قاراعاندى وبلىسىندا ءىرى ەسىرتكى زەرتحاناسى جويىلدى، دەپ حابارلايدى Dalanews.kz.

شاحتينسك قالاسىنا قاراستى سيەۆەرو-زاپادنىي كەنتىنىڭ اۋماعىندا ورنالاسقان جاسىرىن زەرتحانانىڭ قىزمەتى توقتاتىلدى. وندا سينتەتيكالىق ەسىرتكى وندىرىلگەن.

زاڭسىز اينالىمنان 6 تونناعا جۋىق پرەكۋرسور مەن 35 كەلى دايىن پسيحوتروپ زات تاركىلەندى. بۇل - 1 ميلليوننان اسا دوزاعا تەڭ، ياعني وسى مولشەردە ۋلى زات قارا نارىققا شىعارىلۋى مۇمكىن ەدى.

وپەراسيا بارىسىندا شاحتينسك قالاسىنىڭ 27 جانە 29 جاستاعى ەكى تۇرعىنى ۇستالدى. ءتىنتۋ كەزىندە ولاردىڭ تۇرعىلىقتى جەرىنەن 355 كانيستر حيميالىق زات، ونداعان زەرتحانالىق قۇرىلعىلار (سورعىش جۇيەلەر، يندۋكسيالىق پليتالار، رەسپيراتورلار جانە ارنايى تەحنيكالار)، سونداي-اق، قىلمىستىق ماقساتتا پايدالانىلعان دەپ بولجانعان ءۇش كولىك تاركىلەندى.

"بۇل - وڭىردە انىقتالعان ەڭ ءىرى ەسىرتكى زەرتحانالارىنىڭ ءبىرى. مىڭداعان ادامنىڭ ءومىرى مەن دەنساۋلىعىنا تونگەن ءقاۋىپتىڭ جولى كەسىلدى"، - دەپ مالىمدەدى قاراعاندى وبلىستىق پوليسيا دەپارتامەنتىنىڭ باستىعى نەگمەت ىسماعۇلوۆ.

قازىرگى تاڭدا كۇدىكتىلەر ۋاقىتشا ۇستاۋ يزولياتورىنا قامالدى. قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر.