Nazarbaevtyń nemeresi federatsiia basqarady
Federatsiianyń resmi saitynda Nuráli Álievtiń bir aýyzdan sailanǵany jónindegi aqparat 27 shildede berilgen.
Qazaqstan prezidentiniń úlken nemeresi, qyzy Dariǵa Nazarbaevanyń tuńǵysh uly Nuráli Áliev 2014 jyldyń jeltoqsan aiynan 2016 jyldyń naýryz aiyna deiin Astana ákiminiń orynbasary qyzmetin atqardy. Keiin ol óz erkimen bizneske ketetinin málimdedi.
2016 jyldyń sáýir aiynda 32 jastaǵy Nuráli Álievtiń aty-jóni «panama qujatynda» (saiasatkerler men biznesmenderdiń offshorly esepshoty jónindegi málimetter) jariialandy.
Keibir elderde bul materialdar úlken janjalǵa ulasyp, saiasatkerlerdiń otstavkasymen aiaqtalǵan. Jýrnalist-zertteýshilerdiń halyqaralyq konsortsiýmy (ICIJ) jariialaǵan qujattar Qazaqstan qoǵamynda pikirtalas týǵyzǵanymen, bilik jaýap bermedi. Bas prokýratýra sol kezde qujatta jariialanǵan dáiekter "shyndyqqa sáikes kelmeidi" degen.
