تٷركٸمەنستان پرەزيدەنتٸ گۋربانگۋلى بەردٸمۇحاممەدوۆتٸڭ ەنٸ قىركٷيەكتە اشعاباتتا ٶتەتٸن ازييا ويىندارىنىڭ گيمنٸ بولىپ بەكٸتٸلدٸ. ورتالىق ازييادا ەسٸمٸ ەنۇران اۆتورلارى قاتارىندا كٶرسەتٸلگەن تاعى بٸر پرەزيدەنت بار. نۇرسۇلتان نازارباەۆ – قازاقستاننىڭ مەملەكەتتٸك ەنۇرانى مەتٸنٸ اۆتورلارىنىڭ بٸرٸ.
ازاتتىقتىڭ تٷركٸمەن قىزمەتٸ رەسمي باسپاسٶزگە سٸلتەمە جاساي وتىرىپ, سەۋٸردٸڭ 8-ٸ كٷنٸ ارنايى جينالىستا ازيادا ويىندارىنىڭ ەنۇرانى بەكٸتٸلگەنٸن حابارلادى. جۋىردا اۆازا كۋرورت ايماعىندا ٶتكەن كونتسەرتتە پرەزيدەنت بەردٸمۇحامەدوۆتٸڭ ٶزٸ شىرقاعان ەرٸ ٶزٸ ۇسىنعان «تۋعان ٶلكەم تٷركٸمەنستانىم العا, تەك العا قارىشتا!» دەگەن ەنٸن جينالىسقا قاتىسۋشىلاردىڭ بەرٸ قۇپتاعان.
تدح مەملەكەتتٸك اقپاراتتىق اگەنتتٸگٸ «جارىققا شىققاننان باستاپ بۇل ەندٸ وتانداستارىمىز بٷكٸل جٷرەگٸمەن قابىلدادى, سوندىقتان ونى اشعابات-2017 ويىندارىنىڭ ەنۇرانى رەتٸندە تاڭداۋ ۇسىنىلدى, بۇل ويدى جينالىسقا قاتىسۋشىلاردىڭ بەرٸ قۇپتادى» دەپ حابارلايدى.
ۇلتتىق باسپاسٶز پرەزيدەنت بەردٸمۇحامەدوۆتٸڭ «تۋعان ٶلكەم تٷركٸمەنستانىم, العا, تەك العا قارىشتا!» دەگەن شىعارماسىن پاتريوتتىق ٷندەۋ ەن دەپ اتاعان.
باق«بۇل تۋىندىنىڭ سٶزٸ مەن مۋزىكاسى تەۋەلسٸز ەرٸ بەيتاراپ تٷركٸمەنستان ٷشٸن كەۋدەسٸن ماقتانىش پەن باقىت كەرنەگەن ميلليونداعان ازاماتتارىمىزدىڭ اسقاق سەزٸمدەرٸن بارىنشا دەل جەتكٸزەدٸ» دەپ جازىپ جاتىر.
ەرتەرەكتە تٷركٸمەنستان اقپارات قۇرالدارىندا بەردٸمۇحامەدوۆتٸڭ قىركٷيەكتٸڭ 17-سٸ مەن 27-سٸ كٷندەرٸ ارالىعىندا اشعاباتتا ٶتەتٸن ازيادا ويىندارى ەنۇرانىن ەزٸرلەۋ ٷشٸن شىعارماشىلىقپەن اينالىساتىن قىزمەتكەرلەر اراسىندا كونكۋرس جارييالاۋدى تاپسىرعانىن حابارلاعان. پرەزيدەنت تاپسىرماسى ناۋرىزدىڭ 24-ٸ كٷنٸ بەرٸلگەن. كونكۋرس جارييالانعان يا جارييالانباعانى, ٶزگە ٷمٸتكەرلەر بولعان يا بولماعانى بەلگٸسٸز.
بيلٸكتە وتىرعانىنا توعىز جارىم جىل بولعان پرەزيدەنت ەرٸ ٷكٸمەت باسشىسى گۋربانگۋلى بەردٸمۇحامەدوۆ جۇرت الدىندا العاش رەت 2010 جىلعى ماۋسىمدا تٷركٸمەنباشى قالاسىندا ٶنەر كٶرسەتٸپ, بالالاردىڭ الدىندا اككوردەوندا ويناعان. سول كەزدەن بەرٸ ول ساحناعا تالاي مەرتە شىعىپ, تٷرلٸ ەندەر شىرقاپ جٷر.
ول جالعىز ەمەس...
بەردٸمۇحامەدوۆ – ورتالىق ازيياداعى ەن ايتاتىن جالعىز پرەزيدەنت ەمەس. كونتسەرتتەردە تەجٸكستان پرەزيدەنتٸ ەمومالي راحمون دا قولىنا جيٸ ميكروفون الىپ, ەنشٸلەرمەن بٸرگە ەن ايتادى.
76 جاستاعى پرەزيدەنت نۇرسۇلتان نازارباەۆتىڭ دا ەن ايتىپ, دومبىرا شەرتكەنٸن جيٸ كٶرۋگە بولادى.
بىلتىر قازاقستان پرەزيدەنتٸنٸڭ سايتىندا اۆتورى نازارباەۆ دەپ حابارلانعان تٶرت ەن جارييالاندى. بٸراق نازارباەۆ ەلگٸ ەندەردٸڭ سٶزٸ مەن مۋزىكاسىن قاتار جازدى ما, ەلدە بٸرەۋٸنٸڭ سٶزٸن جازىپ, ەندٸ بٸرەۋٸنٸڭ ەنٸن شىعاردى ما - تٷسٸنٸكسٸز.
پرەزيدەنتتٸڭ رەسمي ۆەب-رەسۋرسىندا «جەرٸم مەنٸڭ» جەنە «ەلٸم مەنٸڭ» دەگەن ەكٸ پاتريوتتىق كومپوزيتسييا مەن اۆتوردىڭ بالالىق شاعىن, ەكە-شەشەسٸ مەن تۋعان اۋىلىنا دەگەن ساعىنىشىن سيپاتتايتىن «ٷشقوڭىر», «شۇبار ات» دەگەن ەكٸ كومپوزيتسيياسى جارييالانعان.
پرەزيدەنت ەكٸمشٸلٸگٸ سايتى مەن Facebook جەلٸسٸندەگٸ اقوردا پاراقشاسىندا نۇرسۇلتان نازارباەۆ قازاقستاننىڭ مەملەكەتتٸك ەنۇرانى مەتٸنٸ اۆتورلارىنىڭ بٸرٸ دەپ كٶرسەتٸلگەن. بىلتىر جەلتوقساندا الماتىدا پرەزيدەنت مۇراعاتى ۇيىمداستىرعان "جاسامپازدىق پەن تابىستىڭ قازاقستاندىق جولى" دەپ اتالاتىن كٶرمەگە كەلۋشٸلەرگە قازاقستاننىڭ جاڭا ەنۇرانى مەتٸنٸنە نازارباەۆتىڭ قولىمەن ەنگٸزٸلگەن تٷزەتۋلەردٸ كٶرسەتكەن.
دەرەككٶز: ازاتتىق راديوسى
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
