Goldman Sachs مۇناي باعاسىنىڭ تٶمەندەۋٸنە بايلانىستى بٸزدٸڭ ٶڭٸردٸڭ ماكروەكونوميكالىق كٶرسەتكٸشتەرٸنە قاتىستى بولجامدى قايتا قاراپ شىقتى. جاڭا بولجامعا سەيكەس, Brent ماكارلى مۇنايدىڭ بٸر باررەلٸ 2025 جىلى 62 دوللار, 2026 جىلى 55 دوللار بولۋى مٷمكٸن, دەپ حابارلايدى Dalanews.kz.
ەڭ باستىسى, بولجامداعى وڭ قۇبىلىس اقش ەكونوميكاسىندا رەتسەسسييا بولمايتىنى جەنە وپەك+ ەلدەرٸ مۇناي ٶندٸرٸسٸ كٶلەمٸن شەكتەپ بولسىن, ٶسٸرۋٸ بولىپ تابىلادى.
قازاقستانعا قاتىستى بولجام:
- جٸٶ ٶسٸمٸ 2025 جىلى: +5.2% (2024 جىلعى +4.8%-دان كەيٸن), ال ودان كەيٸن ەكونوميكانىڭ ٶسۋ قارقىنى باياۋلاپ, 2026 جىلى +4.1%, 2027 جىلى 4.3% بولۋى ىقتيمال.
- ينفلياتسييا: 2024 جىلعى 8.7%-بەن سالىستىرعاندا 2025 جىلى 9.7% قۇرايدى. ينفلياتسييا ٶسٸمٸ ودان كەيٸنگٸ جىلدارى تەجەلە باستايدى, ياعني 2026 جىلى 7.3%, 2027 جىلى 5.9%-عا دەيٸن.
- بازالىق مٶلشەرلەمە قازٸرگٸ 15.25%-دان 2025 جىلدىڭ سوڭىنا دەيٸن 17.00%-عا ٶسۋٸ مٷمكٸن. ال ودان كەيٸنگٸ جىلدارى تەك تٶمەندەۋ تٸركەلەدٸ دەپ بولجانادى: 2026 جىلى - 15.00%, 2027 جىلى - 11.00%, 2028 جىلى - 9.00%. بۇل سىرتقى سىني-تەگەۋٸرٸندەر اياسىندا ينفلياتسييانى اۋىزدىقتاۋ امالدارىن تانىتاتىنى دا ناقتىلانادى.
"تۇتاستاي العاندا, قازاقستان مۇناي باعاسىنىڭ تٶمەندەۋٸ تٷرٸندەگٸ سىرتقى قىسىمنىڭ بٸر بٶلٸگٸن ٸشكٸ سۇرانىسپەن جەنە فيسكالدىق يكەمدٸلٸكپەن ٶتەيتٸن بولادى. بۇل رەتتە اقشا-نەسيە ساياساتىن قاتاڭداتۋ ينفلياتسييانى باسقارۋدا ۇلتتىق بانك سٷيەنەتٸن نەگٸزگٸ قۇرالى بولىپ قالا بەرەدٸ. ال قازاقستاننىڭ ٶزٸ CEEMEA-نىڭ ٸشٸندەگٸ ەڭ جىلدام دامىپ كەلە جاتقان ەكونوميكالاردىڭ بٸرٸ بولىپ قالا بەرەدٸ. بٸزدٸڭ ايماقتا GS كٶبٸنەسە ٷيرەك ەتٸ ەكەنٸن تٷسٸنۋ كەرەك, بٸراق ستاۆكا بويىنشا كٷتۋ نارىق", دەلٸنگەن امەريكالىق ٸرٸ ينۆەستيتسييالىق بانك بولجامىندا.
بۇعان دەيٸن ەۋرازييالىق تۇراقتاندىرۋ جەنە دامۋ قورىنىڭ ماكروەكونوميكالىق بولجامدارىن جارييالاعان بولاتىنبىز. وعان سەيكەس, قازاقستاندا ينفلياتسييا ٷدەي تٷسكەنٸمەن, ەكونوميكا تۇراقتى بولىپ تابىلادى. سونداي-اق قارجى سالاسىنىڭ ساراپشىسى ارمان بەيسەمباەۆ مۇناي باعاسى جىل سوڭىنا دەيٸن تٶمەن كٷيدە قالا بەرەتٸن بولسا, جاقىن پرەسپەكتيۆاداعى 1 اقش دولارىنىڭ قۇنى 530 تەڭگە, ال جىل سوڭىندا 580 تەڭگەنٸ قۇراۋى مٷمكٸن ەكەنٸن بولجاعان. ول مۇناي باعاسى تٶمەندەسە, قازاقستاندا اقش دوللارىنىڭ باعامى ٶسەتٸنٸن, بۇل قالىپتى زاڭدىلىق ەكەنٸن ناقتىلاعان.
