyn edik. Osy ýaqytqa deiin ózime jeke án jazbappyn. 1-2 ándi 1 shýmaqtan aitqan kezimiz bolǵan. Bólingennen keiin 5-6 án jazýǵa týra keldi. Ana týraly án jazdym, halyq ánderinen aldym, eski retro deidi, janyma jaqyn, qulaqqa qonymdy, ózime keletin, halyqtyń kóńilinen shyǵatyn ánderdi aqyryndap jazyp jatyrmyn, – dep túsindirdi Nurlan.
