نيۋ-يوركتٸڭ مەملەكەتتٸك مەكتەپتەرٸندە وقۋشىلاردىڭ گەنەراتيۆتٸ جاساندى ينتەللەكت قۇرالدارىن پايدالانۋىنا شەكتەۋ قويىلىپ, ەكران الدىندا ٶتكٸزەتٸن ۋاقىتى قىسقارتىلماق, دەپ حابارلايدى dalanews.kz.
اقش-تاعى ەڭ ٸرٸ مەكتەپ وكرۋگٸ شامامەن 600 مىڭ وقۋشىعا قاتىستى گەنەراتيۆتٸ جاساندى ينتەللەكتكە موراتوريي ەنگٸزەدٸ. شەكتەۋ مەكتەپالدى دايارلىقتاعى بالالار مەن 8-سىنىپقا دەيٸنگٸ وقۋشىلارعا قاتىستى بولادى. وعان جاساندى ينتەللەكت چات-بوتتارى مەن گەنەراتيۆتٸ AI باعدارلامالارى دا كٸرەدٸ.
سونىمەن قاتار جەكە قۇرىلعىلاردىڭ ەكرانى الدىندا ٶتكٸزٸلەتٸن ۋاقىتقا دا شەكتەۋ قويىلادى. 3–5 سىنىپ وقۋشىلارى ٷشٸن بۇل ۋاقىت كٷنٸنە 30 مينۋتپەن, ال 6–8 سىنىپتار ٷشٸن 45 مينۋتپەن شەكتەلەدٸ.
بيلٸك بۇل شەشٸمدٸ تەحنولوگييانى شامادان تىس پايدالانۋدىڭ بالالاردىڭ دامۋىنا ىقپالىنا قاتىستى الاڭداۋشىلىقپەن تٷسٸندٸردٸ.
دەگەنمەن جوعارى سىنىپ وقۋشىلارى ٷشٸن جاساندى ينتەللەكتتٸ پايدالانۋعا تولىق تىيىم سالىنبايدى. ولارعا AI قۇرالدارى پيلوتتىق باعدارلامالار اياسىندا قولجەتٸمدٸ بولادى. سونداي-اق ەرەكشە بٸلٸم بەرۋ قاجەتتٸلٸكتەرٸ بار كەيبٸر وقۋشىلارعا دا مۇنداي تەحنولوگييالاردى پايدالانۋعا رۇقسات بەرٸلەدٸ.
