ولاردىڭ جازۋىنشا, ناۆالنىي تومسكٸدەن مەسكەۋگە ۇشىپ بارا جاتقان كەزدە ياعني, ۋلاناردىڭ الدىندا بولعان وقيعالاردى ەسٸنە تٷسٸرۋٸ مٷمكٸن.
جوعارىدا اتالعان باسىلىمداردىڭ مەلٸمەتٸنشە, ناۆالنىيعا دەرٸگەر مەن ەيەلٸنەن باسقا ادامداردى دا كٸرگٸزە باستاعان. بٸراق ساياساتكەرمەن كەزدەسۋ ٷشٸن قاتاڭ كٷزەتتەن ٶتۋ كەرەك. ال ساياساتكەردٸڭ باسپاسٶز حاتشىسى كيرا يارمىش ماقالالارداعى كەيبٸر جايتتار ۇلعايتىلىپ كٶرسەتكەنٸن جازدى.
Der Spiegel اقپارات كٶزٸنٸڭ ايتۋىنشا, «شاريتە» كلينيكاسىندا كٷزەت كٷشەيگەن. ناۆالنىيدىڭ ەسٸن جيعانى تۋرالى اقپارات شىققاننان كەيٸن 9 قىركٷيەكتە كەشكە قاراي ساياساتكەر جاتقان اۋماق قاۋٸپسٸزدٸكتٸڭ «ەڭ جوعارى دەڭگەيٸ» رەجيمٸنە كٶشكەن.
اقپارات كٶزٸنٸڭ ايتۋىنشا, گەرمانييانىڭ ارنايى قىزمەتٸ تەك قوقان-لوقى عانا ەمەس, «شاريتە» كلينيكاسىن قارالاۋ سيياقتى «جالعان اقپاراتتار لەگٸنە» تٶتەپ بەرۋگە قامدانىپ جاتىر.
دەرٸگەرلەردٸڭ ايتۋىنشا, ناۆالنىي فيزيكالىق تۇرعىدا 90 پايىز قالپىنا كەلە الادى, ال پسيحيكاسى تولىق قالىپقا كەلگەن. ولار ومبىعا ۇشاقتى شۇعىل تٷردە قوندىرۋ تۋرالى شەشٸم قابىلداعان ۇشقىشتىڭ جىلدام رەاكتسيياسى مەن ناۆالنىيعا اتروپين دەرٸسٸن ەككەن جەدەل جەردەم قىزمەتكەرلەرٸنٸڭ ەرەكەتٸ امان قالۋىنا قاتتى كٶمەكتەستٸ دەپ وتىر.
بۇعان دەيٸن Die Zeit باسىلىمى قۇپييا دەرەككٶزگە سٷيەنە وتىرىپ, ناۆالنىيعا «نوۆيچوكتان» دا قاۋٸپتٸرەك ۋ بەرگەن, ونى تەك ارنايى جابدىقتالعان زەرتحانادا عانا جاساۋعا بولادى, سوندىقتان بۇل وپەراتسييانى رەسەيلٸك فسب ۇيىمداستىرعان بولۋى ىقتيمال دەپ جازعان ەدٸ.
گازەتتٸڭ مەلٸمەتٸنشە, نەمٸس بيلٸگٸ ساياساتكەردٸ اڭدىعان ارنايى قىزمەت ٶكٸلٸ قاۋٸپتٸ زاتتى ناۆالنىي شەي ٸشكەن كەسەنٸڭ جيەگٸنە نەمەسە كەسەنٸڭ ٶزٸنە شاشىپ كەتكەن بولۋى مٷمكٸن دەپ بولجاپ وتىر. ۋدىڭ قالدىقتارى ساياساتكەر سۋ ٸشكەن بٶتەلكەنٸڭ اۋزى مەن ساياساتكەردٸڭ قولىنان دا تابىلعان
نەمٸس باسىلىمىنىڭ جازۋىنشا, ۋدىڭ ەسەر ەتۋ ۋاقىتىن ەسەپتەگەن قىلمىسكەرلەر ناۆالنىي تومسكٸدەن مەسكەۋگە قاراي ۇشقان كەزدە جولدا قايتىس بولادى دەپ شامالاعان بولۋى مٷمكٸن.
رەسەيلٸك وپپوزيتسيونەر, جەمقورلىقپەن كٷرەس قورىنىڭ جەتەكشٸسٸ 44 جاستاعى ناۆالنىي 20 تامىز كٷنٸ تومسكٸدەن مەسكەۋگە باعىت العان ۇشاقتا جاعدايى كٷرت ناشارلاعان. ۇشاق ساياساتكەر دەنساۋلىعىنىڭ ناشارلاۋىنا بايلانىستى ومبى قالاسىنا قونۋعا مەجبٷر بولعان. ساياساتكەر ومبى اۋرۋحاناسىندا ەكٸ كٷن جاتتى. ونداعى دەرٸگەرلەر ناۆالنىيدىڭ زات الماسۋ پروتسەسٸ بۇزىلعان دەپ مەلٸمدەدٸ. ولار "ساياساتكەر ۋلاندى" دەگەن ناۆالنىي جاقتاستارىنىڭ تۇجىرىمىن جوققا شىعارعان. دەگەنمەن "مەدۋزانىڭ" جازۋىنشا, ومبىدا ساياساتكەردٸڭ ۋلانعانى "ايدان انىق بولعاندىقتان" جەدەل جەردەم كٶلٸگٸندە وعان اتروپين سالعان.
22 تامىزدا تۋىستارى مەن جاقتاستارىنىڭ تالابىمەن ساياساتكەر بەرليندەگٸ «شاريتە» كلينيكاسىنا اۋىستىرىلدى. نەمٸس دەرٸگەرلەرٸ زەرتحانادا تەكسەرگەننەن كەيٸن گەرمانييا ٷكٸمەتٸ الەكسەي ناۆالنىي قۇرامى جاعىنان سوۆەت وداعى كەزٸندە شىعارىلعان ەسكەري «نوۆيچوك» ۋىنا ۇقساس زاتپەن ۋلاندى دەپ مەلٸمدەدٸ.
دٷيسەنبٸ كٷنٸ نەمٸس دەرٸگەرلەرٸ ناۆالنىيدىڭ دەنساۋلىعى جاقسارعانىن, كومادان شىققانىن حابارلاعان ەدٸ.
