سوڭعى كٷندەرٸ مارقۇم شەرزات بولاتتىڭ ەكەسٸ قارجاۋباي نۇرمانوۆتىڭ بەت-ەلپەتٸندەگٸ ٶزگەرٸس جۇرتتىڭ نازارىن اۋدارا باستادى. ەلەۋمەتتٸك جەلٸدەگٸ ۆيدەو-سۋرەتتەرٸنەن ونىڭ كٶزٸ كٶگەرٸپ, مۇرنى قيسايعانىن بايقاۋعا بولادى. كٶپشٸلٸكتٸ الاڭداتقان وسى سۇراققا نۇرمانوۆتىڭ قارىنداسى جاۋاپ بەردٸ, دەپ حابارلايدى Dalanews.kz.
پەريزات نۇرىموۆانىڭ سٶزٸنشە, قاندى وقيعا بولعان كٷنٸ اعاسى كٶزٸنەن جاراقات العان.
“بٸرٸنشٸدەن, سۋرەتكە تٷسكەندە دۇرىس راكۋرس ۇستالماي قالعان, ەكٸنشٸدەن, ونىڭ مۇرنى بۇرىننان قيسىق ەدٸ. دەگەنمەن, وقيعا بولعان كٷنٸ, دٷكەننەن قاشقان كەزدە بەتٸنە بٶتەلكە تيگەن. قازٸر سٸزدەر بەتٸندەگٸ ٸسٸگٸ قايتقان تٷرٸن كٶرٸپ جٷرسٸزدەر عوي, ونىڭ بەتٸ بٸراق ٸسٸپ كەتكەن سۋرەتٸ بار. بەت-ەلپەتٸندە سول جاراقاتتان قالعان كٶگەرگەن ٸزدەرٸ ەلٸ تۇر” – دەدٸ پەريزات نۇرىموۆا Ulysmedia.kz اگەنتتٸگٸنە بەرگەن جاۋابىندا.
ول بەلگٸلەردٸڭ بۇعان دەيٸن بايقالماۋىن دۇرىس تٷسٸرٸلمەگەن سۋرەتتەرمەن بايلانىستىردى.
“ٶرت بولعان كٷندەرٸ دە سونداي بولعان. فوتوعا جوعارىدان تٷسٸرگەندٸكتەن, بايقالماعان بولۋى مٷمكٸن. ال مۇرىنى بۇرىن, ٷيدە ەينەك قويىپ جاتقان كەزدە, ەينەك قۇلاپ كەتكەن. سودان سىنعان. ودان كەيٸن ەشقانداي جاراقات, ەشقانداي كٷش كٶرسەتۋ بولعان جوق” – دەپ تٷسٸندٸردٸ قارجاۋبايدىڭ قارىنداسى Ulysmedia.kz-كە.
ەسكە سالايىق, بۇعان دەيٸن تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم كٶز جۇمدى. جانجال جٸگٸتتٸڭ وتباسى جالعا الاتىن دٷكەننەن باستالعان. تۋىستارىنىڭ ايتۋىنشا, ساۋدا نٷكتەسٸنە كەلگەن ساتىپ الۋشى سىرا الىپ, اقشاسىن تٶلەۋدەن باس تارتقان. وسى جاعدايدان كەيٸن تٶبەلەس باستالعان.
كەمەلەتكە تولماعان بالانى ٶلتٸرۋ فاكتٸسٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى.
قازٸرگٸ تاڭدا كٸنەلٸ دەپ تانىلعان 7 ادام ۇستالىپ, ۋاقىتشا ۇستاۋ يزولياتورىنا قاماۋعا الىنعان.
ال 15 قازاندا ٸشكٸ ٸستەر ۆيتسە-مينيسترٸ تاعى ٷش كٷدٸكتٸنٸ ۇستاعانىن مەلٸم ەتتٸ.
سونىمەن قاتار, الماتى وبلىستىق پوليتسييا دەپارتامەنتٸ باستىعىنىڭ مٸندەتٸن اتقارۋشى شالقاروۆ تٶبەلەستەن كەيٸن قانشا قارۋ تەركٸلەنگەنٸن ايتتى.
ودان كەيٸن شەرزاتتىڭ ٷيٸنە كٷزەت قويىلدى.
كٶپ ۇزاماي مارقۇم شەرزاتتىڭ ٷيٸ ٶرتەندٸ.
سونداي-اق مارقۇمنىڭ ەكەسٸ ەلدەكٸمدەردٸڭ تاراپىنان بٸرنەشە رەت قورقىتۋ بولعانىن جەتكٸزگەن ەدٸ.
“مەنٸ بٸر ەمەس, بٸرنەشە رەت قورقىتتى. الىپ كەتۋلەر بولدى. تەلەفونمەن دە. “زاڭگەرمٸز, ادۆوكاتپىز, بٸرگە وقىپ ەدٸك” دەپ كەلٸپ, الداپ, مەنٸ دالاعا شاقىرىپ الىپ, قورقىتۋلار بولعانى راس”, - دەدٸ مارقۇمنىڭ ەكەسٸ.
وسى تۇستا ول اشىق سوتتى تالاپ ەتەتٸنٸن ايتتى.
“حالقىمنان سۇرايتىنىم – ەش قان تٶگٸلمەسٸن. اشىق سوت بولۋىن تالاپ ەتەم. اشىق سوت بولسا, وڭ شەشٸم بولادى. ەش ارانداتۋعا تٷسپەڭٸزدەرشٸ. انالار جىلاماسىن, بالالاردىڭ قانى تٶگٸلمەسٸن. باۋىرلارىم, جٸگٸتتەر, اراندامايىقشى, الدانىپ قالمايىق. جوعارىداعى اعالار دا زاڭ اياسىندا قولعا الىپ جاتىر. ەرتەڭ استانادان, ٸٸم-نەن ادام كەلەدٸ دەپ ايتىلدى. سول ايتارىم. بالام ٶلدٸ. ەندٸ مەن باسقا بالالاردىڭ بولاشاعى جاقسى بولسىن دەپ تٸلەيمٸن. نيەتٸم دە, ارمانىم دا وسى”, - دەدٸ ول.
