Ministr: «60 myń ailyqpen bilim sapasyn kótere almaisyń»
– Memleket basshysy bilim berý sapasyn arttyrý jáne pedagogtardy qoldaý jóninde tapsyrma berdi. Osy tapsyrma aiasynda ministrlik memlekettik JOO rektorlaryna oqytýshylardyń eńbekaqysyn 2020 jyldyń 10 qańtaryna deiin 30-dan 50%-ǵa deiin arttyrý mindetin júktedi. Bul sheshimniń naqty negizi bar, – dep jazdy Aimaǵambetov.
Ministrdiń aitýynsha, joǵary oqý oryndarynyń biýdjetine taldaý jasaldy. Sonyń nátijesinde oqytýshylardyń jalaqysyn kóterý úshin qajetti qor bar ekeni anyqtaldy.
– Búginde birqatar joǵary oqý ornynyń oqytýshylary 60-70 myń teńge kóleminde jalaqy alady. Mundai saiasatpen bilim sapasyn talap etý múmkin emes. Eýraziia ulttyq ýniversiteti, Kaspii ýniversiteti men Taraz pedagogikalyq ýniversiteti siiaqty joǵary oqý oryndary jalaqyny qazirdiń ózinde kótere bastady. Qalǵan memlekettik JOO meniń tapsyrmamdy mindetti túrde oryndaýy tiis, – dedi Aimaǵambetov.
Budan bólek, ministr ǵylymi elitany qoldaý maqsatynda joǵary oqý oryndarynda jumys isteitin akademikterge qosymsha aqy tóleý qajettigin eske saldy. Oǵan memlekettik biýdjetten qosymsha qarajat bólýdiń de qajeti joq. Muny qolda bar qarjymen sheshýge bolady. Bolashaqta jas ǵalymdardy qoldaý tetikteri de qarastyrylatyn bolady.
