دەپۋتات اجار ساعاندىقوۆا توتەنشە جاعدايلار مينيسترلىگىنىڭ جۇمىسىن سىنعا الدى، دەپ حابارلايدى Dalanews.kz.

ماجالىستە شىڭعىس ءارىنوۆ ۆەدومستۆونىڭ جۇمىسى مەن دامۋ جوسپارلارىنا قاتىستى بايانداما جاسادى.

تالقىلاۋ بارىسىندا دەپۋتات اجار ساعاندىقوۆا مينيسترلىكتىڭ جۇمىسىن “مينۋس 5 باللعا” باعالادى. ول مۇنىڭ سەبەبى رەتىندە ادام ولىمدەرى مەن قىزمەتكەرلەردىڭ قازا بولۋى كەزىندە ۆەدومستۆونىڭ جەتكىلىكتى شارا قولدانباۋىن اتاپ ءوتتى.

“ءار مەملەكەتتىك ورگاننىڭ جۇمىسىنا باعا بەرەمىز، بۇگىن ءسىزدىڭ مينيسترلىككە دە باعا بەرەمىن. الايدا، ادەتتەگىدەي 0-دەن 5-كە دەيىن ەمەس، مينۋس 0-دەن مينۋس 5-كە دەيىنگى شكالا بويىنشا. ويتكەنى ءورت كەزىندە ادامدار قازا تاۋىپ، قىزمەتكەرلەرىڭىز وپات بولىپ جاتقاندا، مينيسترلىكتىڭ جۇمىسى نولدە تۇر. سىزدەردىڭ باستى مىندەتتەرىڭىز – ادامداردىڭ ءومىرىن قورعاۋ”، – دەدى دەپۋتات.

مينيستر شىڭعىس ءارىنوۆ سىنعا جاۋاپ رەتىندە قىزمەتكەرلەردىڭ جۇمىسىنىڭ ناتيجەسى بار ەكەنىن اتاپ ءوتتى. ول مينيسترلىكتىڭ كوپتەگەن تۇيتكىلدەرىنە قاراماستان، قىزمەتكەرلەر ءوز مىندەتتەرىن تولىق كولەمدە اتقارىپ جاتقانىن مالىمدەدى.

“مينۋس 5 باللدى قابىلدايمىز. ءبىراق بۇل باعا تەك ماعان قاتىستى ەمەس، بارلىق قىزمەتكەرىمە اسەر ەتەدى. ۆيسە-مينيستردەن باستاپ قاتارداعى قىزمەتكەرگە دەيىن بارلىعى كۇنى-تۇنى جۇمىس ىستەپ جاتىر. بۇل – ولاردىڭ ادال قىزمەتىنىڭ ناتيجەسى”، – دەدى مينيستر.

وعان جاۋاپ رەتىندە دەپۋتات ساعاندىقوۆا ءوز باعاسىن قىزمەتكەرلەرگە ەمەس، مينيسترلىكتىڭ جالپى جۇمىسىنا بەرگەنىن اتاپ ءوتتى.

“مەنىڭ باعام ءسىزدىڭ قىزمەتكەرلەرىڭىزگە قاتىستى ەمەس، ولار باتىرلار. ءبىراق توتەنشە جاعدايلار مينيسترلىگىنىڭ باستى ماقساتى – ادامداردىڭ ءومىرىن ساقتاپ قالۋ، ال ول ماقسات تولىق ورىندالماي جاتىر”، – دەپ تۇيىندەدى دەپۋتات.