گرۋزييانىڭ ەكس-پرەزيدەنتٸ ميحايل سااكاشۆيلي 2022 جىلدان بەرٸ جاتقىزىلعان تبيليسيدەگٸ كلينيكادان شىعارىلىپ, قايتادان «12-نٶمٸرلٸ تٷزەتۋ مەكەمەسٸنە» (رۋستاۆي تٷرمەسٸنە) جەتكٸزٸلدٸ, دەپ حابارلايدى Dalanews.kz.
ول جازاسىن جالپى تەرتٸپپەن وسى جەردە جالعاستىرادى. بۇل تۋرالى 12 قاراشا, سەرسەنبٸ كٷنٸ گرۋزييانىڭ ارنايى پەنيتەنتسيارلىق قىزمەتٸ Facebook پاراقشاسىندا حابارلادى.
جازبادا سااكاشۆيليدٸڭ قازٸرگٸ دەنساۋلىق جاعدايى «قاناعاتتانارلىق» دەپ كٶرسەتٸلگەن, سوندىقتان وعان ستاتسيوناردا ەمدەلۋ «قاجەت ەمەس» دەلٸنەدٸ. سونىمەن قاتار, پەنيتەنتسيارلىق قىزمەت ساياساتكەردٸڭ جەكە دەرٸگەرٸنٸڭ شەشٸمٸنە سٸلتەمە جاساعان.
سااكاشۆيليگە قاتىستى قىلمىستىق ٸستەر
ەكس-پرەزيدەنت 2021 جىلدىڭ 29 قىركٷيەگٸنە قاراعان تٷنٸ گرۋزيياعا قايتىپ ورالعان. تەرگەۋ مەلٸمەتٸنشە, ول گرۋزييانىڭ پوتي پورتىنا «ۆيلنيۋس» كەمەسٸمەن جاسىرىن كەلٸپ, جٷك كٶلٸگٸنٸڭ ٸشٸنە تىعىلعان. سااكاشۆيلي 2 قازانداعى سايلاۋدا بيلەۋشٸ «گرۋزين ارمانى» پارتيياسىنا قارسى داۋىس بەرۋگە شاقىرىپ, Facebook-كە ۆيدەو جارييالاعان. كەيٸنگٸ ۆيدەوسىندا حالىقتى نارازىلىققا شىعۋعا ٷندەپ, سايلاۋ فالسيفيكاتسييالارى بولۋى مٷمكٸن ەكەنٸن ايتقان. پوليتسييا مەن ارنايى قىزمەتتەر 1 قازاندا ونىڭ قايدا ەكەنٸن انىقتاپ, تبيليسيدەگٸ جٷك كٶلٸگٸنٸڭ جٷرگٸزۋشٸسٸنٸڭ پەتەرٸنەن ۇستاپ, قاماۋعا العان.
2021 جىلدىڭ قازانىندا سااكاشۆيلي تٷرمەدە اشتىق جارييالاپ, ونى 50 كٷن ۇستادى. ول اشتىعىن تەك گوري قالاسىنداعى ەسكەري گوسپيتالعا رەابيليتاتسييا ٷشٸن اۋىستىرىلعاننان كەيٸن توقتاتتى. الايدا 2022 جىلدىڭ 21 اقپانىندا تٷرمەگە قايتا ورالعان سوڭ تاعى دا اشتىق جارييالادى. بۇل جولى 20 كٷنگە سوزىلدى. 12 مامىردا جاعدايى ناشارلاعان سوڭ ول تٷرمەدەن تبيليسيدەگٸ «ۆيۆامەدي» جەكە كلينيكاسىنا اۋىستىرىلدى. ول جەردە جەكە پالاتادا كٷزەتپەن جاتتى. 2023 جىلدىڭ 31 قاڭتارىندا ۋكراينا جوعارعى راداسىنىڭ دەپۋتاتى ەليزاۆەتا ياسكو سااكاشۆيليدٸڭ جاعدايى تىم اۋىرلاپ, رەانيماتسيياعا تٷستٸ دەپ مەلٸمدەدٸ. الايدا كلينيكا بۇل اقپاراتتى جوققا شىعاردى.
قازٸر سااكاشۆيلي دەپۋتات ۆالەريي گەلاشۆيليدٸ سوققىعا جىققانى جەنە بانك قىزمەتكەرٸ ساندرو گيرگۆليانيدٸڭ ٶكٸلدەرٸن كەشٸرٸممەن بوساتۋى ٸسٸ بويىنشا التى جىلدىق جازاسىن ٶتەپ جاتىر. 2025 جىلدىڭ 12 ناۋرىزىندا تبيليسي قالالىق سوتى ونى بيۋدجەتتەن 9 ملن لاريدٸ (شامامەن 3 ملن ەۋرو) ىسىراپ ەتۋ ٸسٸ بويىنشا تاعى توعىز جىلعا سوتتادى. 17 ناۋرىزدا سول سوت وعان مەملەكەتتٸك شەكارانى زاڭسىز كەسٸپ ٶتكەنٸ ٷشٸن قوسىمشا 4,5 جىل جازا قوستى. جازالاردى ٸشٸنارا بٸرٸكتٸرگەننەن كەيٸن ساياساتكەردٸڭ جالپى تٷرمە مەرزٸمٸ 12 جىل 6 ايعا جەتتٸ.
