– قارا توپىراقتى ايماق شارۋالارى دالا جۇمىستارىن قالاي تىندىرىپ جاتىر?
– بيىل نارىنقول ٶڭٸرٸ تۇرعىندارى ٷشٸن قۋانىشتى جىل بولدى. جىل باسىندا ٶڭٸردەگٸ شارۋا قوجالىقتارىنىڭ جەتەكشٸلەرٸمەن كەزدەسٸپ, كارتوپتىڭ جاڭا سورتىمەن جۇمىس جاساساق دەگەن باستاما كٶتەرگەن بولاتىنبىز. نەتيجەسٸندە كارتوپ القابى 50 گەكتارعا ۇلعايدى. ٶتكەن جىلى گوللاندييادان ەكەلٸنگەن جوعارى سورتتى «سانتا» تۇقىمى 70 گەكتارعا سەبٸلسە, بيىل ون ەسەلەنٸپ, 700 گەكتارعا سەبٸلدٸ.
– اۋداندا كارتوپ ەگۋ ٸسٸنٸڭ بەلسەندٸلٸگٸنٸڭ كٷرت ارتۋىنىڭ سەبەبٸ نەدە?
– بيىل ينتەنسيۆتٸ تەحنولوگييالار مەن جاڭا تەحنيكالاردىڭ كەلۋٸ ارقىلى ٶنٸمدٸلٸك كٶلەمٸ بٸرشاما ارتا تٷستٸ. وعان سەبەپ, جاڭا تٷلەگەن اۋدانعا ٶتكەن جىلى وبلىس ەكٸمٸ اماندىق باتالوۆتىڭ قولداۋىمەن 500 ملن تەڭگە بٶلٸنٸپ, اۋىل شارۋاشىلىق تەحنيكالارىن ساتىپ العان ەدٸ. بۇدان بٶلەك, سەرۆيستٸك ورتالىقتار قۇرىلىپ, شارۋالار بٸر-بٸرٸنە سەپتەسكەن. سٶيتٸپ, شارۋالار بٸر جاعادان باس, بٸر جەڭنەن قول شىعارىپ, ەڭبەك ٶنٸمدٸلٸگٸ ارتىپ وتىر. سەيكەسٸنشە, جاڭادان ساتىپ الىنعان 27 تراكتور شاراپاتىن تيگٸزدٸ. بۇرىنعى تراكتورلاردا 80 اتتىڭ كٷشٸ بولسا, جاڭا تراكتورلاردا 92 اتتىڭ كٷشٸ بار. الىنعان تەحنيكالاردىڭ ارقاسىندا ەگۋ ناۋقانىن ەرتە بٸتتٸك.
– تەكەس اۋىلىنداعى بايىنقول شارۋا قوجالىعىنىڭ كارتوپ القابى تەڭٸز دەڭگەيٸنەن شامامەن 2 مىڭ مەتر بيٸكتٸكتە ورنالاسقان. ال توپىراعىندا تابيعي قۇم بولعاندىقتان جاڭبىر جاۋعاندا نەمەسە سۋارعاندا توپىراقتارى بٸرٸگٸپ, تۇقىمدى قىسىپ قالمايدى. ەرٸ بۇدان شىققان ٶنٸمدٸ ەكٸ جىلعا دەيٸن قويمادا ساقتاۋعا بولادى. ٶنٸمنٸڭ باستى كەپٸلٸ قارا توپىراق پەن ساپالى تۇقىم عانا ەمەس, قۋاتتى تەحنيكا مەن زاماناۋي تەحنولوگييا. سوندىقتان دا قۇنارى مول, اسا دەمدٸ بۇل كارتوپ جەتٸسۋ جەرٸنٸڭ بٸرەگەي برەندٸنە اينالعان.
– الداعى جوسپارلارىڭىز...
– بەرەرٸ مول كارتوپپەن جۇمىس جاساۋعا ەركٸم نيەتتٸ. ونىڭ ٷستٸنە شارۋا قوجالىقتارىمىزدىڭ دا جايى جاقسى. ەلەۋەتٸ جوعارى. شارۋالارى مىعىم. ٶتكەن جىلى 70 گەكتارعا ەگٸلگەن گوللاندييالىق تۇقىمنان 2100 توننا ٶنٸم جينالعان. سول ساپالى تۇقىم شارۋالارعا تەڭدەي تاراتىلىپ بەرٸلدٸ. الداعى ۋاقىتتا اۋدان جاۋاپتىلارى وسى ەليتالىق كارتوپ القابىن 4 جارىم مىڭ گەكتارعا كەڭەيتسەك دەگەن نيەتتە. سٶيتٸپ, الماتى وبلىسىنىڭ اتالمىش ٶنٸمگە سۇرانىسىن تولىقتاي قاناعاتتاندىرماقپىز.
ايتا كەتۋ كەرەك, جالپى اۋداندا 17 شارۋا قوجالىعى مەن 3 سەرۆيستٸك ورتالىعى جۇمىس ٸستەيدٸ. سونىمەن قاتار جاڭا تەحنيكالاردىڭ كەلۋٸنٸڭ ارقاسىندا 120 ادام جۇمىسپەن قامتىلىپ وتىر.
بالجان قايراتقىزى, الماتى وبلىسى.
