گٷلجان شۋلى جازباسىن ٶشٸرگەننەن كەيٸن «بٸزدە حالىق شىندىقتى ايتساڭ وسىلاي جازعىرادى» دەپ رەنجٸپتٸ.
ورىنسىز وي
كەزٸندە جۋرنالىنىڭ جارناماسىن جاساۋ ٷشٸن تىرداي جالاڭاش شەشٸنٸپ, جۇرت الدىنا شىققان اپامىزدىڭ سوڭعى جازباسىنان ەلەۋمەتتٸك جەلٸگە نەنٸ جازىپ, نەنٸ جازباۋ كەرەگٸن ەلٸ تٷسٸنبەگەنٸن بايقادىق.
شۋلى جازبانى مازمۇنى تٶمەندەگٸدەي. اپامىز بٸر جەرگە بارۋ ٷشٸن تاكسي ۇستاپ, بٸر ورىستىڭ تازا, جايلى مەشينەسٸمەن ىرعالىپ-جىرعالىپ دٸتتەگەن جەرٸنە جەتٸپ الىپتى. ال قايتاردا بٸر قازاقتىڭ ٸشٸ لاس, قايرات نۇرتاستىڭ ەنٸن «باقىرتىپ» قويعان كٶلٸكپەن ٷيٸنە ەرەڭ جەتٸپتٸ.
اپامىز قازاق تاكسيستٸڭ ەشتەڭە وقىماعانىن, ەشتەڭەگە قىزىقپايتىنىن, ديماش قۇدايبەرگەن جايىندا مٷلدە بٸلمەيتٸنٸن بايقاپتى (اپا, سەنٸمدٸ بولۋىڭىز ٷشٸن سۇراي سالۋىڭىز كەرەك ەدٸ).
تٸپتٸ,ەشتەڭە ويلامايتىن قازاق تاكسيستٸڭ «قازاقتار ورىستاردى تۇنشىقتىرۋى كەرەك» دەپ ويلايتىنىن اڭداپ قالىپتى. وسىلايشا اپامىز جول بويى كٶكەيگە تٷيگەن ويلارىن ٷيٸنە كەلگەن سوڭ, فەيسبۋكقا تٶپەلەتٸپ جازىپ تاستاعان عوي.
ەرعاليەۆا قازاقتار جايىندا نە ويلايدى?
ەرعاليەۆا وسى پوستى جازعاندا اۋىلدان شىققان قازاقتار (گٷلەكەڭە قاتىسى جوق ادامدار) رەنجيدٸ-اۋ دەپ نەگە ويلامادى?
دەمەك ەرعاليەۆا ويلانبايتىن ساياساتكەر بولدى عوي. سوندا ونىڭ بيلٸكتٸ سىناپ, حالىقتىڭ سويىلىن سوعىپ جٷرگەنٸنٸڭ بەرٸ بەكەر بولعانى ما?
گٷلجان اپامنىڭ قازاق تاكسيستتٸڭ نەلٸكتەن مۇنداي كٷيگە تٷسكەنٸن بٸلمەدٸ دەپ ايتۋعا اۋىزىڭ بارمايدى. ەگەر شىنىمەن بٸلمەسە,ايتايىق.
وسى بٸر جازبادان-اق, ەرعاليەۆانىڭ حالىق ٷشٸن, قازاق تٸلٸ ٷشٸن جانى اۋىرمايتىن, ويىنشىق وپپوزيتسيونەر ەكەنٸن بايقاعانداي بولدىق. تٸپتٸ, مىنا جازباسىنان كەيٸن اپامىزدى وپپوزيتسيونەر دەگەننەن گٶرٸ «ساياسي ساۋداگەر» دەپ اتاعان دۇرىس پا دەپ قالدىق.
قازٸر استانا مەن الماتىنىڭ كٶشەلەرٸندە قۋ تٸرشٸلٸكتٸڭ قامىمەن جٷرگەن اۋىلدان كەلگەن تاكسيستتەردٸ كٶپتەپ كەزدەستٸرۋگە بولادى. پەتەر جالداپ, بالا-شاعانى قالاي اسىرايمىن دەپ جٷرگەن اۋىل قازاعىنىڭ جول بويىندا قول كٶتەرٸپ, كٶلٸگٸنە مٸنگەن ەرگاليەۆاعا «قانداي مۋزىكا تىڭدايسىز» دەپ سىزىلىپ تۇراتىن جايى بار ما? ەرينە جوق.
