بارسەلونانىڭ Les Tres Torres دەيتٸن باقۋاتتى اۋدانىنا اقشا قۇيعان كلان وسىدان تٶرت جىل بۇرىن فۋندامەنتٸن قالاعان قۇپييا كلينيكانى اقىرى سالىپ بٸتٸپتٸ.
Dala Inside ارناسىنا جەتكەن مەلٸمەت بويىنشا Mediker كلينيكاسى جاسى جەر ورتاسىنان اۋعان وليگارحتاردى جەنە ەسكٸ قازاقستاننىڭ ٶكٸلدەرٸن جاسارتۋمەن اينالىسادى. مەديتسينا تٸلٸمەن ايتقاندا, سٷيەكتٸڭ جاسۋشالارىنان جاڭا كلەتكا جاساپ (رەگەنەراتسييا) شىعارادى.
ەزٸر ورتالىقتىڭ جۇمىسىن دٶڭگەلەتٸپ ەكەتەتٸن بٸلگٸر-دٸلگٸر دەرٸگەرگە ٸزدەۋ جٷرٸپ جاتىر. نازارباەۆتىڭ اق باتاسىن العاننان كەيٸن كلينيكا كليەنت قابىلداي باستايدى.
ەلبەتتە, ەۋلەت مٷشەلەرٸ سوڭىنان سٶز ەرگەنٸن قالامايدى. ولار جوباداعى ەسٸم-سويىن جاسىرىن ۇستايدى.
وسى سحەماداعى نەگٸزگٸ فيگۋرانىڭ بٸرٸ – جانبولات سەرسەنوۆ. جوبانىڭ باسى-قاسىندا جٷرگەن سەرسەنوۆ مۇناي سالاسىنىڭ ماگناتى. KazEnergy قاۋىمداستىعىندا قۇلىباەۆتىڭ ورىنباسارى بوپ وتىر.
بۇعان قوسا قازاتوم-عا قاراستى ۋران يگەرۋمەن اينالىساتىن Ortalyk كومپانيياسىنىڭ يەسٸ. جەكەڭنٸڭ تەمٸرجول سالاسىندا دا "دولياسى" بار. تيمۋردىڭ تۇسىندا "اتامەكەندە" وتىردى. پالاتانىڭ مەدكوميتەتٸن باسقاردى...
كاتالونييانىڭ كٸل بايلار تۇراتىن لورەت-دە مار قالاشىعىندا سەرسەنوۆپەن اففيرلەنگەن Dinara.kz قۇرىلىس فيرماسى, Sabro Properti جىلجىمايتىن مٷلٸك اگەنتتٸگٸ تٸركەلگەن. بۇلاردىڭ بەرٸ دە ەلگٸ قۇپييا كلينيكامەن ىم-جىمداس دەپ بولجاۋعا بولادى. ورتالىقتىڭ باس كەڭسەسٸ وسى ارادا ورنالاسقان.
Dala Inside ارناسىنا بەلگٸلٸ بولعانداي كلينيكانىڭ قۇرىلىسىنا 5 ملرد تەڭگە جۇمسالعان.
شەتەل اسقان اقشانى ٸزدەۋگە كٶشكەن جاڭا قازاقستانعا قۇلاققاعىس: ەمحاناعا جۇمسالعان اقشانىڭ ادال جولمەن كەلگەنٸنە كٷمەن كٶپ.
كلينيكانىڭ كليەنتتەرٸ دە وسال ەمەسٸ ايداي انىق. ەسكٸ قازاقستانمەن اۋىز جالاسقان وليگارحتار, كلانعا ادال بولۋعا انت بەرگەن بيزنەسمەندەر ەندٸگٸدە وسى جەردە ەمدەلەدٸ. جاسارادى. جاقسارادى. ليۋكس ساپاداعى مەديتسينا سٸز بەن بٸز سەكٸلدٸ قاراپايىم قازاقتى ماڭىنا دا جۋىتپايدى.
يسپان باسىلىمدارى بارسەلونا بيلٸگٸنٸڭ كلينيكا قونىس تەپكەن 2000 شارشى مەتردٸ سٶزگە كەلمەي ساتا سالعانىنا اڭ-تاڭ. ەدەتتە مۇنداي ۋچاسكٸلەردٸ تۇرعىنداردىڭ يگٸلٸگٸنە جاراتاتىن ەكٸمدٸك اۋكتسيونعا قاتىسۋدان باس تارتقان.
ال نازارباەۆتىڭ ەت جاقىندارى كاتالونيياعا باۋىر باسىپ قالدى. ەسكٸ جٷيەنٸڭ ٶكٸلدەرٸ ٶڭٸردٸڭ فرانتسييامەن شەكتەسەتٸن جيرونا قالاسىندا ٶمٸردەن لەززات الۋدا.
وسى قالاداعى كوستا-براۆا جاعاجايى "تۇڭعىشتىڭ" كٷيەۋبالاسى تيمۋر قۇلىباەۆتىڭ سٷيٸكتٸ مەكەنٸ. بۇعان تاياق تاستام جەردەگٸ س'اگارو كۋرورتىندا تيمۋردىڭ ەكەسٸ اسقاردىڭ "داچاسى" بار.
كلان ٶكٸلدەرٸ كٶپ ۋاقىتىن كاتالونييانىڭ گولف الاڭدارىندا ٶتكٸزەدٸ. ال سٸز بەن بٸزدٸڭ ٶمٸر بۇلاردى قارعاپ-سٸلەۋمەن بٸلٸنبەي ٶتٸپ جاتىر...
Dala Inside ارناسى بۇل تۋرالى ەلٸ دە ايتادى. ارناعا تٸركەلۋدٸ ۇمىتپاڭىز👇
https://t.me/dalainside
