نازارباەۆتىڭ نەمەرەسٸ فەدەراتسييا باسقارادى
فەدەراتسييانىڭ رەسمي سايتىندا نۇرەلٸ ەليەۆتٸڭ بٸر اۋىزدان سايلانعانى جٶنٸندەگٸ اقپارات 27 شٸلدەدە بەرٸلگەن.
قازاقستان پرەزيدەنتٸنٸڭ ٷلكەن نەمەرەسٸ, قىزى داريعا نازارباەۆانىڭ تۇڭعىش ۇلى نۇرەلٸ ەليەۆ 2014 جىلدىڭ جەلتوقسان ايىنان 2016 جىلدىڭ ناۋرىز ايىنا دەيٸن استانا ەكٸمٸنٸڭ ورىنباسارى قىزمەتٸن اتقاردى. كەيٸن ول ٶز ەركٸمەن بيزنەسكە كەتەتٸنٸن مەلٸمدەدٸ.
2016 جىلدىڭ سەۋٸر ايىندا 32 جاستاعى نۇرەلٸ ەليەۆتٸڭ اتى-جٶنٸ «پاناما قۇجاتىندا» (ساياساتكەرلەر مەن بيزنەسمەندەردٸڭ وففشورلى ەسەپشوتى جٶنٸندەگٸ مەلٸمەتتەر) جارييالاندى.
كەيبٸر ەلدەردە بۇل ماتەريالدار ٷلكەن جانجالعا ۇلاسىپ, ساياساتكەرلەردٸڭ وتستاۆكاسىمەن اياقتالعان. جۋرناليست-زەرتتەۋشٸلەردٸڭ حالىقارالىق كونسورتسيۋمى (ICIJ) جارييالاعان قۇجاتتار قازاقستان قوعامىندا پٸكٸرتالاس تۋعىزعانىمەن, بيلٸك جاۋاپ بەرمەدٸ. باس پروكۋراتۋرا سول كەزدە قۇجاتتا جارييالانعان دەيەكتەر "شىندىققا سەيكەس كەلمەيدٸ" دەگەن.
