«بۇرىن قازاقتىڭ انالارى بالالارىن بۇلاي كوشەگە تاستاماعان، بۇل ءبىزدىڭ مەنتاليتەت ءۇشىن جات. وكىنىشكە قاراي، ءقازىر مۇنداي وقيعالار كوبەيىپ كەتتى، سابيلەردى قوقىس جاشىكتەرىنەن جانە قوعامدىق ورىنداردان تاۋىپ الىپ اتىرمىز. مۇنداي جايتتار رەسپۋبليكانىڭ بارلىق اۋماعىندا كەزدەسىپ وتىر»، - دەدى دەپۋتات.
ونىڭ ايتۋىنشا، بيىلدىڭ وزىندە بالانى تاستاۋدىڭ 8 دەرەگى تىركەلىپتى.
«باس پروكۋراتۋرانىڭ مالىمەتتەرى بويىنشا، 2016 جىلى قىلمىستىق كودەكستىڭ 119 بابى "بالانى ءقاۋىپتى جاعدايلاردا قالدىرىپ كەتۋ" فاكتىسى بويىنشا ىشكى ىستەر ورگاندارى 15 ءىس قوزعادى. 2017 جىلدىڭ 3 ايىندا 8 وقيعا تىركەلدى. وكىنىشكە قاراي، مۇنداي وقيعالار ءوسىپ جاتىر. قىزدار ۇرپاق جالعاستىرۋى ءتيىس. قىزدارىمىزدىڭ تاربيە-ونەگەسى - بولاشاق بۋىننىڭ تاعدىرى»، - دەيدى حامەنوۆا.
ونىڭ پىكىرىنشە، بالالاردى قوقىس جاشىگىندە ولتىرمەۋ ءۇشىن كوشەلەرگە شەتەلدەگىدەي بەبي-بوكستار ورناتۋ كەرەك.
«كەيبىر ەلدەرلە "ءۇمىت بەسىگى" - بەبي-بوكس دەگەن بار. ايەلدەر ءىسى جانە وتباسى-دەموگرافيالىق ساياسات جونىندەگى ۇلتتىق كوميسسيا جانە قوعامدىق ۇيىمدارعا كۇش بىرىكتىرەتىن ۋاقىت جەتتى. وسىنداي "ءۇمىت بەسىكتەرى" كوپتەگەن باتىس ەلدەرىندە مەديسينالىق مەكەمەلەردىڭ جانىندا ورناتىلادى. وسىلايشا، مىڭداعان نارەستەنىڭ ومىرىنە اراشا بولدى. اتالمىش بوكستاردى ورناتۋ ورىن العان جاعدايدى شەشە الار ەدى»، - دەدى ول.
ايتا كەتسەك، بۇدان بۇرىن پارلامەنت پالاتالارىنىڭ بىرىككەن وتىرىسىندا دەپۋتات حامەنوۆا: «مەن ەلباسىن سۇيەمىن. پرەزيدەنتپەن «كوزىمدى اشتىم». تاۋەلسىز قازاقستاننىڭ ۇرپاعىمىن. نەگە مەن پرەزيدەنتىمىزگە جۇرەكجاردى ءسوزىمدى ايتا المايمىن؟" دەگەن مالىمدەسە جاساعان جانە استانانىڭ اتىن نازاربايەۆ دەپ وزگەرتۋدى ۇسىنعان.
