"بۇل ماڭىزدى ماسەلە. ءبىز بارلىق اكىمدەرگە جانە ساۋدامەن اينالىساتىندارعا ەسكەرتتىك. باعانىڭ وسۋىنە ەشقانداي دا جول بەرمەۋ كەرەك. اسىرەسە، قازاقستاندا ءوندىرىلىپ جاتقان ازىق-تۇلىك تاۋارلارىنا باعا وسپەۋى ءتيىس. جاعدايدا پايدالانىپ قالۋ ماقساتىن كوزدەپ وتىرعاندارعا باعانىڭ شارىقتاتۋعا جول بەرمەۋ ماڭىزدى" – دەگەن ەدى نۇرسۇلتان نازاربايەۆ.
بۇل ورايدا كەنتاۋ قالاسىندا ازىق-تۇلىك باعاسى باقىلاۋعا الىنىپ، اكىمشىلىك تاراپىنان ءتيىستى شارالار قابىلدانۋدا.
اعىمداعى جىل باسىنان بەرى 47 رەت (ءار اپتادا) وتكىزىلگەن جارمەڭكەدە جەرگىلىكتى ازىق-تۇلىك جانە اۋىل شارۋاشىلىعى تاۋارلارىن ساتۋ جۇمىستارى جۇرگىزىلۋدە.
ونىمدەرىن جەتكىزەتىن كاسىپكەرلەرگە قولايلى جاعداي جاسالىپ، ءوز ونىمدەرىن نارىق باعاسىنان 10-15 پايىزعا تومەن ساتىلۋى قاداعالانۋدا.
قالا جانە قالاعا قاراستى اۋىلداردا كوتەرمە باعادا 19 ماڭىزدى الەۋمەتتىك ازىق-تۇلىك تاۋارلارىن ۇسىناتىن 11 الەۋمەتتىك دۇكەن جۇمىس ىستەپ كەلەدى.(نان باعاسى 60-70 تەڭگە.) سونىمەن قاتار، قاتتى وتىن (نەگىزىنەن شۇباركول كومىرى) ساتاتىن تۇراقتى 6 نارىق سۋبەكتىسى بار.
بۇل نىساندارعا كۇندەلىكتى باعاسى، قالدىق قورى بويىنشا مونيتورينگ جۇرگىزىلىپ، مالىمەتى سالالىق باسقارماعا جولدانىپ وتىرادى.
بۇگىندە نارىق باعاسى 15000 تەڭگەدەن 18000 تەڭگە ارالىعىندا قالىپتاسۋدا. بۇل كومىردىڭ تۇرىنە (بوتاقارا، شۇباركول)، تاسىمالداۋ نىسانىنا (تەمىرجول، كاماز) بايلانىستى بولىپ وتىر.
