Tashkent oblysy Qybyraı aýdany "Baıtqorǵan" aýylynda Ózbekstan prezıdenti Shavkat Mırzıaevtiń jańa rezıdensıasy salynyp jatyr.
Bıik qabyrǵalarmen qorshalǵan rezıdensıanyń aýmaǵy birneshe gektardy alyp jatyr. "Baıtqorǵan" aýylyndaǵy ondaǵan úıler súrildi, kósheleri keńeıtildi, jaǵalaı shyrsha otyrǵyzyldy.
Qybyraı aýdany ákimshiligi sheneýnikteriniń sózderine qaraǵanda, rezıdensıany prezıdent ákimshiligi saldyryp jatyr. Qurylysqa prezıdent ákimshiligi basshysynyń orynbasary Oıbek Tursynov jetekshilik etedi. Aıta keterlik jaıt, Oıbek Tursynov ózbek prezıdenti Shavkat Mırzıaevtiń kúıeý balasy. Ol prezıdenttiń qyzy Saıdaǵa úılengen.
Injenerlerdiń biri bergen málimet boıynsha, rezıdensıanyń qurylysy bitken bóliginiń ashylý saltanaty 24 shildede - Shavkat Mırzıaevtiń týǵan kúninde ótti.
Panoramnyı snımok rezıdensıı prezıdenta Shavkata Mırzıaeva na karte Google.
"Rezıdensıanyń ishin árleýge Argentınadan ákelingen kógildir mármár qoldanyldy, onyń bir sharshy metri 500 dollardan turady. Sonymen birge Swarovski krıstaly qoldanyldy. Ǵımarat dızaınnyń sońǵy úlgisimen bezendirildi", – dedi ınjener.
Qybyraı aýdany ákimshiligi qyzmetkerleriniń sózderine qaraǵanda, rezıdensıa qurylysy úshin súrilgen úılerdiń qojaıyndaryna jer telimi bólinip, oǵan kotejder salyp beredi.
Osy ýaqytqa deıin Ózbekstannyń jańa prezıdenti óziniń jeke úıinde turyp keldi. Ol Tashkenttegi Shams kóshesiniń boıyndaǵy Karasýv-2 turǵyn aýdanynda ornalasqan.
