تۋريزم جەنە سپورت مينيسترٸ ەربول مىرزابوسىنوۆ Biz Birgemiz قايىرىمدىلىق قورىنىڭ نەگٸزٸن قالاۋشى پەريزات قايراتتىڭ قالاي پارا ٷستەل تەننيسٸ فەدەراتسيياسىنىڭ پرەزيدەنتٸ قىزمەتٸنە تاعايىندالعانىن تٷسٸندٸردٸ, دەپ حابارلايدى Dalanews.kz.
ايتۋىنشا, بۇل شەشٸم فەدەراتسييانىڭ ٸشكٸ ساياساتىنا بايلانىستى قابىلدانعان.
“پەريزات كايراتتىڭ تاعايىندالۋى سول كەزدەگٸ فەدەراتسييانىڭ شەشٸمٸ بولدى. قازٸرگٸ ۋاقىتتا ول قىزمەتتە جوق. فەدەراتسييانىڭ ٸشكٸ پروتسەستەرٸ قازٸر قايتا قارالۋدا. بٸز فەدەراتسييالارعا قويىلاتىن تالاپتاردى قاداعالاپ, حالىقارالىق دەڭگەيدەگٸ جۇمىستارعا دەگەن تالاپتارىمىزدى كٷشەيتۋدەمٸز”, – دەدٸ مينيستر.
ەسكە سالايىق, قما ەرٸكتٸلەر قوزعالىسىنىڭ بەلسەندٸسٸ جەنە BizBirgemizQazaqstan قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جٷرگٸزٸلٸپ جاتىر.
ول كٶكتەمگٸ سۋ تاسقىنىنان زارداپ شەككەن ازاماتتارعا كٶمەكتەسۋ ٷشٸن جينالعان 1,5 ملرد تەڭگەدەن استام قاراجاتتى جىمقىردى دەپ كٷدٸككە ٸلٸندٸ.
قايىرىمدىلىقتىڭ نەگٸزگٸ بٶلٸگٸ قىمبات سەن بۇيىمدارى مەن جىلجىمايتىن مٷلٸكتٸ ساتىپ الۋ ماقساتىنا پايدالانىلدى.
بيىل كٶكتەمدە ول ەلورداداعى اۆتوسالونداردا 88 ملن تەڭگەگە "Mercedes-Benz S450", 80 ملن تەڭگەگە "Lexus LX-600" جەنە 39 ملن تەڭگەگە "Haval" اۆتوكٶلٸكتەرٸن ساتىپ الدى.
وسى كەزەڭدە ول جالپى سوماسى 600 ملن تەڭگەنٸ قۇرايتىن ەلوردانىڭ پرەميۋم ساناتتاعى "Akbulak Riviera", "Highvill Ishim Gold", "كٶك جايلاۋ" تك (تۇراق ورىندارىن قوسا العاندا), سونداي-اق "Vela Village" كوتتەدج قالاشىعىندا جىلجىمايتىن مٷلٸك نىساندارىن ساتىپ الدى.
سونىمەن قاتار, قازاقستاندىقتاردىڭ قايىرىمدىلىققا جٸبەرگەن قاراجات ەسەبٸنەن پەريزات ق. دۋباي, دوحا, لوندون جەنە ستامبۋلداعى «St. Regis», «Shangri-La», «Palazzo Versace» جەنە «Kempinski» سيياقتى بەس جۇلدىزدى قوناق ٷيلەردە دەمالعان.
بۇل ەلدەردە ول "Cartier" جەنە "Louis Vuitton" سيياقتى برەندتەردٸڭ قىمبات اكسەسسۋارلارى مەن زەرگەرلٸك بۇيىمداردى ساتىپ الىپ, فەشەنەبەلدٸ مەيرامحانالارعا بارىپ, ياحتالاردى جالداعان.
قىلمىستىق سحەمانى جٷزەگە اسىرۋ ٷشٸن دوستارى مەن تۋىستارىنا 8% سىياقى بەرٸپ, قوردىڭ اقشاسى قولما-قول اقشاعا اينالدىرىپ وتىرعان.
وسىلايشا, پەريزات ق. ٶزٸنٸڭ زاڭسىز ەرەكەتتەرٸمەن ەرٸكتٸلەر قوزعالىسىنىڭ بەدەلٸنە نۇقسان كەلتٸرٸپ, ونىڭ اشىقتىق پەن ادالدىق پرينتسيپتەرٸنە كٷمەن كەلتٸردٸ جەنە حالىقتىڭ سەنٸپ تاپسىرعان قاراجاتىن تالان-تاراجعا سالعان.
16 قاراشا كٷنٸ قارجى مونيتورينگٸ اگەنتتٸگٸ ەرٸكتٸلەر قوزعالىسىنىڭ بەلسەندٸسٸ پەريزات قايراتقا قاتىستى تەرگەۋ فاكتٸسٸ بويىنشا قوسىمشا اقپاراتتى جارييالادى. اگەنتتٸك پەريزات قايراتتىڭ پالەستيناعا دەپ اقشا جيناپ, 200 ملن تەڭگەدەن اسا قاراجاتتى جىمقىرعانىن راستادى.
