مينيستر: «60 مىڭ ايلىقپەن بٸلٸم ساپاسىن كٶتەرە المايسىڭ»
– مەملەكەت باسشىسى بٸلٸم بەرۋ ساپاسىن ارتتىرۋ جەنە پەداگوگتاردى قولداۋ جٶنٸندە تاپسىرما بەردٸ. وسى تاپسىرما اياسىندا مينيسترلٸك مەملەكەتتٸك جوو رەكتورلارىنا وقىتۋشىلاردىڭ ەڭبەكاقىسىن 2020 جىلدىڭ 10 قاڭتارىنا دەيٸن 30-دان 50%-عا دەيٸن ارتتىرۋ مٸندەتٸن جٷكتەدٸ. بۇل شەشٸمنٸڭ ناقتى نەگٸزٸ بار, – دەپ جازدى ايماعامبەتوۆ.
مينيستردٸڭ ايتۋىنشا, جوعارى وقۋ ورىندارىنىڭ بيۋدجەتٸنە تالداۋ جاسالدى. سونىڭ نەتيجەسٸندە وقىتۋشىلاردىڭ جالاقىسىن كٶتەرۋ ٷشٸن قاجەتتٸ قور بار ەكەنٸ انىقتالدى.
– بٷگٸندە بٸرقاتار جوعارى وقۋ ورنىنىڭ وقىتۋشىلارى 60-70 مىڭ تەڭگە كٶلەمٸندە جالاقى الادى. مۇنداي ساياساتپەن بٸلٸم ساپاسىن تالاپ ەتۋ مٷمكٸن ەمەس. ەۋرازييا ۇلتتىق ۋنيۆەرسيتەتٸ, كاسپيي ۋنيۆەرسيتەتٸ مەن تاراز پەداگوگيكالىق ۋنيۆەرسيتەتٸ سيياقتى جوعارى وقۋ ورىندارى جالاقىنى قازٸردٸڭ ٶزٸندە كٶتەرە باستادى. قالعان مەملەكەتتٸك جوو مەنٸڭ تاپسىرمامدى مٸندەتتٸ تٷردە ورىنداۋى تيٸس, – دەدٸ ايماعامبەتوۆ.
بۇدان بٶلەك, مينيستر عىلىمي ەليتانى قولداۋ ماقساتىندا جوعارى وقۋ ورىندارىندا جۇمىس ٸستەيتٸن اكادەميكتەرگە قوسىمشا اقى تٶلەۋ قاجەتتٸگٸن ەسكە سالدى. وعان مەملەكەتتٸك بيۋدجەتتەن قوسىمشا قاراجات بٶلۋدٸڭ دە قاجەتٸ جوق. مۇنى قولدا بار قارجىمەن شەشۋگە بولادى. بولاشاقتا جاس عالىمداردى قولداۋ تەتٸكتەرٸ دە قاراستىرىلاتىن بولادى.
