شامالعانداعى بولات نازارباەۆتىڭ اتشاپتىرىم كوتتەدجٸن كٶزبەن كٶرمەك بولىپ سوناۋ مەسكەۋدەن كەلگەن «موسكوۆسكيي كومسومولەتستٸڭ» تٸلشٸسٸ اۋىل تۇرعىندارىمەن تٸلدەسٸپ, بٸراز اقپارات العانعا ۇقسايدى.
ەلبەتتە, رەسەيلٸك پرەسسانىڭ پوزيتسيياسى مەن تٷپكٸ پيعىلىن جاقسى بٸلەتٸندٸكتەن, ولار تاراتقان مەلٸمەتكە كٶزسٸز سەنە بەرۋگە تاعى بولمايدى. ەيتسە دە جەردٸڭ تٷبٸنەن كەلٸپ تۇرىپ, ماقالانى كٸل ٶتٸرٸكتەن قۇراستىرماعانىنا سەنگٸمٸز كەلەدٸ.
سونىمەن, شامالعانعا ات باسىن بۇرعان «موسكوۆسكيي كومسومولەتستٸڭ» تٸلشٸسٸ تۇرعىندارمەن تٸلدەسە كەلە مىناداي مەلٸمەتكە قانىعىپتى:
ەكس-پرەزيدەنت جاڭاٶزەندە گاز باعاسىنىڭ كٷرت ٶسۋٸنە بايلانىستى بەيبٸت ميتينگٸ باستالعان شاقتا كٸندٸك قانى تامعان الماتى ماڭىنداعى شامالعان اۋىلىنا كەلگەن.
نازارباەۆتىڭ تۋىپ ٶسكەن جەرٸ جايلى ەل اراسىندا ەر تٷرلٸ الىپ-قاشپا ەڭگٸمە جيٸ ايتىلادى. قايسىسى اقيقات, قايسىسى اڭىز? بٸرٸ – ول اۋىلدى قارۋ اسىنعان ادامدار كٷزەتٸپ جٷرەدٸ دەسە, بٸرٸ «نازارباەۆ ەۋلەتٸنٸڭ زەۋلٸم ٷيٸن سۋرەتكە تٷسٸرۋگە بولمايدى, ەت جاقىندارى جاتقان قابٸرستاندى تەۋلٸك بويى كٷزەتٸپ تۇرادى» دەيدٸ-مىس.
رەسەيلٸك جۋرناليست نازارباەۆ ەۋلەتٸنٸڭ زيراتىنا بارعان. بۇل جەردە اتا-اناسى, اعاسى جەنە 2020 جىلى قايتىس بولعان ٸنٸسٸ بولاتتىڭ جارى گٷلجان جەرلەنٸپتٸ. ودان باسقا توپىراعى سۋىماعان مولا جوق ەكەن.
زيرات كٷزەتشٸسٸ تٸلشٸگە "قاڭتاردىڭ 2 مەن 3-ٸ كٷنٸ اۋىل تۇرعىندارىنىڭ وققاعارلارمەن جٷرگەن دجيپتەردٸ بايقاعانىن" ايتقان.
"ماعان نازارباەۆ زيرات باسىنا كەلەتٸنٸن ايتتى. جان-جاقتى تازالاپ دايىنداپ قويدىق. بٸراق كەلمەدٸ".
قاراۋىل "ەكس-پرەزيدەنت امان-ساۋ, نازارباەۆتىڭ ٶمٸردەن ٶتكەنٸن الدىمەن اۋىلداستارى ەستٸر ەدٸ" دەگەن پٸكٸر بٸلدٸرگەن.
"ەگەردە دٷنيەدەن ٶتٸپ كەتسە, بارلىعىمىز بٸلەر ەدٸك. كٶرگەن ادامدار بار. حالٸ جاقسى, قاسىندا كٷزەتشٸلەرٸمەن جٷر" دەيدٸ قورىم قاراۋىلى.
شامالعاندا ەكٸمشٸلٸكتە ٸستەيتٸن بٸر ادام كەلەسٸدەي مەلٸمەتپەن بٶلٸسٸپ:
"نازارباەۆ مۇندا جاڭا جىلدان كەيٸن كەلدٸ. گەرمانييادا وتا جاساتقان, ودان كەيٸن يزرايلدە ەمدەلگەن ٸنٸسٸ بولاتتىڭ حالٸن بٸلٸپ قايتقان. نازارباەۆ سول كٷندەرٸ اۋىل اقساقالدارىمەن كەزدەسكەن. كٸشٸگٸرٸم جينالىس ٶتتٸ. مەنٸڭ بٸلۋٸمشە, سودان كەيٸن ەلباسى جەنە ونىڭ كەيبٸر وتباسى مٷشەلەرٸ بروندالعان اۆتوكٶلٸكتەرٸمەن قىرعىز شەكاراسىنا قاراي بەت الدى.
