بەلگٸلٸ دەرٸگەر, كەزٸندە دٸنمۇحامەد قوناەۆ, اسانباي اسقاروۆ سەكٸلدٸ قايراتكەرلەردٸڭ قاسىندا جٷرگەن مٷسٸلٸم دايىربەكوۆ Ashyq podcast YouTube-ارناسىنا بەرگەن سۇحباتىندا 12 جىل نەگە تٷرمەدە وتىرعانىن ايتتى, - دەپ حابارلايدى Dalanews.kz.
مەملەكەتتٸك قاۋٸپسٸزدٸك كوميتەتٸ مٷسٸلٸم دايىربەكوۆتٸڭ ارتىنا تٷسكەن. ونىڭ سٶزٸنشە, تاققان ايىپتارى اسقاروۆپەن اراداعى بايلانىس بولعان.
"اسقاروۆتىڭ ٷيٸندە بولادى, اسقاروۆتىڭ اعايىنى, سونىڭ ادامى, سونى ۇستاساق, بٸراز ايىبىن اشادى" دەگەن بولۋى كەرەك. اسانباي اسقاروۆ تۋرالى كٶپ سۇراقتار بەردٸ, قينادى. مەن نەگٸزٸندە ول تۋرالى ەشتەڭە بٸلمەيمٸن. بٸلسەم دە ايتپاس ەدٸم. ولار بٸردەڭە تابامىز دەدٸ. مەن 5 جارىم جىل وتىردىم. كەيٸن ولار (ٸستٸ - ەسك.) قايتا قارادى. جوعارى سوت وتىرعىزاتىنداي ەشتەڭە جاساماعانىمدى كٶردٸ. ودان كەيٸن ٶزدەرٸ سوتتاۋعا ۇيالدى. كەيٸن قىرعىزستانعا بەرٸپ جٸبەردٸ. مەنٸڭ ٸسٸمدٸ تاتار ەيەل قارادى. كٶپ جىل وتىرعىزعاننان كەيٸن ٶزدەرٸنە سٶز كەلمەس ٷشٸن قىرعىزعا بەرە سالادى. قىرعىزدار تەكسەردٸ, مەنٸ تازا قىلىپ شىعاردى. بەس-التى وردەنٸم بار ەدٸ, بەرٸن قايتارىپ بەردٸ, ٸستەگەن قىزمەتٸمە قايتارىپ ەكەپ قويدى. قايتا باس دەرٸگەر بولدىم", - دەپ ەڭگٸمەلەدٸ ول.
اسانباي اسقاروۆ كٶرنەكتٸ مەملەكەت, ساياسات جەنە قوعام قايراتكەرٸ بولعان. ٶز زامانىندا الماتى, جامبىل جەنە شىمكەنت وبلىستارى پارتييا كوميتەتتەرٸنٸڭ بٸرٸنشٸ حاتشىسى قىزمەتتەرٸن اتقارعان.
مٷسٸلٸم دايىربەكوۆتٸڭ ٸسٸنە 16 تەرگەۋشٸ تارتىلعان ەكەن, تٸپتٸ جەتەۋٸ مەسكەۋدەن شاقىرىلعان. كەزٸندە ٸرٸ تۇلعالاردىڭ كٶزٸن كٶرگەن دەرٸگەردٸڭ سٶزٸنشە, قاۋٸپسٸزدٸك كوميتەتٸ مٷشەلەرٸ "قوناەۆقا, اسقاروۆقا بەلە جاپ, تاعىلعان ايىپتى الىپ تاستايمىز" دەپ قورقىتقان.
"ونى بٸرنەشە رەت ايتتى. بەكەجانوۆتى دا ايتتى. بەكەجانوۆپەن قارىم-قاتىناسىم بولدى. ول تازا جٸگٸت, ٶتە جاقىن قاتىناستا بولماسام دا ازامات ەكەنٸن بٸلەمٸن. شىنىندا ەشتەڭە بٸلمەيتٸنمٸن. كٶپ سۇراعانى - قوناەۆ پەن اسقاروۆ تۋرالى. "سولاردى ۇستاۋ ٷشٸن بٸردەڭە تاۋىپ بەر" دەيدٸ. ودان كەيٸن ولار ماعان اشۋلاندى. مەنٸ 12 جىلعا سوتتادى. مەسكەۋدە وتىردىم. باياعى اناۋ قازاقتىڭ زييالىلارىن اتقان تٷرمە بار عوي. لەفورتوۆو دەيدٸ. باسقا ۇلتتار تٷرمەسٸندە دە وتىردىم. ٶلسەم ٶلٸپ كەتەيٸن, بٸراق ەركەك بولىپ ٶلەيٸن دەگەن - ٶزٸمنٸڭ مٸنەزٸم. مەن جاۋىمدى دا ساتقان جوقپىن. يتتٸك جاساعاندار بولدى. بٸر ادامدى جامانداعان جوقپىن. اشۋلانعانى سونشا 12 جىل بەردٸ. ودان كەيٸن قايتا جازدىم, قايتا تەكسەردٸ. مەسكەۋدٸڭ ٶزٸ قايتا تەكسەرٸپ, ٶزدەرٸ بٸلدٸ. قىرعىزدان تازا بولىپ شىقتىم", - دەيدٸ ول.
ونىڭ بۇل ٸسٸنە قوناەۆ جىلى قاباق تانىتىپ, ەرەكشە ريزا بولىپتى.
"ديمەكەڭ "سەنٸڭ كٸم تۋرالى, نە تۋرالى ايتقانىڭ, مەن تۋرالى قالاي جاۋاپ بەرگەنٸڭ, اسقاروۆ تۋرالى قانداي سۇراقتار بەرگەنٸ - بارلىعىن بٸلەمٸن" دەدٸ. "ەركەكشە جاۋاپ بەرٸپسٸڭ, قاتتى ريزا بولدىم. بٸراق جٸگٸتتەردٸڭ كٶبٸ بٸر سٶزگە كەلمەي سىنىپ قالدى. سەن وندايعا بارعان جوقسىڭ" دەدٸ. كٶبٸ بٸر-بٸرٸن ساتقان, - دەدٸ دايىربەكوۆ.
سونداي-اق, نازارباەۆ پەن قوناەۆتىڭ اراقاتىناسى تۋرالى دا ەڭگٸمەلەدٸ.
"قاسىندا ٶزٸنٸڭ بالاسىنداي بولىپ جٷردٸ. بۇرىلىپ كەتەتٸنٸن بٸلگەن جوق, ديمەكەڭ ٷلكەن سەنٸممەن قارادى. بٸراق سەنٸمٸن اقتادى ما, اقتامادى ما, ەل بٸلەدٸ", - دەپ قىسقا قايىردى ول بۇل جٶنٸندە.
مٷسٸلٸم دايىربەكوۆ ورتالىق كلينيكالىق اۋرۋحانانىڭ باس دەرٸگەرٸنٸڭ ورىنباسارى, قالالىق ستوماتولوگييالىق ەمحانانىڭ باس دەرٸگەرٸ قىزمەتتەرٸن اتقارعان. قوناەۆتىڭ كٶزٸنە تٷسكەن ول بٸراز جىلعا سوتتالىپ كەتسە دە كەيٸن بۇل جەردەگٸ قىزمەتتەرٸن قايتارىپ العان.
