Azattyqtyń Ózbek qyzmetiniń Ózbekstan úkimetindegi derekkózderiniń málimetinshe, jaqynda Shavkat Mirziiaevtiń úlken qyzy Saida Mirziiaeva Ózbekstan prezidentiniń birinshi kómekshisi qyzmetine taǵaiyndalady.
Derekkózderdiń aitýynsha, Saida jańarǵan prezident ákimshiligindegi eń joǵary qyzmetke otyrady.
Osylaisha, 38 jastaǵy Saida Mirziiaeva ákesi Shavkat Mirziiaev ákimshiligin basqarady.
Derekkózder málimetinshe, qaita qurylǵan departament jetekshisi qyzmetine prezident ákimshiligi basshysynyń orynbasary bolyp istegen Komil Allamjonov taǵaiyndaldy. Ol - ákimshiliktegi úshinshi adam.
Saida Mirziiaev pen Komil Allamjonovty taǵaiyndaýy týraly resmi túrde áli habarlanǵan joq.
Bunyń aldynda prezidenttiń baspasóz qyzmeti Azattyqtyń Ózbek qyzmetine prezident ákimshiliginiń basshysy Sardor Ómirzaqov qyzmetten alynǵanyn rastaǵan.
Ózbekstan prezidenti baspasóz qyzmetiniń habarlaýynsha, memleket basshysynyń jarlyǵymen prezident ákimshiliginiń jetekshisi qyzmeti joiyldy. Sardor Ómirzaqov prezidenttiń erekshe tapsyrmalary jónindegi keńesshisi qyzmetine taǵaiyndaldy.
Biyl qańtarda derekkózder prezident ákimshiliginiń basshysy men úkimet arasynda kelispeýshilik baryn habarlaǵan.
Keiingi taǵaiyndaýlar prezidenttiń úlken qyzy Saida Mirziiaev mártebesi kúsheiik kele jatqanyn kórsetedi.
Bir ai buryn Azattyqtyń Ózbek qyzmeti Ózbekstanda Shavkat Mirziiaev biligi kezindeni nepotizm týraly zertteý jariialap, prezident jiyrmadan astam týysyn laýazymy joǵary qyzmetterge taǵaiyndaǵanyn jazǵan.
https://dalanews.kz/del-qazir/91904-zhezqazgandagy-yelektr-balansyna-qosy
