ەكس-پرەزيدەنت نۇرسۇلتان نازارباەۆتىڭ بۇرىنعى ساياسي سەرٸكتەرٸمەن كەيٸن تۋىستىق بايلانىستار ارقىلى دا جاقىنداسقانى تۋرالى جۋرناليست اسىلحان ماماشۇلىنىڭ "جون ارقادان ۇرىلعان پىشاق. قيلى كەزەڭ" اتتى دەرەكتٸ فيلمٸندە ايتىلدى, دەپ حابارلايدى dalanews.kz.
فيلمدە 1980 جىلدارداعى قازاق كسر بيلٸگٸ, دٸنمۇحامەد قوناەۆ پەن نۇرسۇلتان نازارباەۆ اراسىنداعى ساياسي ساباقتاستىق, سونداي-اق كەيٸن تەۋەلسٸز قازاقستان كەزەڭٸندە ىقپالدى توپتاردىڭ قالىپتاسۋى سٶز بولادى.
اۆتوردىڭ ايتۋىنشا, دٸنمۇحامەد قوناەۆتىڭ قولداۋىمەن نۇرسۇلتان نازارباەۆ 1984 جىلى قازاق كسر مينيسترلەر كەڭەسٸنٸڭ تٶراعاسى قىزمەتٸنە تاعايىندالعان. بۇل قىزمەت ونىڭ ۇزاق جىلدارعا سوزىلعان ساياسي جولىنداعى ماڭىزدى كەزەڭدەردٸڭ بٸرٸ رەتٸندە سيپاتتالادى.
سول ۋاقىتتا نازارباەۆ باسقارعان مينيسترلەر كەڭەسٸنٸڭ قۇرامىندا مۇحتار ەليەۆ دەنساۋلىق ساقتاۋ مينيسترٸ قىزمەتٸن اتقاردى. قانات ساۋداباەۆ قازاق كسر كينەماتوگرافييا جٶنٸندەگٸ مەملەكەتتٸك كوميتەتٸن باسقاردى. ال اسقار قۇلىباەۆ جوعارعى سوۆەت پرەزيديۋمىنىڭ مٷشەسٸ بولعان.
دەرەكتٸ فيلمدە وسى تۇلعالاردىڭ كەيبٸرٸ كەيٸن نازارباەۆ ەۋلەتٸمەن قۇداندالى بولىپ, تەۋەلسٸزدٸك جىلدارىندا دا ىقپالدى ورتادا قالعانى ايتىلادى. اتاپ ايتقاندا, مۇحتار ەليەۆتٸڭ ۇلى راحات ەليەۆ داريعا نازارباەۆاعا ٷيلەنگەن. ال اسقار قۇلىباەۆتىڭ ۇلى تيمۋر قۇلىباەۆ دينارا نازارباەۆامەن شاڭىراق كٶتەرگەن.
قانات ساۋداباەۆ تا تەۋەلسٸز قازاقستاندا جوعارى مەملەكەتتٸك قىزمەتتەر اتقاردى. ول 1994 جىلى سىرتقى ٸستەر مينيسترٸ بولىپ تاعايىندالىپ, كەيٸن قازاقستاننىڭ تٷركيياداعى جەنە ۇلىبريتانيياداعى ەلشٸسٸ بولدى. 1999 جىلى ەلگە ورالىپ, پرەمەر-مينيستردٸڭ كەڭەسشٸسٸ, كەيٸن مەملەكەتتٸك حاتشى قىزمەتٸن اتقاردى.
"جون ارقادان ۇرىلعان پىشاق" فيلمٸندە 1985-1995 جىلدار ارالىعىنداعى قازاقستانداعى ساياسي وقيعالار, قوناەۆ پەن نازارباەۆ اراسىنداعى قارىم-قاتىناس جەنە بيلٸك ٸشٸندەگٸ ٶزگەرٸستەر كەڭٸنەن تالدانادى.
