مەملەكەت جەنە قوعام قايراتكەرٸ, قازاقستان ۇلتتىق عىلىم اكادەميياسىنىڭ اكادەميگٸ مىرزاتاي جولداسبەكوۆ ەلوردانىڭ قالىپتاسۋ كەزەڭٸ تۋرالى ەستەلٸگٸن بٶلٸستٸ, دەپ حابارلايدى dalanews.kz.
عالىمنىڭ ايتۋىنشا, ول 2000 جىلى ارنايى شاقىرتۋمەن استاناعا قونىس اۋدارعان. سودان بەرٸ قالا قۇرىلىسىنىڭ قالاي قارقىن الىپ, ەلوردانىڭ ٷلكەن مەگاپوليسكە اينالعانىنا كۋە بولعان.
مىرزاتاي جولداسبەكوۆ بۇل تۋرالى استانا قالاسى ەكٸمدٸگٸنٸڭ "رۋحانييات" كوممۋنالدىق مەملەكەتتٸك مەكەمەسٸنە بەرگەن سۇحباتىندا ايتتى.
اكادەميك ەلوردانىڭ العاشقى جىلدارىندا سول جاعالاۋدا قۇرىلىس اتاۋلىنىڭ از بولعانىن ەسكە الدى. ونىڭ سٶزٸنشە, سول كەزەڭدە نۇرسۇلتان نازارباەۆ مەملەكەت جەنە قوعام قايراتكەرلەرٸن جيناپ, بولاشاق استانانىڭ دامۋ جوسپارىن تانىستىرعان.
"سول جاعالاۋدا تٷك جوق, جىلان جالاعانداي ەدٸ. سول جەردە تۇرىپ, نۇرەكەڭ "اناۋ بولادى, مىناۋ بولادى" دەپ بەرٸن جىرداي قىلىپ ايتتى. ٸشٸمنەن "مۇنىڭ بەرٸن كٸم ٸستەيدٸ, قاشان بولادى?" دەپ ويلادىم. ال قازٸر قاراساڭ, قالا ٶسٸپ بارادى", – دەدٸ ول.
مىرزاتاي جولداسبەكوۆ استانانىڭ قازٸرگٸ كەلبەتٸن ٷلكەن ەڭبەكتٸڭ نەتيجەسٸ دەپ باعالادى.
"بۇعان دەيٸن تاس ٷي سالعاندى كٶردٸك, زاۋىت سالعاندى كٶردٸك. بٸراق قالا سالعاندى, ونىڭ ٸشٸندە استانا سالعاندى كٶرگەنٸمٸز جوق. سول جاعالاۋدا قازٸر كٷنٸ-تٷنٸ ادام كٶپ. جاستاردىڭ جٷرگەن جەرٸ – ويىن-كٷلكٸ, توي. بۇل – جاقسىلىقتىڭ بەلگٸسٸ", – دەدٸ اكادەميك.
ول شيرەك عاسىرعا جۋىق ۋاقىت ٸشٸندە ەلوردانىڭ ادام تانىماستاي ٶزگەرٸپ, ەلدٸڭ ساياسي ەرٸ قوعامدىق ٶمٸرٸنٸڭ باستى ورتالىقتارىنىڭ بٸرٸنە اينالعانىن اتاپ ٶتتٸ.
