Kásipker Qaırat Boranbaev McDonald's fastfýd jelisin Qazaqstanǵa qaıtarǵysy keledi. Bul týraly Boranbaev Astanadaǵy Paralımpıadalyq daıyndyq ortalyqta jýrnalıserdiń suraǵyna jaýap berý barysynda aıtty, - dep habarlaıdy Dalanews.kz.

"Eger McDonald’s Qazaqstanǵa oralǵysy kelse ony oılastyramyz. Bul brend Qazaqstanda tanymal. Segiz jyldyń ishinde kóp nárseni úırendik, arnaıy standarttardy saqtadyq. Árıne, McDonald’s Qazaqstanǵa oralǵanyn qalar edik, ol úshin azdaǵan ýaqyt qajet", - deıdi Boranbaev.   

Onyń sózinshe, fastfýd jelisiniń qazaqstandyq franshızasy logıstıka boıynsha máseleler týyndaǵandyqtan jabylyp qalǵan. Sebebi meıramhanaǵa qajet barlyq ónim Reseıden tasymaldanatyn kórinedi. 

Aıta keteıik,2022 jyly shildede Qazaqstanda McDonald's meıramhanalary jabylǵan bolatyn. Qazaqstanda 23 McDonald's meıramhanasy jumys istep urǵan. Olar 6 qalada ornalasqan. Fastfýd jelisiniń Qazaqstandaǵy jáne Belarýstegi franshızasy Qaırat Boranbaevqa tıesili bolǵan. 

Sonymen qatar, byltyr Qaırat Boranbaev memleketke 90 mıllıardtyń múlkin qaıtarǵany belgili boldy.