سوڭعى كٷندەرٸ ەلەۋمەتتٸك جەلٸلەردە استاناداعى تانىمال سۋپەرماركەتكە قاتىستى بولعان تٸل مەسەلەسٸنە قاتىستى جانجال قوعامدا ٷلكەن رەزونانس تۋدىردى. وسى وقيعا اياسىندا جۋرناليست بيبٸگٷل دەۋلەتبەكقىزى وقۋ-اعارتۋ مينيسترٸ عاني بەيسەمباەۆقا ٷندەۋ جارييالاپ, شەنەۋنٸكتەردٸڭ ٷنسٸزدٸگٸنە اشىق نارازىلىق بٸلدٸردٸ, دەپ حابارلايدى Dalanews.kz.
“عاني بەيسەمباەۆ, سٸز ٶزٸ بارسىز با بۇل ەلەمدە?” دەيدٸ جۋرناليست. ول بۇل وقيعانىڭ جاي عانا تۇرمىستىق جانجال ەمەس, مەملەكەتتٸك دەڭگەيدەگٸ مەسەلە ەكەنٸن العا تارتادى. ونىڭ ايتۋىنشا, قازاق تٸلٸن تالاپ ەتكەنٸ ٷشٸن جۇمىسىنان ايىرىلعان قاراپايىم كۋرەردٸڭ تاعدىرى مەن وقۋشى تەربيەلەپ وتىرعان مۇعالٸمنٸڭ ەرەكەتٸ – مينيسترلٸك نازارىنان تىس قالماۋى تيٸس.
“شۋدى باستاعان – مەكتەپتە ساباق بەرەتٸن مۇعالٸم. اتى-جٶنٸ – اسىلحان اليمحانوۆيچ. ەلٸمحانۇلى ەمەس – اليمحانوۆيچ”, – دەپ جازادى بيبٸگٷل دەۋلەتبەكقىزى.
جۋرناليستتٸڭ ايتۋىنشا, وقيعا بارىسىندا كۋرەر جاي عانا “قازاقشا سٶيلەسەڭٸز جاقسى بولار ەدٸ” دەپ ٶتٸنٸش بٸلدٸرگەن. ال بۇل سٶز مۇعالٸم تاراپىنان اگرەسسييا رەتٸندە قابىلدانىپ, ارتىنشا داۋعا ۇلاسقان.
“جاي عانا تٸلٸن قورعاعىسى كەلگەن اۋىل قازاعى جۇمىستان قۋىلدى. جاسى – 38-دە. كٶپبالالى ەكە. جاقىندا جۇبايى بوسانۋى كەرەك. ال مۇعالٸم TikTok-تا كٷندە سۋرەت سالىپ وتىر. كەشٸرٸم سۇراۋ, ٶكٸنٸش – جوق. تاڭداۋ ٶزٸمدە دەيدٸ” – دەيدٸ جۋرناليست.
مينيستر بەيسەمباەۆ نەگە ٷنسٸز? جۋرناليست بۇل جاعدايعا مينيستر عاني بەيسەمباەۆتىڭ پٸكٸر بٸلدٸرمەۋٸن قاتاڭ سىنعا الادى.
“اسحات ايماعامبەتوۆ مۇنداي كەزدە ٷنسٸز قالمايتىن. حەللوۋين ٶتكٸزٸلدٸ دەسە, سول كٷنٸ توقتاتاتىن. Facebook پاراقشاسىنان حالىقپەن كەرٸ بايلانىس ورناتاتىن. ال قازٸرگٸ مينيستردٸڭ پاراقشاسىن اقتارسام – بەرٸ تاماشا, ٶمٸر كەرەمەت. اتىراۋدا كٶك تۋىمىزدى قورلاعان حيدجابتاعى وقۋشى قىز تۋرالى دا, سەمەيدە تاياق جەگەن جەتٸم بالا جايلى دا بٸر اۋىز سٶز جوق”, – دەيدٸ اۆتور.
جۋرناليست مينيستردٸڭ ەلەۋمەتتٸك جەلٸدە حالىقپەن اشىق بايلانىس ورناتپاعانىن اتاپ ٶتٸپ, ونى "بۇقارامەن ٷزٸلٸپ قالعان ديالوگ" دەپ باعالايدى.
جۋرناليست "انا تٸلٸندە سٶيلەۋدٸ سۇراعان ازاماتتى جۇمىسىنان ايىرعان ۇستازدان شەكٸرت نە ٷيرەنەدٸ?" دەيدٸ.
“ٶز انا تٸلٸ ٷشٸن ارانداتۋشىلىق جاسايتىن مۇعالٸمنەن قانداي ۇرپاق ٶسەدٸ? بۇل سۇراققا مينيسترلٸك تە, قوعام دا جاۋاپ بەرۋٸ كەرەك”, – دەيدٸ بيبٸگٷل دەۋلەتبەكقىزى.
جۋرناليست مينيستر بەيسەمباەۆقا كەڭەسشٸ بولۋعا ەزٸر ەكەنٸن, ەگەر قاجەت بولسا, ەلەۋمەتتٸك جەلٸدەگٸ قاتىناس, كوممۋنيكاتسييا مەن شەشەندٸك باعىتىندا كٶمەكتەسۋگە دايىن ەكەنٸن دە ەزٸل-شىنى ارالاس جەتكٸزدٸ.
كونتەكست
ەلەۋمەتتٸك جەلٸلەردە Magnum سۋپەرماركەتتەر جەلٸسٸنٸڭ كۋرەرٸنٸڭ جۇمىستان شىعارىلۋى قوعامدا ٷلكەن تالقىعا تٷستٸ. بۇل جاعداي كۋرەردٸڭ كليەنتتەن قازاق تٸلٸندە سٶيلەۋٸن سۇراۋىنان كەيٸن بولعان.
كليەنت اسىلحان ەسٸمدٸ ازاماتتىڭ ايتۋىنشا, ول Magnum-نان ازىق-تٷلٸككە تاپسىرىس بەرگەن كەزدە, كۋرەر ودان قازاقشا سٶيلەۋدٸ تالاپ ەتكەن. كەيٸن بۇل وقيعا ەلەۋمەتتٸك جەلٸدە جارييالانىپ, نەتيجەسٸندە كۋرەر جۇمىستان قۋىلعان.
بۇل جاعداي قوعامدا ٷلكەن نارازىلىق تۋدىردى. كٶپتەگەن قازاقستاندىقتار Magnum جەلٸسٸنە بويكوت جارييالايتىنىن مەلٸمدەدٸ. ەلەۋمەتتٸك جەلٸ قولدانۋشىلارى كومپانييانىڭ ەرەكەتٸن سىنعا الىپ, مەملەكەتتٸك تٸلگە دەگەن قۇرمەتتٸڭ تٶمەندٸگٸن اتاپ ٶتتٸ.
