"قازاقستاندا قوس ازاماتتىققا قاتاڭ تىيىم سالىنعان. مۇنداي تالاپ اتا زاڭعا ەنگٸزٸلگەن. سوعان قاراماي سوڭعى ۋاقىتتا قوس ازاماتتىققا جول بەرٸلگەن جاعدايعا كۋە بولۋدامىز, بۇل تٸپتٸ مەمقىزمەتكەرلەر اراسىنان انىقتالۋدا.
اتالعان دٷنيەگە ٶتە سەرگەك قاراۋ قاجەت, سەبەبٸ بۇل ۇلتتىق قاۋٸپسٸزدٸك مەسەلەسٸن قامتيدى. مۇنداي جايت انىقتالعان جاعدايدا ونىڭ جولىن بٸردەن كەسۋ كەرەك, – دەدٸ توقاەۆ ۇلتتىق كەڭەستٸڭ وتىرىسىندا.
پرەزيدەنت وسى رەتتە بىلتىرعى جولداۋىندا ايتىلعان "قوس ازاماتتىعى بارى انىقتالعان مەمقىزمەتكەرلەر مەن كۆازيمەملەكەتتٸك سەكتور باسشىلارىن جۇمىستان قۋۋ تۋرالى" تاپسىرما بەرگەنٸن ەسكە سالدى. ەرٸ ٷكٸمەت پەن مەملەكەتتٸك قىزمەت ٸستەر اگەنتتٸگٸنەن وسى باعىتتا اتقارىلعان جۇمىس جايىندا ەسەپ بەرۋدٸ تالاپ ەتتٸ.
توقاەۆتىڭ اتاپ ٶتكەنٸندەي "مۇندايدىڭ الدىن-الۋ ٷشٸن قولدانىستاعى زاڭناماسى قاتاڭداتىپ, جاۋاپكەرشٸلٸكتٸ كٷشەيتۋ كەرەك".
قازاقستان زاڭىنا ساي ەلٸمٸزدە قوس ازاماتتىققا تىيىم سالىنعان. «قر ازاماتتىعى تۋرالى» زاڭى, 3-بابىنا سەيكەس, قازاقستان رەسپۋبليكاسى ازاماتىنىڭ باسقا مەملەكەتتiڭ ازاماتتىعىندا بولۋى تانىلمايدى. 21-بابىنا سەيكەس, «ەگەر ادام باسقا مەملەكەتتٸڭ ازاماتتىعىن العان بولسا», قر ازاماتتىعىن جوعالتادى.
مەملەكەت باسشىسى 2020 جىلعى قازاقستان حالقىنا جولداۋىندا سىبايلاس جەمقورلىق قىلمىسىن جاساعاندار ٷشٸن قىلمىستىق كودەكستەگٸ جازانى قاتايتۋ تۋرالى ٶزگەرٸس ەنگٸزۋدٸ تاپسىرىپ, مەملەكەتتٸك قىزمەتشٸلەر مەن كۆازيمەملەكەتتٸك سەكتوردا باسشىلىق قىزمەت اتقاراتىندار اراسىندا قوس ازاماتتىعى بار لاۋازىم يەلەرٸ انىقتالسا, ولاردىڭ قىزمەتٸنەن بوساتىلاتىنىن ايتقان.
ٸشكٸ ٸستەر مينيسترٸنٸڭ ورىنباسارى الەكسەي كالايچيديدٸڭ ايتۋىنشا قوس ازاماتتىقپەن ۇستالعانداردىڭ اراسىندا مەملەكەتتٸك قىزمەتشٸلەر دە كٶپ. ٶتكەن جىلعى ون بٸر ايدىڭ ٸشٸندە قوس ازاماتتىققا قاتىستى 431 فاكت تٸركەلگەن.
ايتا كەتسەك بۇعان دەيٸن شىمكەنت قالاسى پوليتسييا دەپارتامەنتٸندەگٸلەر قالالىق دەنە شىنىقتىرۋ جەنە سپورت باسقارماسىنىڭ باسشىسى ولەگ پوچيۆالوۆتىڭ قوس ازاماتتىعى بارىن راستاپ, ونى قازاقستان ازاماتتىعىنان ايىرۋ جايتىن تٸركەگەن.
شىمكەنت پوليتسيياسىنىڭ حابارلاۋىنشا, باسقارما باسشىسى ولەگ پوچيۆالوۆتىڭ قىزمەتٸندە زاڭبۇزۋشىلىق بولعان. بۇل ٷشٸن شەنەۋنٸك قازاقستاندىق ازاماتتىعىنان ايىرىلدى.
«شىمكەنت قالاسى پوليتسييا دەپارتامەنتٸنٸڭ كٶشٸ-قون قىزمەتٸ باسقارماسى 1974 جىلى تۋعان قازاقستان رەسپۋبليكاسىنىڭ ازاماتى ولەگ ۆلاديميروۆيچ پوچيۆالوۆتىڭ قوس ازاماتتىقتا بولۋ فاكتٸسٸن انىقتادى. ازاماتتىق تۋرالى زاڭنىڭ 21-بابىنا سەيكەس, كٶشٸ-قون قىزمەتٸ باسقارماسى قازاقستان رەسپۋبليكاسىنىڭ ازاماتتىعىنان ايىرۋ جايتىن تٸركەدٸ», - دەپ حابارلادى شىمكەنت قالاسى پد ازاماتتىق جەنە ميگراتسييا بٶلٸمٸنٸڭ باسشىسى گٷلجان نىسانباەۆا.
