دەرەككوزدەردىڭ ايتۋىنشا، سايدا جاڭارعان پرەزيدەنت اكىمشىلىگىندەگى ەڭ جوعارى قىزمەتكە وتىرادى.
وسىلايشا، 38 جاستاعى سايدا ميرزيايەۆا اكەسى شاۆكات ميرزيايەۆ اكىمشىلىگىن باسقارادى.
دەرەككوزدەر مالىمەتىنشە، قايتا قۇرىلعان دەپارتامەنت جەتەكشىسى قىزمەتىنە پرەزيدەنت اكىمشىلىگى باسشىسىنىڭ ورىنباسارى بولىپ ىستەگەن كوميل اللامجونوۆ تاعايىندالدى. ول - اكىمشىلىكتەگى ءۇشىنشى ادام.
سايدا ميرزيايەۆ پەن كوميل اللامجونوۆتى تاعايىنداۋى تۋرالى رەسمي تۇردە ءالى حابارلانعان جوق.
بۇنىڭ الدىندا پرەزيدەنتتىڭ باسپا ءسوز قىزمەتى ازاتتىقتىڭ وزبەك قىزمەتىنە پرەزيدەنت اكىمشىلىگىنىڭ باسشىسى ساردور ءومىرزاقوۆ قىزمەتتەن الىنعانىن راستاعان.
وزبەكستان پرەزيدەنتى باسپا ءسوز قىزمەتىنىڭ حابارلاۋىنشا، مەملەكەت باسشىسىنىڭ جارلىعىمەن پرەزيدەنت اكىمشىلىگىنىڭ جەتەكشىسى قىزمەتى جويىلدى. ساردور ءومىرزاقوۆ پرەزيدەنتتىڭ ەرەكشە تاپسىرمالارى جونىندەگى كەڭەسشىسى قىزمەتىنە تاعايىندالدى.
بيىل قاڭتاردا دەرەككوزدەر پرەزيدەنت اكىمشىلىگىنىڭ باسشىسى مەن ۇكىمەت اراسىندا كەلىسپەۋشىلىك بارىن حابارلاعان.
كەيىنگى تاعايىنداۋلار پرەزيدەنتتىڭ ۇلكەن قىزى سايدا ميرزيايەۆ مارتەبەسى كۇشەيىك كەلە جاتقانىن كورسەتەدى.
ءبىر اي بۇرىن ازاتتىقتىڭ وزبەك قىزمەتى وزبەكستاندا شاۆكات ميرزيايەۆ بيلىگى كەزىندەنى نەپوتيزم تۋرالى زەرتتەۋ جاريالاپ، پرەزيدەنت جيىرمادان استام تۋىسىن لاۋازىمى جوعارى قىزمەتتەرگە تاعايىنداعانىن جازعان.
https://dalanews.kz/del-qazir/91904-zhezqazgandagy-yelektr-balansyna-qosy
