استانا سوتى جۋرناليست بوتاگٶز وماروۆاعا قاتىستى بۇلتارتپاۋ شاراسىن تاڭداپ, ونى ەكٸ اي مەرزٸمگە ٷيقاماققا جٸبەردٸ. ٸس «كٶرٸنەۋ جالعان اقپارات تاراتۋ» بابى بويىنشا تەرگەلٸپ جاتىر, دەپ حابارلايدى Dalanews.kz
بۇل تۋرالى «قۇقىقتىق مەديا ورتالىعىنىڭ» زاڭگەرٸ ديانا وكرەموۆا حابارلادى. ونىڭ ايتۋىنشا, استانا قالالىق پوليتسييا دەپارتامەنتٸ اتالعان باپ بويىنشا سوتقا دەيٸنگٸ تەرگەۋ امالدارىن جٷرگٸزۋدە.
"و.ب ەسٸمدٸ ازاماتتىڭ ارىزى بويىنشا كٶرٸنەۋ جالعان اقپارات تاراتۋ بەلگٸلەرٸ بويىنشا سوتقا دەيٸنگٸ تەرگەۋ تٸركەلدٸ. تەرگەۋ اياسىندا ودان جاۋاپ الۋ ٷشٸن پوليتسيياعا شاقىرىلدى جەنە ونىڭ قاتىسۋىمەن تەرگەۋ امالدارى جٷرٸپ جاتىر",- دەپ جازىلعان پوليتسييا حابارلاماسىندا.
قازٸرگٸ ۋاقىتتا بوتاگٶز وماروۆا ٸس بويىنشا قورعانۋعا قۇقىعى بار كۋەگەر مەرتەبەسٸندە ٶتٸپ جاتىر. ونىڭ مٷددەسٸن ادۆوكات اسەل توكاەۆا قورعاۋدا.
رەسمي ورگاندار جۋرناليستٸڭ ناقتى قاي ماتەريالىنا قاتىستى تەرگەۋ جٷرگٸزٸلٸپ جاتقانىن جارييالاعان جوق. الايدا كەي دەرەكتەرگە سٷيەنسەك, ٸس وماروۆانىڭ قۇرىلىس سالاسىنداعى جۇمىسشىلاردىڭ جالاقى مەسەلەسٸنە قاتىستى جارييالانىمدارىمەن بايلانىستى بولۋى مٷمكٸن. اتالعان جۇمىسشىلار ٶز ەڭبەكاقىسىن الا الماعانىن ايتىپ, بۇقارالىق اقپارات قۇرالدارىنا جٷگٸنگەن.
جۋرناليستەر قاۋىمى بۇل جاعدايعا بەيجاي قاراماي, ەلوردادا بوتاگٶز وماروۆانىڭ ٷيٸنٸڭ الدىنا جينالىپ, ەرٸپتەستەرٸنە قولداۋ بٸلدٸردٸ.
جۋرناليست اينۇر كوسكينا بولعان جاعدايعا قاتىستى الاڭداۋشىلىق بٸلدٸردٸ.
«نە بولىپ جاتقانىن ناقتى بٸلمەيمٸز. ادۆوكاتتان تەك 274-باپ بويىنشا ارىز تٷسكەنٸن ەستٸدٸك. پوليتسييا تاراپىنان ٶتە قىسقا عانا جاۋاپ بەرٸلدٸ. وسى باپتى پايدالانىپ, جۋرناليستەردٸڭ كەسٸبي قىزمەتٸنە كەدەرگٸ كەلتٸرۋ ەرەكەتٸ بولۋى مٷمكٸن دەگەن كٷمەن بار», – دەدٸ ول.
ال جۋرناليست باقىتنۇر ەلٸباي اتالعان باپتى قايتا قاراۋ قاجەتتٸگٸن اتاپ ٶتتٸ. ونىڭ پٸكٸرٸنشە, 274-باپ جۋرناليستەر مەن ازاماتتىق قوعام بەلسەندٸلەرٸنٸڭ جۇمىسىنا كەدەرگٸ كەلتٸرەدٸ.
«بۇل تەك بوتاگٶز وماروۆاعا قارسى شارا ەمەس, جالپى قازاقستاندىق جۋرناليستيكا مەن ازاماتتىق قوعامعا ەسەر ەتەتٸن جاعداي», – دەدٸ ول.
جۋرناليست بوتاگٶز يسكاكوۆا دا ەرٸپتەسٸنٸڭ كەسٸبي دەڭگەيٸن اتاپ ٶتتٸ. ونىڭ ايتۋىنشا, وماروۆا قوعام ٷشٸن ماڭىزدى مەسەلەلەردٸ كٶتەرٸپ جٷرگەن تەجٸريبەلٸ جۋرناليست.
