Niý-Iorktiń memlekettik mektepterinde oqýshylardyń generativti jasandy intellekt quraldaryn paidalanýyna shekteý qoiylyp, ekran aldynda ótkizetin ýaqyty qysqartylmaq, dep habarlaidy dalanews.kz.
AQSh-taǵy eń iri mektep okrýgi shamamen 600 myń oqýshyǵa qatysty generativti jasandy intellektke moratorii engizedi. Shekteý mektepaldy daiarlyqtaǵy balalar men 8-synypqa deiingi oqýshylarǵa qatysty bolady. Oǵan jasandy intellekt chat-bottary men generativti AI baǵdarlamalary da kiredi.
Sonymen qatar jeke qurylǵylardyń ekrany aldynda ótkiziletin ýaqytqa da shekteý qoiylady. 3–5 synyp oqýshylary úshin bul ýaqyt kúnine 30 minýtpen, al 6–8 synyptar úshin 45 minýtpen shekteledi.
Bilik bul sheshimdi tehnologiiany shamadan tys paidalanýdyń balalardyń damýyna yqpalyna qatysty alańdaýshylyqpen túsindirdi.
Degenmen joǵary synyp oqýshylary úshin jasandy intellektti paidalanýǵa tolyq tyiym salynbaidy. Olarǵa AI quraldary pilottyq baǵdarlamalar aiasynda qoljetimdi bolady. Sondai-aq erekshe bilim berý qajettilikteri bar keibir oqýshylarǵa da mundai tehnologiialardy paidalanýǵa ruqsat beriledi.
