تٷمەنبايدىڭ توپشىلاۋىنشا توقاەۆتىڭ تۇسىنداعى قازاقستاننىڭ قارىشتاپ دامىپ, قاتارىنان وزا قويۋى ەكٸتالاي. ەيتسە دە, ەرٸپتەسٸمٸز دەل قازٸرگٸ كەزەڭدە توقاەۆتىڭ ٶزٸن دە, ونىڭ كونستيتۋتسييالىق ٶزگەرٸستەر جٶنٸندەگٸ باستاماسىن دا قولداۋعا ەزٸر.
نەلٸكتەن?
"ەڭ باستىسى - مەن نازارباەۆ دەۋٸرٸنٸڭ ەندٸگەرٸ قايتالانعانىن قالامايمىن. ونىڭ كلاندىق, ۇرى-قارىلىق جٷيەسٸنٸڭ بٸرجولا ىدىراعانىن كٶرگٸم كەلەدٸ.
سوندىقتان دا كەيدە توقاەۆتىڭ جان-جاعىنا تىم كٶپ جالتاقتايتىنى مەنٸ دە اشۋلاندىرادى. بٸراق دەل قازٸر بەرٸمٸزگە بٸر اقيقاتتى انىق سەزٸنٸپ, سانامىزبەن قابىلداۋ كەرەك. قانشا جان-تەنٸمٸزبەن قالاساق تا, قانشا جەردەن توقاەۆتان تالاپ ەتسەك تە, 30 جىل بويعى توقىراۋدى باستان كەشكەن قوعامدى ەپ-سەتتە ٶزگەرتۋ مٷمكٸن ەمەس. ونىڭ سەبەبٸ كٶپ.
بٸراق باستى سەبەبٸ - قوعام ساناسىنىڭ ەبدەن ۋلانعانى. جٷيە كٸنەلٸ, جٷيە وڭباعان دەيمٸز. ال جٷيە دەگەن نە? ول سٸز بەن بٸز. قالاساق تا, قالاماساق تا, بەرٸمٸز دە سول جٷيەنٸڭ تەتٸگٸمٸز.
بٷگٸندە مەملەكەتتٸك قىزمەت ەل يگٸلٸگٸ ٷشٸن جۇمىس ٸستەۋ مٷمكٸندٸگٸ ەمەس, مانساپ قۇرالىنا, تابىستىڭ كٶزٸنە اينالدى.
كٶبٸسٸنٸڭ وندا بارعانداعى ماقساتى بٸرەۋ عانا - مەملەكەتتەن جەپ قالۋ, قازىنادان جىمقىرۋ, ونداي دەرەجەگە جەتپەسە دە, تىم قۇرىعاندا جۇرتتان مايدا-شٷيدالاپ پارا الاتىن مٷمكٸندٸككە يە بولۋ. پەيٸل مەن پيعىل بۇزىلعان مەم. قىزمەتكەردە", – دەيدٸ جۋرناليست.
تٷمەنبايدىڭ ايتۋىنشا نازارباەۆ تۇسىندا ەلدٸڭ جٷيكەسٸ ەبدەن جۇقارعان. جۇرت بيلٸك تٷگٸلٸ, بٸر-بٸرٸنە سەنۋدەن قالعان.
كٷمەنشٸلدٸك, كٷنشٸلدٸك, ارازدىق, ۇرىس-كەرٸس, ايعاي-شۋ, بايبالام سالۋ كٷندەلٸكتٸ نورماعا اينالعان...
"بايانسىز تٸرشٸلٸك, تۇراقسىزدىق, بولاشاققا سەنٸمسٸزدٸك سەبەپ بولدى وسىنىڭ بەرٸنە. مەنٸڭ ٸشٸمدٸ ۋداي اشىتاتىنى, نازارباەۆ كلانىنىڭ ۇرلاعان دٷنيە مٷلكٸ ەمەس. دٷنيە-مٷلٸك پەن ماتەريالدىق يگٸلٸكتەردٸ ادامنىڭ قولى جاسايتىنى راس بولسا, ول بايلىقتىڭ ورنى, ەرتە مە, كەش پە, تولار.
مەنٸ كٷيدٸرەتٸنٸ -
بۇل ارامزا جٷيەنٸڭ دٷيٸم جۇرتتى, بٷكٸل قازاقتى پسيحولوگييالىق تۇرعىدان سىندىرىپ كەتكەنٸ.
كەلەشەككە دەگەن سەنٸمٸن تاپتاپ, جانشىپ تاستاعانى. سەنٸمسٸزدٸك پەن شاراسىزدىق, بەيشارالىق پەن نەمقۇرايلىلىق كٷيگە مويىنسىندىرىپ كەتكەنٸ ىزالاندىرادى.
نازارباەۆ دەۋٸرٸنٸڭ باستى قالدىرعان كەساپاتتى مۇراسى مٸنە, وسى. ول ايىپتى ٶلەر شاقتا ينتەرۆيۋ بەرٸپ تە, ەشبٸر تۋىسقانىڭدى قۇرباندىققا شالۋمەن دە اقتاپ الماسسىڭ.
ۇزىن سٶزدٸڭ قىسقاسى, مەن قازٸرگٸ تاڭدا ەڭسەسٸ ەزٸلگەن ەلدٸڭ رۋحىن تٷزەۋگە باعىتتالعان كەز كەلگەن باستامانى قولداۋعا ەزٸرمٸن. ال ول ٶزگەرٸستەر, نە دەسەڭٸزدەر دە, بار. تەك سوقىر عانا ونى كٶرمەيدٸ. ەرتەڭگٸ اتا-زاڭعا ەنگٸزٸلگەلٸ وتىرعان ٶزگەرٸستەر دە سول باعىتتاعى شارالار.
جاڭا كونستيتۋتسييادا بولاشاقتاعى قاۋٸپتەردٸڭ بەرٸ تەگٸس ەسكەرٸلدٸ دەۋگە كەلمەس ەرينە. ونداي كەپٸلدٸكتٸ توقاەۆتىڭ ٶزٸ دە بەرە المايتىنى انىق. بٸراق, بۇل نازارباەۆ دەۋٸرٸنە, بەلگٸسٸزدٸك پەن ماقساتسىزدىق دەۋٸرٸنە بٸرجولا نٷكتە قوياتىن العاشقى قادام. سوندىقتان دا ماعان بۇل ٶزگەرٸستەر قاجەت", – دەيدٸ مۇحتار تٷمەنباي.
اۆتوردىڭ رۇقساتىمەن جارييالاندى