ەگەر ورىس تاكسيست «مۋزىكا قوسايىن با?» دەپ سىپايلىق تانىتسا, ونىڭ جاعدايى جاقسى بولعانى... ٷرٸم-بۇتاعىمەن وسى الماتىدا تۇراتىن ادامدى جاعدايى جوق دەپ ەشكٸم ايتا الماسى انىق. الماتىداعى ورىستاردىڭ باسپانا دەگەن بەلەمەن باس اۋىرتپاعانىن بەرٸمٸز بٸلەمٸز. تٶرت قۇبىلاسى تٷگەل. جۇمىسى بار.
مەدەنيەتتٸڭ ٶلشەمٸ...
ال گٷلجان اپامىزدىڭ تۇرمىس تاۋقىمەتٸن تارتىپ جٷرگەن قازاق تاكسيستەن جوعارى مەدەنيەتتٸ تالاپ ەتەتٸندەي قانداي مورالدىق قاقىسى بار? ەشقانداي قاقىسى جوق. اڭقاۋ اۋىل قازاعىنىڭ مەدەنيەتٸ كەمشٸن تٷسٸپ جاتسا, وعان بيلٸك, قالا بەردٸ ٶز قازاعىنا جىلى قاباق تانىتپايتىن تاسباۋىر ورىستٸلدٸ قازاقتار كٸنەلٸ.
ايتپاقشى, اپامىز ٶز جازباسىندا «قايرات نۇرتاستىڭ ەنٸن باقىرتىپ قويىپتى» دەپ كەكەگەنٸ جانىمىزعا باتتى.
قايرات نۇرتاستى ەرعاليەۆا تىڭدامايدى ەكەن دەپ بارشا قازاق سٸزدٸڭ تالعامىڭعىز بويىنشا ەن تىڭداۋى كەرەك پە?
قۇرمەتتٸ گٷلجان اپا, بٸلٸپ قويىڭىز, قازاق تٸلٸندە ەن سالىپ, قالىڭ قازاقتىڭ قوشەمەتٸنە بٶلٸنگەن قايرات نۇرتاس دەگەن بالاڭىز قازاقتىڭ شوۋ-بيزنەسٸن دامىتىپ جٷرگەن مايتالمان ەنشٸلەردٸڭ بٸرٸ. سوندىقتان ٶزٸن مەدەنيەتتٸ سانايتىن قازاقتار قايرات نۇرتاستى تىڭدايدى.
كەرٸسٸنشە «قايرات نۇرتاستى باقىرتىپ قويىپتى» دەپ ٶزٸڭٸزدٸڭ قازٸرگٸ قازاقتىڭ مۋزىكا مەدەنيەتٸنەن حابارىڭىز جوق ەكەنٸڭٸزدٸ بايقاتىپ قويدىڭىز.
سونىمەن قاتار ەلگٸ ەشتەڭەگە قىزىقپايتىن تاكسيستٸڭ ديماش قۇدايبەرگەندٸ بٸلمەيتٸنٸن ٷلكەن كەمشٸلٸك رەتٸندە ايتىپسىز. يە, ديماش ٷلكەن تالانت يەسٸ. ونى مۋزىكالىق بٸلٸمٸ بار ماماندار كٷندەلٸكتٸ تىڭداۋى مٷمكٸن.
ال قاراپايىم ادامنىڭ ديماشتى كٷندەلٸكتٸ تىڭدامايتىنى انىق. گٷلجان اپا, سٸزگە سالسا الماتىنىڭ تاكسيستەرٸنٸڭ بەرٸنە اق جەيدە مەن قارا فراك كيگٸزٸپ, ديماشتىڭ ەنٸن ەۋەلەتٸپ ەربٸر كليەنتتٸڭ الدىندا مٷنەيٸم بولعانىن قالايسىز-اۋ.
اپا-اۋ, ونى قازاقستاننىڭ جاعدايى كٶتەرە مە? ونى ٶزٸڭٸز ايتارسىز.ويىڭىزعا كەلگەن وسى بٸر ويدى ۇسىنىس حات رەتٸندە جوعارىعا جازبادىڭىز با?
ەندٸ سامايىڭىزدى قىراۋ شالعاندا ويلانباي پوست جازىپ, جازباڭىزدى فەيسبۋكتان قايتا ٶشٸرٸپ, بەس جاسار بالانىڭ دەڭگەيٸنە تٷسٸپ وتىرسىز. ەلدە بيلٸكپەن كٷرەسٸپ كەرتەيدٸڭٸز بە, اپا?!
نۇرلان جۇماحان, جۋرناليست
https://dalanews.kz/8927
