ق ر پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا جولداۋىندا قويىلعان مىندەتتەردىڭ ماڭىزىن ەكشەپ، حالىققا كەڭىنەن ناسيحاتتاۋ ءۇشىن وبلىستىق اقپاراتتىق-ناسيحات توبى اۋدان، قالالارعا جولعا شىقتى.

تۇركىستان وبلىسى اكىمىنىڭ ورىنباسارى ساكەن قالقامانوۆ باستاعان ناسيحاتتىق توبى كەنتاۋ حالقىمەن جۇزدەستى. العاشقى كەزدەسۋ 1300 ادامدى جۇمىسپەن قامتىپ وتىرعان كەنتاۋ ترانسفورماتور زاۋىتىندا ءوتتى.

وبلىس اكىمىنىڭ ورىنباسارى وڭىردەگى ءبىلىم سالاسىن جەتىلدىرۋ مەن بالا قۇقىعىن قورعاۋ، سونداي-اق دارىندى بالالاردى قولداۋ بويىنشا اتقارىلاتىن تىڭ جۇمىستارعا توقتالدى.

جيىندا قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پروفەسسورى كوپجاسار جەتپىسبايەۆ جولداۋدا مىندەتتەلگەن 5 باعىتتى ايشىقتاپ، جەكە-جەكە توقتالىپ ءوتتى. جولداۋدى ناسيحاتتاۋ، ءتۇسىندىرۋ جيىنى كەنتاۋ قالاسىنداعى ش.قالداياقوۆ اتىنداعى مادەنيەت سارايىندا جالعاستى.

مەملەكەت باسشىسىنىڭ العاشقى حالىققا جولداۋىنىڭ جۇزەگە اسۋىنا وراي وتكەن جيىندا كەنتاۋ قالاسىنىڭ اكىمى داۋرەن ماحاجانوۆ بايانداما جاسادى. ءوز سوزىندە كەنتاۋ قالاسىنىڭ اكىمى قالا مەن اۋىلدارداعى «وقۋشىلار ءۇيىنىڭ» ماتەريالدىق - تەحنيكالىق بازالارى ەسكىرگەندىكتەن، تولىقتاي جاڭارتىلاتىنىن اتاپ ءوتتى. سونداي-اق بالا قۇقىعىن قورعاۋ كوميسسياسىنىڭ قۇرامى جاڭارىپ، كوميسسيا جۇمىسى اشىق ءارى ءادىل بولۋ ءۇشىن وندا قوعامدىق جۇمىستارعا بەلسەنە ارالاساتىن قوعامدىق ۇيىم وكىلدەرى مەن بلوگەرلەر تارتىلماق. مۇنداي كەزدەسۋلەر تۇركىستان وبلىسىنا قاراستى بارلىق اۋدان، قالالاردا وتكىزىلۋدە.



تۇركىستان وبلىسى اكىمىنىڭ باسپا ءسوز قىزمەتى