ەكس-مينيستر قۋاندىق بيشٸمباەۆتىڭ بۇرىنعى جۇبايى نازىم كاحارمان بالالارىنا تٶلەنەتٸن اليمەنتتٸ ازايتۋعا باعىتتالعان ەرەكەتتەر تۋرالى مەلٸمدەدٸ, دەپ حابارلايدى Dalanews.kz.
ول بۇل جايىندا Instagram پاراقشاسىندا ايتتى.
نازىم كاحارماننىڭ ايتۋىنشا, جوعارعى سوت قۋاندىق بيشٸمباەۆتى اتا-انا قۇقىعىنان ايىرۋ تۋرالى شاعىمدى قاراۋدان باس تارتقاننان كەيٸن بٸرنەشە اي ٶتكەن سوڭ, ەكس-مينيستر اليمەنت مٶلشەرٸن تٶمەندەتۋ جٶنٸندە سوتقا تالاپ-ارىز تٷسٸرگەن.
ونىڭ سٶزٸنشە, قارسى تاراپ «قۋاندىقتىڭ اليمەنت تٶلەۋگە قارجىلىق مٷمكٸندٸگٸ جوق» دەگەن ۋەج كەلتٸرگەن. الايدا نازىم كاحارمان بۇل مەلٸمەتتٸڭ شىندىققا جاناسپايتىنىن ايتىپ وتىر.
"مەنٸڭ ادۆوكاتتارىم قۋاندىقتىڭ الداعى كەمٸندە 15 جىل بويى اليمەنت تٶلەۋگە تولىق مٷمكٸندٸگٸ بار ەكەنٸن قۇجاتتارمەن دەلەلدەدٸ", – دەيدٸ ول.
سونداي-اق كاحارمان بيشٸمباەۆ اليمەنتتەن جالتارۋ ٷشٸن ٶز اكتيۆتەرٸن 26 جاستاعى ٷلكەن ۇلىنىڭ اتىنا رەسٸمدەگەنٸن ايتادى. ەڭگٸمە بٸرنەشە جىلجىمايتىن مٷلٸك جايىندا بولىپ وتىر.
"بالاسىنا قامقور بولۋ – دۇرىس. بٸراق كەمەلەتكە تولعان ۇلىڭنىڭ پايداسىنا اكتيۆتەردٸ اۋدارىپ, كەمەلەتكە تولماعان بالالارىڭا اليمەنت تٶلەمەۋ – بۇل جيٸركەنٸشتٸ جاعداي. مۇنى قالاي اتاۋدى دا بٸلمەيمٸن", – دەدٸ ول.
سوعان قاراماستان, سوتتا نازىم كاحارماننىڭ تالابى قاناعاتتاندىرىلىپ, قۋاندىق بيشٸمباەۆ بۇرىن جاسالعان اليمەنتتٸك كەلٸسٸمگە سەيكەس تٶلەم جٷرگٸزۋگە مٸندەتتەلدٸ.
"ەگەر قۋاندىق مۇنداي ەرەكەتتەرگە بارماعانىندا, قارجى تابۋ جاعىنان ٶتە قابٸلەتتٸ ادام رەتٸندە بٷگٸندە مۋلتيميلليونەر, تٸپتٸ ميللياردەر دە بولار ەدٸ. ونداي جاعدايدا بۇل كەلٸسٸم ونى قورعار ەدٸ, ال مەن ودان ارتىق تالاپ قويا الماس ەدٸم", – دەپ تٷيٸندەدٸ ول.
ايتا كەتەيٸك, نازىم قاحارمان قۋاندىق بيشٸمباەۆپەن 14 جىل نەكەدە بولعان. ولار 2020 جىلى اجىراسىپ كەتكەن. نازىم قاحارمان مەن قۋاندىق بيشٸمباەۆتىڭ ٷش بالاسى بار.
بۇعان دەيٸن قۋاندىق بيشٸمباەۆتىڭ بۇرىنعى ەيەلٸ نازىم قاحارمان سوت وتىرىسىنا قاتىستى پٸكٸر بٸلدٸرگەن بولاتىن. سوت وتىرىستارىنىڭ بٸرٸندە بيشٸمباەۆ سالتانات پەن بالالارىن الىپ شەتەلگە دەمالۋعا شىعار كەزدە بولعان جايت تۋرالى ايتىپ بەرگەن بولاتىن. قۋاندىق بيشٸمباەۆتىڭ سٶزٸنشە, سالتانات شەتەلگە شىعار الدىنداعى تٷندە شەتەلدٸك تٶلقۇجاتىن جوعالتىپ العان.
وسىعان بايلانىستى نازىم سالتاناتپەن نە جايلى سٶيلەسكەنٸن كٶرسەتكەن. سالتانات بۇل جايتقا قاتىستى نازىمنان بٸردەن كەشٸرٸم سۇراعان.
