مەجٸلٸستە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە نوتارياتتىق قىزمەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى تانىستىرىلدى, دەپ حابارلايدى dalanews.kz.
زاڭ جوباسىن دەپۋتاتتار توبى ەزٸرلەگەن. قۇجات اياسىندا كەسٸپكەرلٸك كودەكسٸنە, ازاماتتىق پروتسەستٸك كودەكسكە جەنە «نوتاريات تۋرالى» زاڭعا ٶزگەرٸستەر ەنگٸزۋ كٶزدەلٸپ وتىر.
مەجٸلٸس وتىرىسىندا بايانداما جاساعان دەپۋتات نۇرسۇلتان بايتٸلەسوۆتٸڭ ايتۋىنشا, تٷزەتۋلەر ازاماتتاردىڭ قۇقىقتارىن قورعاۋدى كٷشەيتۋگە, اتقارۋشىلىق جازبالار جٷيەسٸن جەتٸلدٸرۋگە, مەملەكەتتٸك باقىلاۋدى ارتتىرۋعا جەنە نوتاريات سالاسىن تسيفرلاندىرۋعا باعىتتالعان.
قۇجاتتاعى باستى ٶزگەرٸستەردٸڭ بٸرٸ نوتارياتتىق قىزمەتتەردٸ ونلاين فورماتقا كٶشٸرۋگە قاتىستى. قازٸردٸڭ ٶزٸندە سەنٸمحاتتار مەن كەلٸسٸمدەردٸڭ بٸر بٶلٸگٸ قاشىقتان رەسٸمدەلٸپ جاتىر. پيلوتتىق جوبا اياسىندا 800 مىڭنان استام قىزمەت ونلاين كٶرسەتٸلگەن.
دەپۋتاتتاردىڭ مەلٸمەتٸنشە, ەندٸ بۇل تەتٸكتەردٸ زاڭ دەڭگەيٸندە بەكٸتۋ ۇسىنىلىپ وتىر. سونىڭ ارقاسىندا نوتارياتتىق ەرەكەتتەر ازاماتتىڭ جەكە قاتىسۋىمەن عانا ەمەس, ەلەكتروندىق ٷكٸمەت پورتالى ارقىلى دا جٷرگٸزٸلۋٸ مٷمكٸن.
زاڭ جوباسىندا اتقارۋشىلىق جازبالارعا قاتىستى تالاپتار دا قاتاڭداتىلادى. قازٸر كەيبٸر ميكروقارجى ۇيىمدارى كەلٸسٸمشارتتارعا كەز كەلگەن نوتاريۋسقا جٷگٸنۋگە مٷمكٸندٸك بەرەتٸن نورمالار ەنگٸزٸپ كەلەدٸ. بۇل تەجٸريبە قۇقىق قولدانۋدا ەركەلكٸلٸك تۋدىرىپ وتىر.
وسىعان بايلانىستى اتقارۋشىلىق جازبانى تەك بورىشكەردٸڭ تٸركەلگەن جەرٸ بويىنشا رەسٸمدەۋ ۇسىنىلعان. ەگەر بورىشكەردٸڭ تۇراتىن اۋماعى سەيكەس كەلمەسە, جٷيە اۆتوماتتى تٷردە بۇعات قويادى.
تاعى بٸر ماڭىزدى ٶزگەرٸس بورىشكەرلەردٸ حاباردار ەتۋگە قاتىستى.
بٷگٸندە كٶپتەگەن ازامات اتقارۋشىلىق جازبا جاسالعانىن تەك بانك شوتتارى بۇعاتتالعاننان كەيٸن عانا بٸلەدٸ. جاڭا تٷزەتۋلەر بويىنشا بورىشكەرگە اتقارۋشىلىق جازبانىڭ كٶشٸرمەسٸ ەلەكتروندىق ٷكٸمەت پورتالى جەنە SMS ارقىلى جٸبەرٸلەدٸ.
مەجٸلٸس وتىرىسىندا پيلوتتىق جوبا كەزٸندە مۇنداي جٷيەنٸڭ تيٸمدٸلٸگٸ دەلەلدەنگەنٸ ايتىلدى.
سونىمەن قاتار زاڭ جوباسىندا نوتاريۋستاردىڭ جەكە سوت ورىنداۋشىلارىمەن, ميكروقارجى ۇيىمدارىمەن جەنە ٶزگە دە مٷددەلٸ تۇلعالارمەن بايلانىسىن شەكتەۋ ۇسىنىلعان.
اتاپ ايتقاندا, جاقىن تۋىستىق نەمەسە ٶزگە تەۋەلدٸلٸك انىقتالعان جاعدايدا نوتارياتتىق ەرەكەتتەر جاساۋعا تىيىم سالۋ قاراستىرىلىپ وتىر.
بۇدان بٶلەك مەملەكەتتٸك جەنە كۆازيمەملەكەتتٸك سەكتور كەلٸسٸمشارتتارىنا قاتىستى اتقارۋشىلىق جازبالاردى نوتاريۋستار قۇزىرەتٸنەن الىپ تاستاۋ ۇسىنىلعان. مۇنداي داۋلار سوت تەرتٸبٸمەن قارالۋى مٷمكٸن.
سونداي اق قۇجات اياسىندا نوتاريۋستاردىڭ «نوتاريات تۋرالى» زاڭ تالاپتارىن جەنە دەربەس دەرەكتەردٸ قورعاۋ ەرەجەلەرٸن بۇزعانى ٷشٸن جاۋاپكەرشٸلٸكتٸ كٷشەيتۋ كٶزدەلگەن.
مەجٸلٸس دەپۋتاتتارىنىڭ پٸكٸرٸنشە, تٷزەتۋلەر قابىلدانسا, نوتاريات سالاسىنداعى اشىقتىق ارتىپ, ازاماتتاردىڭ قۇقىقتارىن قورعاۋ تەتٸكتەرٸ كٷشەيەدٸ, ال اتقارۋشىلىق جازبالاردى تەرٸس پايدالانۋ تەۋەكەلٸ تٶمەندەيدٸ.
