ميللياردتارىنان ايىرىلعان بورانبايەۆ كاسىبىن قايتارۋعا دامەلى

كوركەم الدابەرگەنوۆا 05 ناۋ. 2024 13:55 4048

كاسىپكەر قايرات بورانبايەۆ McDonald's فاستفۋد جەلىسىن قازاقستانعا قايتارعىسى كەلەدى. بۇل تۋرالى بورانبايەۆ استاناداعى پاراليمپيادالىق دايىندىق ورتالىقتا جۋرناليستەردىڭ سۇراعىنا جاۋاپ بەرۋ بارىسىندا ايتتى، - دەپ حابارلايدى Dalanews.kz.

"ەگەر McDonald’s قازاقستانعا ورالعىسى كەلسە ونى ويلاستىرامىز. بۇل برەند قازاقستاندا تانىمال. سەگىز جىلدىڭ ىشىندە كوپ نارسەنى ۇيرەندىك، ارنايى ستاندارتتاردى ساقتادىق. ارينە، McDonald’s قازاقستانعا ورالعانىن قالار ەدىك، ول ءۇشىن ازداعان ۋاقىت قاجەت"، - دەيدى بورانبايەۆ.   

ونىڭ سوزىنشە، فاستفۋد جەلىسىنىڭ قازاقستاندىق فرانشيزاسى لوگيستيكا بويىنشا ماسەلەلەر تۋىنداعاندىقتان جابىلىپ قالعان. سەبەبى مەيرامحاناعا قاجەت بارلىق ءونىم رەسەيدەن تاسىمالداناتىن كورىنەدى. 

ايتا كەتەيىك،2022 جىلى شىلدەدە قازاقستاندا McDonald's مەيرامحانالارى جابىلعان بولاتىن. قازاقستاندا 23 McDonald's مەيرامحاناسى جۇمىس ىستەپ ۇرعان. ولار 6 قالادا ورنالاسقان. فاستفۋد جەلىسىنىڭ قازاقستانداعى جانە بەلارۋستەگى فرانشيزاسى قايرات بورانبايەۆقا تيەسىلى بولعان. 

سونىمەن قاتار، بىلتىر قايرات بورانبايەۆ مەملەكەتكە 90 ميللياردتىڭ مۇلكىن قايتارعانى بەلگىلى بولدى. 


ۇسىنىلعان
سوڭعى جاڭالىقتار
x