قازاقستاننىڭ تۇڭعىش پرەزيدەنتى نۇرسۇلتان نازاربايەۆ استاناداعى ورتالىق مەشىتكە باردى، دەپ حابارلايدى Dalanews.kz.
ۆيدەونى الەۋمەتتىك جەلىدەگى پاراقشاسىندا مەشىت ازانشىسى قۋانىش سەيىتحانوۆ جاريالادى. كادرلاردا نۇرسۇلتان نازاربايەۆ كۇزەت قىزمەتكەرلەرىمەن بىرگە مەشىت ءىشىن ارالاپ جۇرگەنى كورىنەدى.
"21 ماۋسىمدا ق ر تۇڭعىش پرەزيدەنتى نۇرسۇلتان ءابىش ۇلى نازاربايەۆ باس مەشىتكە كەلدى"، - دەپ جازعان ول.
سونداي-اق، كادرلاردان نازاربايەۆتىڭ مەشىتتەگى حالىقپەن تىلدەسكەنى دە كورىنەدى.
"امان بولىڭىز، دەنىڭىز ساۋ بولسىن! ءجۇز جاساڭىز!" - دەپ تىلەگەن حالىق ۆيدەودا.
ايتا كەتەيىك، بۇل مەشىتتى 2022 جىلى نۇرسۇلتان نازاربايەۆتىڭ ءوزى اشقان بولاتىن.
ەسكە سالايىق، جۋىردا نۇرسۇلتان نازاربايەۆ ماسكەۋگە جەكە شاقىرۋ بويىنشا باردى. ونىڭ بۇل ساپارى قوعامدا ءتۇرلى الىپ-قاشپا اڭگىمە، كۇمان-كۇدىك تۋۋىنا سەبەپ بولدى.
ال ەكس-پرەزيدەنتتىڭ باسپا ءسوز حاتشىسى ايدوس ۇكىبايدىڭ ايتۋىنشا، تۇڭعىش پرەزيدەنت الەمنىڭ ءبىرقاتار ەلىنىڭ كوشباسشىلارىمەن تەلەفون ارقىلى سويلەسىپ، حات الماسىپ، كەيدە جەكە كەزدەسىپ تۇرادى.
