نازارباەۆ: "ەلٸمٸزدە قوس بيلٸككە جول بەرٸلمەيدٸ"
23 مامىر كٷنٸ نۇر-سۇلتان قالاسىندا ٶتكەن جيىندا نازارباەۆ سايلاۋ ناۋقانىن جٸتٸ قاداعالاپ وتىرعانىن ايتىپ, قازاقستاندا ساياسي بەسەكەنٸڭ بار ەكەنٸنە توقتالعان.
"سايلاۋعا 7 كانديدات تٷستٸ. بۇل – ەلٸمٸزدە ساياسي بەسەكەنٸڭ بار ەكەنٸن ايعاقتايدى. كانديداتتار تٷرلٸ قوعامدىق توپتار مەن بٸرلەستٸكتەردٸڭ مٷددەسٸن بٸلدٸرەدٸ. ەر كانديدات ەلٸمٸزدٸ جەنە قوعامدى دامىتۋعا ارنالعان ٶز باعدارلاماسىن ۇسىندى", – دەدٸ نۇرسۇلتان نازارباەۆ.
سونىمەن قاتار پارتييا باسشىسى بارلىق كانديداتتارعا سايلاۋالدى ٷگٸت-ناسيحات جەنە تۇرعىندارمەن جۇمىس جٷرگٸزۋ ٷشٸن بٸردەي مٷمكٸندٸكتەر بەرٸلگەنٸن اتاپ ٶتتٸ.
سونداي-اق, نۇرسۇلتان نازارباەۆ ينفراقۇرىلىمدى دامىتۋ, ٶڭٸرلەردە تۇرعىن ٷي سالۋ, حالىقتىڭ از قامتىلعان توپتارىن قولداۋ, جاڭا جۇمىس ورىندارىن اشۋ جٶنٸندەگٸ مەملەكەتتٸك باعدارلامالاردى جٷزەگە اسىرۋ مەسەلەلەرٸنە دە توقتالدى.
"قازاقستاندا جۇمىسسىزدىق ەمەس, كەسٸپتٸڭ تاپشىلىعى بار. سول سەبەپتەن, بٸرٸنشٸ جۇمىسشى ماماندىقتارىنا تەگٸن وقىتاتىن باعدارلاما ەزٸرلەنگەن بولاتىن. بٸز جاستار ٷشٸن بارلىق جاعداي مەن مٷمكٸندٸك جاسادىق", – دەدٸ نۇرسۇلتان نازارباەۆ.
سونداي-اق, نۇرسۇلتان نازارباەۆ الداعى ۋاقىتتا ەل يگٸلٸگٸ ٷشٸن قىزمەت ەتە بەرەتٸنٸن دە ايتتى.
"مەن ەلٸمٸزدٸڭ يگٸلٸگٸ ٷشٸن قىزمەت ەتە بەرەمٸن. مەملەكەتٸمٸزدە قوس بيلٸككە جول بەرٸلمەيتٸنٸن اتاپ ٶتكٸم كەلەدٸ. بەرٸمٸز حالىق سايلاعان پرەزيدەنتكە قولداۋ كٶرسەتٸپ, جۇمىس ٸستەيمٸز", – دەپ تٷيٸندەدٸ نازارباەۆ.
