"Naryqtaǵy baǵadan arzan". Kentaýda 11 áleýmettik dúken jumys isteidi
"Bul mańyzdy másele. Biz barlyq ákimderge jáne saýdamen ainalysatyndarǵa eskerttik. Baǵanyń ósýine eshqandai da jol bermeý kerek. Ásirese, Qazaqstanda óndirilip jatqan azyq-túlik taýarlaryna baǵa óspeýi tiis. Jaǵdaida paidalanyp qalý maqsatyn kózdep otyrǵandarǵa baǵanyń sharyqtatýǵa jol bermeý mańyzdy" – degen edi Nursultan Nazarbaev.
Bul oraida Kentaý qalasynda azyq-túlik baǵasy baqylaýǵa alynyp, ákimshilik tarapynan tiisti sharalar qabyldanýda.
Aǵymdaǵy jyl basynan beri 47 ret (ár aptada) ótkizilgen jármeńkede jergilikti azyq-túlik jáne aýyl sharýashylyǵy taýarlaryn satý jumystary júrgizilýde.
Ónimderin jetkizetin kásipkerlerge qolaily jaǵdai jasalyp, óz ónimderin naryq baǵasynan 10-15 paiyzǵa tómen satylýy qadaǵalanýda.
Qala jáne qalaǵa qarasty aýyldarda kóterme baǵada 19 mańyzdy áleýmettik azyq-túlik taýarlaryn usynatyn 11 áleýmettik dúken jumys istep keledi.(Nan baǵasy 60-70 teńge.) Sonymen qatar, qatty otyn (negizinen Shubarkól kómiri) satatyn turaqty 6 naryq sýbektisi bar.
Bul nysandarǵa kúndelikti baǵasy, qaldyq qory boiynsha monitoring júrgizilip, málimeti salalyq basqarmaǵa joldanyp otyrady.
Búginde naryq baǵasy 15000 teńgeden 18000 teńge aralyǵynda qalyptasýda. Bul kómirdiń túrine (Botaqara, Shubarkól), tasymaldaý nysanyna (temirjol, kamaz) bailanysty bolyp otyr.
