اتىراۋدا NCOC كومپانيياسىنىڭ مەنەدجەرٸنٸڭ ٶلٸمٸنە قاتىستى كٷدٸكتٸ قاماۋعا الىندى, - دەپ حابارلايدى Dalanews.kz.
اتىراۋدا تەرگەۋ سوتى ەليتالىق تۇرعىن ٷيدە NCOC كومپانيياسىنىڭ مەنەدجەرٸ بيبٸگٷل شپانوۆانى قاتٸگەزدٸكپەن ٶلدٸردٸ دەپ ايىپتالعان سانتەحنيكتٸ تەرگەۋ يزولياتورىنا قامادى.
مارقۇمدى جاقىندارى جەر قوينىنا تاپسىرىپ, اس بەرٸلدٸ.
NCOC كومپانيياسى قىزمەتكەردٸڭ قازاسىنا بايلانىستى وتباسىنا كٶڭٸل ايتىپ, كٸنەلٸلەر جازالاناتىنىنا سەنەتٸنٸن جەتكٸزدٸ.
"بيبٸگٷل – كەسٸبي ەرٸ تالانتتى باسشى. ونىڭ بٸلٸمٸ, تەجٸريبەسٸ مەن ٸسٸنە ادالدىعى ەشقاشان ۇمىتىلمايدى. NCOC كومپانيياسى بۇل قازاعا قايعىرىپ, بيبٸگٷلدٸڭ وتباسىنا شىن جٷرەكتەن كٶڭٸل ايتادى. مەملەكەتتٸك ورگاندار بۇل سۇمدىق قىلمىستى مۇقييات تەرگەيتٸنٸنە سەنٸمدٸمٸز. NCOC بۇل ٸسكە بايلانىستى تيٸستٸ ورگاندارعا تولىق قولداۋ كٶرسەتۋگە دايىن”, - دەپ مەلٸمدەدٸ كومپانييا.
قايعىلى وقيعا
ەسكە سالايىق, 29 سەۋٸردە اتىراۋدا ٶز ٷيٸنەن 45 جاستاعى بيبٸگٷل شپانوۆا ٶلٸ تابىلعان بولاتىن. ونىڭ مۇناي-گاز سالاسىندا 20 جىلدان اسا تەجٸريبەسٸ بار, NCOC كومپانيياسىنىڭ بٶلٸم باسشىسى دا بولعان. پوليتسييا مەلٸمەتتەرٸ بويىنشا ەيەلدٸڭ دەنەسٸندە پىشاق جاراقاتتارى انىقتالعان, ال پەتەرٸندەگٸ سەيف اشىلعان.
مارقۇمنىڭ تۋىستارى ادام قۇقىقتارى بيۋروسىنا جٷگٸنٸپ, جان-جاقتى تەرگەۋ جٷرگٸزۋدٸ تالاپ ەتتٸ. ولار قىلمىستىڭ سەبەبٸ مارقۇمنىڭ كەسٸبي قىزمەتٸنە بايلانىستى بولۋى مٷمكٸن دەپ ەسەپتەيدٸ.
پوليتسييا نە دەيدٸ?
پوليتسييا كٷدٸكتٸنٸ, ياعني 1987 جىلى تۋعان ەر ادامدى ۇستاعانىن حابارلادى. "ادام ٶلتٸرۋ" بابى (قر قىلمىستىق كودەكسٸنٸڭ 99-بابىنىڭ 2-بٶلٸگٸ) بويىنشا قىلمىستىق ٸس قوزعالدى. زاتتاي ايعاقتار تەركٸلەنٸپ, تەرگەۋ جٷرگٸزٸلٸپ جاتىر.
ادام قۇقىقتارى بيۋروسى Facebook-تە جارييالاعان حابارلاماعا سٷيەنسەك, شپانوۆا ٸرٸ ۇلتتىق جوبالارعا, سونىڭ ٸشٸندە قاشاعان كەن ورنىن يگەرۋگە بايلانىستى جوبالارعا قاتىسقانى ايتىلعان.
"سوتالدى تەرگەۋ بارىسى اتىراۋ وبلىسى پوليتسييا دەپارتامەنتٸ باسشىلىعىنىڭ باقىلاۋىندا. ەلەۋمەتتٸك جەلٸ قولدانۋشىلارىن تەك رەسمي دەرەككٶزدەرگە سٷيەنۋگە, جالعان اقپارات تاراتۋدان اۋلاق بولۋعا شاقىرامىز", – دەدٸ پوليتسييا دەپارتامەنتٸنٸڭ باسپاسٶز قىزمەتٸ ٶكٸلٸ بۇعان دەيٸن.
