ادۆوكات سايدا تەۋكەلەۆا ەرتەڭ ٷكٸمەتتە ورفاندىق (سيرەك كەزدەسەتٸن) اۋرۋلارعا شالدىققان ناۋقاستاردى دەرٸ-دەرمەكپەن قامتاماسىز ەتۋ مەسەلەسٸنە ارنالعان ماڭىزدى جيىن ٶتەتٸنٸن حابارلادى. ونىڭ ايتۋىنشا, جيىنعا «قازاقستان حالقىنا» قورىنىڭ ٶكٸلدەرٸ دە قاتىسادى, دەپ حابارلايدى Dalanews.kz.
«قازٸر تاعى دا جەتٸ ٶڭٸردٸڭ ناۋقاستارىن قامتاماسىز ەتۋگە دايىنبىز دەگەن مەلٸمدەمەلەر ايتىلىپ جاتىر. بٸراق ول ۋەدەلەردٸڭ ارتىندا ناقتى قۇقىقتىق نەمەسە قارجىلىق كەپٸلدٸك جوق. اكيماتتاردان جولدانعان حاتتار – بۇل جاي عانا حاتتار. ولار قىمبات دەرٸلەردٸ تۇراقتى ساتىپ الۋ مەسەلەسٸن شەشپەيدٸ, جٷيەلٸك پروبلەمانى تٷبەگەيلٸ جويا المايدى», – دەدٸ تەۋكەلەۆا.
ونىڭ ايتۋىنشا, بۇل – تەك ستاتيستيكا نە ەلەۋمەتتٸك جوبالار ەمەس, ناقتى ادامداردىڭ – بالالار مەن ەرەسەكتەردٸڭ ٶمٸرٸ تۋرالى مەسەلە.
«قازاقستان حالقىنا» قورىنىڭ مٸندەتٸ قانداي?
سايدا تەۋكەلەۆا قوردىڭ باستى ماقساتى – دەل وسىنداي ەڭ وسال توپتارعا كٶمەك كٶرسەتۋ ەكەنٸن ەسكە سالدى.
«بۇل – قوردىڭ جارعىلىق قىزمەتٸ. باستى باسىمدىق – بٸلٸم بەرۋ جوبالارى نەمەسە قوسالقى باستامالار ەمەس, ورفاندىق اۋرۋعا شالدىققانداردى قىمبات دەرٸ-دەرمەكپەن قامتاماسىز ەتۋ. بۇل – ٶمٸر مەن ٶلٸم مەسەلەسٸ. "قىزىق" باعىتتاردى تاڭداۋعا بولاتىن وپتسييا ەمەس», – دەدٸ ول.
مەملەكەت پەن قوردىڭ جاۋاپكەرشٸلٸگٸ
ادۆوكاتتىڭ ايتۋىنشا, مەملەكەت مۇنداي ناۋقاستاردى دەرٸمەن قامتۋعا تٸكەلەي جاۋاپتى. الايدا دەل وسى مٸندەتتٸ ورىنداۋعا ٷكٸمەتتٸڭ كەيدە قاۋقارى جەتپەگەن جاعدايدا, «قازاقستان حالقىنا» قورى – قولداۋ قۇرالى رەتٸندە قۇرىلعان. سوندىقتان قور شۇعىل ەرەكەت ەتۋٸ تيٸس, دەيدٸ ول.
«بٷگٸندە باسىمدىقتار ناقتى قويىلۋى كەرەك. ەڭ باستىسى – ناۋقاستارعا دەرٸ جەتكٸزۋ. قالعان جوبالار كەيٸن تۇرۋى تيٸس. باستا!» – دەپ تٷيٸندەدٸ تەۋكەلەۆا.
ول قازٸرگٸ ۋاقىتتا ورفاندىق ناۋقاستار دەرٸ-دەرمەكسٸز قالىپ وتىرعانىن ايتىپ, بۇل مەسەلەنٸ ەرتەڭ ٷكٸمەت الدىندا اشىق كٶتەرەتٸنٸن جەتكٸزدٸ.
