"كودەكستەگٸ بٸر عانا تٷزەتۋ 6 رەت قوعامدىق تالقىلاۋدان ٶتٸپ, 43 مەملەكەتتٸك مەكەمە تٷزەتۋ ۇسىنعان. قىرىق جاماۋ بولعان كودەكس ترانسپلانتاتسييا مەن ۆاكتسيناتسييانىڭ تٶڭٸرەگٸندە ەڭگٸمە ٶربٸتكەن جيىندا تاعى تالقىعا تٷستٸ. تالقىلاي بەرگەنٸ سول ەدٸ, جيىلعان جۇرتتىڭ اراسىندا ەكپەنٸڭ پايداسىن كٶرەم دەپ, بالاسىنان ايرىلعان انانىڭ سٶزٸ وتىرىستىڭ اۋانىن ٶزگەرتٸپ جٸبەردٸ", - دەيدٸ تەلەارنا تٸلشٸسٸ.
- مەن مٸندەتتٸ ەكپەگە تٷبەگەيلٸ قارسىمىن. قازٸرگٸ ۋاقىتتا بۇل ۇستانىمىمدى بارلىق جەردە ايتىپ, حالىقارالىق ساراپشىلارمەن بايلانىسقا شىعامىن. سەبەبٸ, بٸزدٸڭ شەنەۋنٸكتەر مەن اقشا قۋعان دەرٸگەرلەرگە سەنۋدەن قالدىم.
كەلٸنشەكتٸڭ شىرقىرايتىن جٶنٸ بار. ەكٸ جاسار بالاسى ەكپەدەن سوڭ كٶز جۇمعان. شارق ۇرعان انانىڭ تاۋى شاعىلىپ, مينيستردٸڭ الدىندا جاعدايىن ايتۋدان باسقا لاجى قالماپتى.
الايدا مينيستر بٸرتانوۆ "بٸزبەن بايلانىسقا شىعىپ, حات جولداڭىز" دەگەننەن باسقا جٶندٸ جاۋاپ قاتا الماي, اقتالعان كەيٸپتە ەڭگٸمەلەرٸن ۆاكتسيناتسييانىڭ پايداسى جاعىنا ويىستىرىپ جٸبەردٸ.
كەلتٸرٸلگەن دەرەكتەرگە سەنسەك, بيىلعا 21 ۆيرۋسقا قارسى ەكپە جاساۋعا 26 ميلليارد تەڭگە بٶلٸنگەن.
ەلجان بٸرتانوۆ, قر دەنساۋلىق ساقتاۋ مينيسترٸ:
- ەربٸر كٶتەرٸلگەن مەسەلە – ماڭىزدى. بۇل جاي مەسەلە ەمەس. بٸزگە دە, وسى بٷگٸنگٸ جينالىسقا قاتىسىپ وتىرعان ەرٸپتەستەرٸمٸزگە, پارلامەنت دەپۋتاتتارىنا. بۇل ەلدٸڭ دەنساۋلىعىن ارتتىرۋعا اتقارىلىپ جاتقان جۇمىس. بۇل جاي زاڭ ەمەس, بۇل ەلدٸڭ بولاشاق دەنساۋلىعى تۋرالى زاڭ. مامانداردىڭ دەرەگٸنشە, ۆاكتسيناتسييادان باس تارتاتىندار كٶپ جاعدايدا جالعان, نەگٸزسٸز اقپاراتتىڭ جەتەگٸندە كەتكەندەر.
"ەكپەلەرگە قاتىستى تەرٸس كٶزقاراستى قالىپتاستىرۋدىڭ ٶزٸ قولدان قاساقانا جاسالعان امال", - دەيدٸ ەلٸمٸزدٸڭ باس سانيتار دەرٸگەرٸ.
جانداربەك بەكشين, قوعامدىق دەنساۋلىق ساقتاۋ كوميتەتٸنٸڭ تٶراعاسى:
- ەكپەگە قارسى كومپانيياعا ٷلكەن فارمكومپانييالاردىڭ تٸزگٸنٸن ۇستاعان ادامدار ارنايى تاپسىرىس بەرەدٸ. مۇنداي دەرەكتەردٸڭ حالىقارالىق دەڭگەيدە 57 پايىزى دەلەلدەنگەن. نەگە دەسەڭٸزدەر, ەكپەنٸڭ ارقاسىندا تالاي ۆيرۋستىق دەرتتٸڭ الدىن الۋعا بولادى. بۇل دەر-دەرمەكتٸڭ ساۋداسى توقىرايدى دەگەن سٶز.
رەسمي دەرەكتەر بويىنشا, قىزىلشا دەرتٸنەن, بيىل 21 ادام كٶز جۇمعان.
سونىڭ 19-نا اتالعان ۆيرۋسقا قارسى ەكپە جاسالماعان بوپ شىقتى. قىزىلشادان قايتىس بولعانداردىڭ باسىم كٶپشٸلٸگٸ – بالالار. سوندىقتان جاڭا كودەكس بويىنشا ەندٸ مەكتەپكە دەيٸنگٸ جاستاعى بالالاردى ۆاكتسيناتسييالاۋ مٸندەتتٸ تالاپ بولماق.
