قازاقستاننىڭ كٶرنەكتٸ جازۋشىسى, مارقۇم مۇحتار ماعاۋين كٶزٸ تٸرٸسٸندە بەرگەن سوڭعى سۇحباتىندا ەلدٸ 30 جىل باسقارعان ەكس-پرەزيدەنت نۇرسۇلتان نازارباەۆتىڭ بيلٸگٸنە قاتتى سىن ايتتى.
بۇل تۋرالى Dalanews.kz پورتالى حابارلادى. جازۋشى سۇحباتتى جۋرناليست جانار بايسەمٸزگە بەرگەن.
ماعاۋيننٸڭ ايتۋىنشا, نازارباەۆ باستاعان ٷكٸمەت “قازاقتى رۋحاني جانشىدى”, "ەلدٸ يەسٸز, جەردٸ جەتٸم” ەتٸپ قالدىردى. ول تٷرلٸ دٸندەر مەن كونتسەپتسييالاردىڭ تىم ۇلعايىپ, ۇلتتىق بولمىسقا ىقپال ەتكەنٸن سىنعا الادى. “30 جىل دالاعا كەتتٸ” دەگەن جازۋشى, قازاق حالقى سول كەزەڭدە بيلٸكتٸڭ قارسىلىعىنا قاراماستان تابيعي جولمەن كٶبەيگەنٸن اتاپ ٶتكەن.
"قازاق جاعالاسىپ وتىرىپ كٶبەيدٸ. قازاق ەيەلدەرٸنٸڭ بالاجاندىعى سونشا, تۋۋ مەن ٶسۋ توقتامادى. تەۋەلسٸزدٸك العان جىلدارى قازاقتىڭ سانى التى ميلليونعا جەتتٸ. قازٸر 14 ميلليونعا جەتتٸ”, – دەدٸ جازۋشى.
قالامگەر ٶز سٶزٸندە شەتەلدەن ورالعان قانداستارعا قاتىستى ساياساتتىڭ جەتكٸلٸكتٸ دەڭگەيدە قولداۋ تاپپاعانىن جاسىرماي ايتادى.
ماعاۋيننٸڭ پٸكٸرٸنشە, سىرتتا جٷرگەن قازاقتاردىڭ قۇجات رەسٸمدەۋدە تٷرلٸ كەدەرگٸلەرگە ۇشىراۋى – “قازاقتىڭ كەلۋٸن بولدىرماۋ ٷشٸن جاسالعان” ەرەكەت. مەسەلەن, قىتايدان سوتتالماعانى تۋرالى قاعاز تالاپ ەتكەندە, بۇل قۇجاتتىڭ ول ەلدە مٷلدە بەرٸلمەيتٸنٸ بەلگٸلٸ بولعان.
"نازارباەۆتىڭ ٷكٸمەتٸ, قويعان ادامدارى تالاي ادامدى جەكسۇرىن قىلدى. "كەلە بەرٸڭدەر" دەيدٸ دە, جٷز تٷرلٸ بٶگەت ويلاپ تاپتى. قۇجاتىن الا الماي جىلداپ جٷرەدٸ. بولمايتىن, قيسىنى جوق قۇجات سۇرادى. قىتايدان سوتتالماعانى جايلى قۇجات سۇرادى. قىتايدا ونداي بەرمەيدٸ. وسىنىڭ بارلىعى – قازاقتى كەلتٸرمەۋ ٷشٸن نازارباەۆتىڭ ويلاپ تاپقانى. قازاق كٶبەيمەۋ كەرەك, كٶتەرسە, كەۋدەسٸن كٶتەرۋٸ مٷمكٸن”, – دەدٸ ول.
مۇحتار ماعاۋين 10 قاڭتاردا 85-كە قاراعان شاعىندا اۆتورى قايتىس بولدى. جازۋشىنىڭ دٷنيەدەن ٶتكەنٸن ونىڭ ۇلى ەدٸگە ماعاۋين Facebook-تەگٸ پاراقشاسىندا حابارلاعان ەدٸ.
"ارىستان ەكەم فەنيدەن باقيعا اتتانىپ كەتتٸ, اقش-تىڭ مەريلەند شتاتىنداعى ٷيٸندە, بالا-شاعاسىنىڭ ورتاسىندا, 2025 جىلعى قاڭتاردىڭ 9-ى, جەرگٸلٸكتٸ ۋاقىت بويىنشا ساعات 19:55-تە (قازاقستان ۋاقىتى بويىنشا قاڭتاردىڭ 10-ى, ساعات تاڭعى 5:55)" دەپ جازعان بولاتىن ەدٸگە ماعاۋين.
