تاشكەنت وبلىسى قىبىراي اۋدانى "بايتقورعان" اۋىلىندا وزبەكستان پرەزيدەنتى شاۆكات ميرزيايەۆتىڭ جاڭا رەزيدەنسياسى سالىنىپ جاتىر.
بيىك قابىرعالارمەن قورشالعان رەزيدەنسيانىڭ اۋماعى بىرنەشە گەكتاردى الىپ جاتىر. "بايتقورعان" اۋىلىنداعى ونداعان ۇيلەر ءسۇرىلدى، كوشەلەرى كەڭەيتىلدى، جاعالاي شىرشا وتىرعىزىلدى.
قىبىراي اۋدانى اكىمشىلىگى شەنەۋنىكتەرىنىڭ سوزدەرىنە قاراعاندا، رەزيدەنسيانى پرەزيدەنت اكىمشىلىگى سالدىرىپ جاتىر. قۇرىلىسقا پرەزيدەنت اكىمشىلىگى باسشىسىنىڭ ورىنباسارى ويبەك تۇرسىنوۆ جەتەكشىلىك ەتەدى. ايتا كەتەرلىك جايت، ويبەك تۇرسىنوۆ وزبەك پرەزيدەنتى شاۆكات ميرزيايەۆتىڭ كۇيەۋ بالاسى. ول پرەزيدەنتتىڭ قىزى سايداعا ۇيلەنگەن.
ينجەنەرلەردىڭ ءبىرى بەرگەن مالىمەت بويىنشا، رەزيدەنسيانىڭ قۇرىلىسى بىتكەن بولىگىنىڭ اشىلۋ سالتاناتى 24 شىلدەدە - شاۆكات ميرزيايەۆتىڭ تۋعان كۇنىندە ءوتتى.
پانورامنىي سنيموك رەزيدەنسيي پرەزيدەنتا شاۆكاتا ميرزيايەۆا نا كارتە Google.
"رەزيدەنسيانىڭ ءىشىن ارلەۋگە ارگەنتينادان اكەلىنگەن كوگىلدىر ءمارمار قولدانىلدى، ونىڭ ءبىر شارشى مەترى 500 دوللاردان تۇرادى. سونىمەن بىرگە Swarovski كريستالى قولدانىلدى. عيمارات ديزايننىڭ سوڭعى ۇلگىسىمەن بەزەندىرىلدى"، – دەدى ينجەنەر.
قىبىراي اۋدانى اكىمشىلىگى قىزمەتكەرلەرىنىڭ سوزدەرىنە قاراعاندا، رەزيدەنسيا قۇرىلىسى ءۇشىن سۇرىلگەن ۇيلەردىڭ قوجايىندارىنا جەر تەلىمى ءبولىنىپ، وعان كوتتەدجدەر سالىپ بەرەدى.
وسى ۋاقىتقا دەيىن وزبەكستاننىڭ جاڭا پرەزيدەنتى ءوزىنىڭ جەكە ۇيىندە تۇرىپ كەلدى. ول تاشكەنتتەگى شامس كوشەسىنىڭ بويىنداعى كاراسۋۆ-2 تۇرعىن اۋدانىندا ورنالاسقان.
