سەنات ءتوراعاسى ماۋلەن اشىمبايەۆ ەكس-پرەزيدەنت نۇرسۇلتان نازاربايەۆتىڭ ماسكەۋگە جاساعان ساپارىنا قاتىستى سەنات دالىزىندە تۇسىنىكتەمە بەردى، دەپ حابارلايدى Dalanews.kz.
ونىڭ ايتۋىنشا، بۇل ساپار رەسمي مارتەبەگە يە ەمەس جانە جەكە سيپاتتا وتكەن.
"ەكس-پرەزيدەنتتەر وزگە ەلدەردىڭ ساياساتكەرلەرىمەن كەزدەسۋگە قۇقىلى. بۇل جەكە شارالار شەڭبەرىندە ءوتتى"، – دەدى اشىمبايەۆ.
سونداي-اق، ول مۇنداي جەكە كەزدەسۋلەرگە ۇلكەن ءمان بەرمەۋگە شاقىردى.
"قازاقستاننىڭ مەملەكەتتىك جانە سىرتقى ساياساتىن مەملەكەت باسشىسى قاسىم-جومارت كەمەل ۇلى توقايەۆ ايقىندايدى جانە جۇزەگە اسىرادى"، – دەپ تۇيىندەدى سەنات سپيكەرى.
جۋىردا ەكس-پرەزيدەنت نۇرسۇلتان نازاربايەۆتىڭ ماسكەۋگە ساپارىنان كەيىن قوعامدا ءتۇرلى الىپ-قاشپا اڭگىمەلەر تاعى دا جەلدەي ەستى. بۇعان دەيىن دەپۋتات رينات زايىت بۇل تاقىرىپ تۋراسىندا پىكىر ءبىلدىردى.
"بىزدە ءبارى مۇمكىن نەگىزىندە (2029 جىلى نازاربايەۆ ءوز كانديداتۋراسىن اكەلۋى مۇمكىن بە دەگەن ساۋالعا - ەسك.). ونى قولداپ وتىرعان توپ از ەمەس، مويىنداۋ كەرەك، جاسىرماۋ كەرەك. قاراپايىم حالىقتىڭ ىشىنەن ايتىپ وتىرمىن. ءبىر رەت مەشىتكە دە كىرىپ شىقتى عوي. قاي جەرگە اپارساڭ دا ەشكىم بەتىنە شىعىپ، "سەن، حالىقتى تونادىڭ" دەپ ايتپايدى. كەرىسىنشە ءبىزدىڭ قازاق "باتا بەرىڭىز" دەپ ايتادى. سوسىن ۇيىنە بارىپ، "اناۋ وڭباعان ءبىزدى تونادى" دەپ ايتادى. 2029-دا كەلە مە، مەن تاڭعالمايمىن، بىزدە قازاقستاندا ءبارى مۇمكىن. مۇمكىن ەمەس دەۋگە بولمايدى"، - دەدى ول.