قىرعىز اعايىندار قارسى الىپ, ەۋەجايعا جەتكٸزٸپ, سول جەردەن بارلىعى اراب ەمٸرلٸكتەرٸنە ۇشىپ كەتتٸ.
جاپاروۆ نازارباەۆتى قۇتقارىپ قالدى. 2010 جىلى سول تۇستاعى قىرعىز باسشىسى بەكيەۆ ەلدەن قاشقاندا, وعان الدىمەن نازارباەۆ جەردەمدەسكەن ەدٸ» دەپ كٶپتٸڭ كٶكەيٸندە جٷرگەن كٷمەندٸ سەيٸلتكەندەي بولىپتى.
رەسەيلٸك جۋرناليستپەن تٸلدەسكەن تاعى بٸر تۇرعىن بولات نازارباەۆتىڭ ٷيٸنە ۇرى تٷسكەنٸ تۋرالى اقپاراتتى جوققا شىعارىپتى.
"ميتينگ باستالعان تۇستا بولاتتىڭ ٷلكەن قىزى ٷيٸمٸزدٸ توناپ كەتتٸ دەپ كٶرشٸلەرگە مۇڭىن شاعىپتى. كەيٸن بۇل اقپارات اۋىلدان اسىپ, الماتىعا تاراپ كەتتٸ. بۇل ٷيدٸ كٸم توناۋى مٷمكٸن دەپ تاڭعالىسقان ەدٸك. سەبەبٸ تۇس-تۇسى كامەرا, قارۋ اسىنعان قاراۋىلدارى قانشاما. سٶيتسەك ٶتٸرٸك ايتىپتى», – دەيدٸ ول.
...
راس, نازارباەۆ ٷشٸن باە بٶتەن ەل ەمەس. جىلىنا بٸرنەشە رەت, وسى جىلى مەكەنگە ساپارلايدى. ٶتكەن جىلدىڭ 28 قازانىندا ابۋ-دابيگە كەلگەن كەزدە, ەلباسى تاق مۇراگەرٸ شەيح مۇحاممەد بەن زايد ەل ناھايانمەن كەزدەسٸپ, حانزاداعا "يادرولىق قارۋسىز ەلەم ٷشٸن" سىيلىعىن تاپسىرعان ەدٸ.
[caption id="attachment_72716" align="alignnone" width="835"]
دەمەك بۇل نۇرسۇلتان مەن تاق مۇراگەرٸ اراسىندا جىلى قارىم-قاتىناس قالىپتاسقانىن كٶرسەتسە كەرەك.
نازارباەۆ كلانىنىڭ اقشاسى باە-دە ساقتالاتىنى تۋرالى اقپارات تا نەگٸزسٸز ەمەس. ەمٸرلٸكتەردە وتباسى مەن جاقىن سەرٸكتەستەرٸنٸڭ ەليتالىق جىلجىمايتىن مٷلكٸ دە وسى مەملەكەتتە.
سونداي-اق كٸشٸ قىزى ەليياعا تيەسٸلٸ ۆيللالار دا بار.
ال شامالعان تۇرعىندارى نازارباەۆتىڭ ۇشتى-كٷيلٸ جوعالعانىمەن شارۋاسى جوق سەكٸلدٸ. ەۋلەتتٸڭ تاعدىرىنا دا ۋايىمداپ وتىرعانعا ۇقسامايدى. رەسەيلٸك تٸلشٸمەن تٸلدەسكەن تۇرعىنداردىڭ باسىم كٶپشٸلٸگٸ ەڭ باستىسى بەيبٸت ميتينگكە شىققان حالىقتىڭ تالابى ورىندالعانى ماڭىزدى ەكەنٸن ايتقان.
...
دەسە دە نازارباەۆتىڭ شەتەل اسقانى ەلٸ انىق ەمەس. ال ەۋلەت مٷشەلەرٸنٸڭ كٶپشٸلٸگٸ دۋبايدى پانالاعانعا ۇقسايدى. نازارباەۆتىڭ كٸشٸ قىزى ەلييا نازارباەۆانىڭ ەلەمجەلٸدەگٸ سوڭعى جازباسىن وقىعان وقىرماندار ونىڭ اراب ەمٸرلٸگٸندە جٷرگەنٸن اڭعارىپ قويعان.
قۋانىش راحمەتوللاۇلى
