اتاپ ايتقاندا, تٶتەنشە جاعداي بولعان كەزەڭدە بارلىق ٸسساپارلار مەن جوسپارلى كٶپشٸلٸك ٸس-شارالارى توقتاتىلادى. زاڭدار بويىنشا جۇمىستار جالعاسا بەرەدٸ. بۇل رەتتە دەپۋتاتتارعا پالاتا مەن كوميتەتتەردٸڭ وتىرىستارىنا شاقىرىلعانداردىڭ سانىن مٷمكٸندٸگٸنشە شەكتەۋ ۇسىنىلىپ وتىر.
اپپاراتتىڭ 70-تەن استام قىزمەتكەرٸ ٷيدەن ٸستەيتٸن جۇمىس تەرتٸبٸنە كٶشٸرٸلدٸ, قالعان قىزمەتكەرلەر ٷشٸن قىسقارتىلعان جۇمىس كٷنٸ بەلگٸلەندٸ. سەنات عيماراتىندا كٷنٸنە بٸرنەشە مەرتە قاجەتتٸ سانيتارلىق-ەپيدەميولوگييالىق جۇمىستار جٷرگٸزٸلۋدە.
"مەملەكەتتٸڭ مٸندەتٸ - ازاماتتارىمىزدىڭ ٶمٸرٸ مەن دەنساۋلىعىن ساقتاۋ, ەكونوميكا مەن تۇتىنۋ نارىعىنىڭ جۇمىس ٸستەۋٸن قامتاماسىز ەتۋ. جۇقپالى دەرتپەن نەتيجەلٸ كٷرەسۋ ٷشٸن ەرٸك-جٸگەر مەن شەشٸمدٸ بولۋ كەرەك. دەگەنمەن ساقتىق تا كەرەك. بٸزگە ەرتەڭگٸ كٷنگە سەنٸممەن قاراپ, بويىمىزداعى ٷرەي مەن كٷدٸكتەن ارىلۋ قاجەت. بٸز – تالاي سىندا شىنىققان مىقتى حالىقپىز. بٸز بەرٸن جەڭەمٸز", - دەدٸ د.نازارباەۆا ٶز سٶزٸندە.
سەنات باسشىسى ازاماتتاردىڭ جۇمىسپەن قامتىلۋى مەن تابىستارى مەسەلەسٸنە بٶلەك توقتالدى.
"تٶتەنشە جاعداي مەن كارانتين, ٶكٸنٸشكە وراي, ٸسكەرلٸك بەلسەندٸلٸكتٸ باياۋلاتۋعا الىپ كەلەدٸ. كٶپتەگەن ادامدار ۋاقىتشا جۇمىسسىز عانا ەمەس, سونداي-اق ٶمٸر سٷرۋگە ارنالعان قاراجاتسىز دا قالۋى مٷمكٸن.
الماتى قالاسىندا تۇراقتى نەمەسە ۋاقىتشا جۇمىس ٸستەيتٸن الماتى وبلىسىنىڭ تۇرعىندارى جٶنٸندەگٸ مەسەلەلەر بار ەكەنٸ بٸزگە بەلگٸلٸ. بۇل 500 مىڭ شاماسىنداعى ادام, ولارعا وتباسى مٷشەلەرٸن قوسىڭىز, بٸز پروبلەمانىڭ اۋقىمىن تيٸستٸ مٶلشەردە كٶرە الامىز.
مەملەكەتتٸك ورگاندار, دەپۋتاتتار بۇل جاعدايعا باسا نازار اۋدارۋى تيٸس دەپ ەسەپتەيمٸن. قالىپتان تىس, باتىل شەشٸمدەر قاجەت", - دەدٸ د.نازارباەۆا.
سەنات تٶراعاسىنىڭ ايتۋىنشا, "جۇقپالى دەرتپەن نەتيجەلٸ كٷرەسۋ ٷشٸن ەرٸك-جٸگەر مەن شەشٸمدٸ بولۋ كەرەك. دەگەنمەن ساقتىق تا كەرەك".
سەناتورلار وتىرىس سوڭىندا دەپۋتاتتار مەن سەنات اپپاراتىنىڭ بٸر كٷندٸك ەڭبەكاقىسىن ۆيرۋسپەن كٷرەس قورىنا اۋدارۋ تۋرالى شەشٸم قابىلدادى.
