Barselonanyń Les Tres Torres deitin baqýatty aýdanyna aqsha quiǵan klan osydan tórt jyl buryn fýndamentin qalaǵan qupiia klinikany aqyry salyp bitipti.
Dala Inside arnasyna jetken málimet boiynsha Mediker klinikasy jasy jer ortasynan aýǵan oligarhtardy jáne eski Qazaqstannyń ókilderin jasartýmen ainalysady. Meditsina tilimen aitqanda, súiektiń jasýshalarynan jańa kletka jasap (regeneratsiia) shyǵarady.
Ázir ortalyqtyń jumysyn dóńgeletip áketetin bilgir-dilgir dárigerge izdeý júrip jatyr. Nazarbaevtyń aq batasyn alǵannan keiin klinika klient qabyldai bastaidy.
Álbette, áýlet músheleri sońynan sóz ergenin qalamaidy. Olar jobadaǵy esim-soiyn jasyryn ustaidy.
Osy shemadaǵy negizgi figýranyń biri – Janbolat Sársenov. Jobanyń basy-qasynda júrgen Sársenov munai salasynyń magnaty. KazEnergy qaýymdastyǵynda Qulybaevtyń orynbasary bop otyr.
Buǵan qosa QazAtom-ǵa qarasty ýran igerýmen ainalysatyn Ortalyk kompaniiasynyń iesi. Jákeńniń temirjol salasynda da "doliasy" bar. Timýrdyń tusynda "Atamekende" otyrdy. Palatanyń medkomitetin basqardy...
Kataloniianyń kil bailar turatyn Loret-de Mar qalashyǵynda Sársenovpen affirlengen Dinara.kz qurylys firmasy, Sabro Properti jyljymaityn múlik agenttigi tirkelgen. Bulardyń bári de álgi qupiia klinikamen ym-jymdas dep boljaýǵa bolady. Ortalyqtyń bas keńsesi osy arada ornalasqan.
Dala Inside arnasyna belgili bolǵandai klinikanyń qurylysyna 5 mlrd teńge jumsalǵan.
Shetel asqan aqshany izdeýge kóshken Jańa Qazaqstanǵa qulaqqaǵys: emhanaǵa jumsalǵan aqshanyń adal jolmen kelgenine kúmán kóp.
Klinikanyń klientteri de osal emesi aidai anyq. Eski Qazaqstanmen aýyz jalasqan oligarhtar, klanǵa adal bolýǵa ant bergen biznesmender endigide osy jerde emdeledi. Jasarady. Jaqsarady. Liýks sapadaǵy meditsina siz ben biz sekildi qarapaiym qazaqty mańyna da jýytpaidy.
Ispan basylymdary Barselona biliginiń klinika qonys tepken 2000 sharshy metrdi sózge kelmei sata salǵanyna ań-tań. Ádette mundai ýchaskilerdi turǵyndardyń igiligine jaratatyn ákimdik aýktsionǵa qatysýdan bas tartqan.
Al Nazarbaevtyń et jaqyndary Kataloniiaǵa baýyr basyp qaldy. Eski júieniń ókilderi óńirdiń Frantsiiamen shektesetin Jirona qalasynda ómirden lázzat alýda.
Osy qaladaǵy Kosta-brava jaǵajaiy "tuńǵyshtyń" kúieýbalasy Timýr Qulybaevtyń súiikti mekeni. Buǵan taiaq tastam jerdegi S'Agaro kýrortynda Timýrdyń ákesi Asqardyń "dachasy" bar.
Klan ókilderi kóp ýaqytyn Kataloniianyń golf alańdarynda ótkizedi. Al siz ben bizdiń ómir bulardy qarǵap-sileýmen bilinbei ótip jatyr...
Dala Inside arnasy bul týraly áli de aitady. Arnaǵa tirkelýdi umytpańyz👇
https://t.me/dalainside
